Tsowa di Hlatolla ke Mareka

12 Ke mokane a thomisa go bolabola nabo a berekisa mešupetso, a re: “Ke mo go na le monna ye mongwana wa gore ke mo a na le tšhomo ya didhriva,+ fote a yi yagelela ke mokane a maka poleke ya go makela wayini ga yona fote a yaga le poleke ya go yema ga yona mo motho a pasopa tšhomo;+ a šiya tšhomo yela le ba go lima gore ba šale ba yi pasopa, yene a vakaša.+ 2 Mo go segela nako ya go buna, a roma sebereki sage gore se ye se tseye diyengwa tse dingwana ga bala ba go lima. 3 Byalo, bala ba go lima ba tshwara sebereki sela ba se teya, sa boyela nthago se lekalekisa matsogo. 4 A romela se sengwana, sona ba se teya hlogo yo fote ba se maka tsa go tšebisa.+ 5 A romela se sengwana, sona ba se bolaya, ke mokane a romela tse dingwana, mone ga tsona ba teya tse dingwana fote tse dingwana ba di bolaya. 6 Ke mo go sa na le morwayi wage fote, wa gore ke mo a mo nyaka ka matla.+ A fetsa a romele yene, a re, ‘Morwayi waka yene ba nyoko mo hlompa.’ 7 Mo banna bala ba mmona, ba kwana ba re, ‘Yewa ke mojalefa.+ Tla re mmolayeneng ke mokane lefa lowa go nyoko ba la rune!’ 8 Ba mo tseya ba mmolaya ke mokane ba mo lahlela ka tawong ga tšhomo yone.+ 9 Mong wa tšhomo yone o nyoko maka ying mara? O nyoko tla ke mokane a ba bolaya, a tseya tšhomo yela a yi neya ba bangwana.+ 10 Anthe a le ya bala lengwalo lowa la gore, ‘Letlapa la gore bommeselane ba le ganne go fetsiye go ba khona ya fandhiši.*+ 11 Le gore letlapa lone le tšwa ga Jehova fote le ya re makatsa’?”+

12 Mo bo ba go mo phigisa ba kwa mošupetso wowa, ba f’lo kwa gore o bolabola ka bona. Ne ba nyaka go mo tshwara, mara ke mo ba tšhaba mogoba, ba fo tloga ba mo šiya.+

13 Byalo ba roma Mafaraseyi ya mangwana le ba mokgahlo wa Heroda ga Jeso gore ba make gore a bolabole dilo tsa gore ba ka mo tanya ka tsona.+ 14 Ke mokane ba segela ba re: “Thitšere, re ya di tšiba tsa gore o bolabola nnete, o tšhutisa nnete ka Modimo, a wo llele gore batho ba go yamogele, fote a wo yi ka gore motho ke wa mošaga mang. Nje molawo wa dumela* gore re patele tšheleta ya mothelo ga Kesara? 15 Re patele kela re sa patele?” Ka taba la gore ke mo a di tšiba gore ba mo reyye, a re ga bona: “Ke ntaba le nreya? Leyaneng dhenariyase ke yi bone.” 16 A re ga bona: “Sethombhe sowa le lebitso lowa ke tsa mang?” Ba re: “Ke tsa Kesara.” 17 Byalo Jeso a re: “Patelaneng Kesara dilo tsa Kesara,+ le Modimo le mo pateleneng tsa Modimo.”+ Mo ba kwa tsotsone ba makala.

18 Byalo, Masadutseyi ya gore ne ma sa dumele gore batho ba nyoko tsusiwa+ ma tla gage ma mmutsisa ma re:+ 19 “Thitšere, Moše o ngwadiye gore mo monna a ka timela a šiya mosadi mara ba se na bana, di nyaka bhuti wage a tseye mosadi yene a belegele bhuti wage bana.+ 20 Byalo, ke mo go na le bobhuti kašupa ya bona. Wa mathomo o yye a tseya mosadi, a fetsa a timele a se na bana. 21 Wa mabedi a tseya mosadi yela mara le yene a kgwa a se na bana, le ga wa kararo gwa fo makega ka mokgonone. 22 Ka mokana ga bona ba le kašupa ba kgwa ba se na bana, mosadi yela le yene a feleletsa a kgwile. 23 Byalo mo batho ba tsusiwa, mosadi yewa go nyoko ba wa mang ga bala kašupa ya bona ka taba la gore ke mo go le mosadi wa bona ka mokana ga bona?” 24 Jeso a re ga bona: “Le yi lahliye, ka gore a le tšibi Mangwalo le gore matšhika ya Modimo ma bereka byang.+ 25 Ka taba la gore mo batho ba tsusiwa, banna ba ka sa sa tseya basadi fote basadi ba ka sa sa tseyiwa, ba nyoko tshwana le mangeloyi ya ku legedimong.+ 26 Mara ga taba ya gore bo ba hlokofeleng ba nyoko tsusiwa, anthe a le ya bala ga puku ya Moše ka taba yela ya mohlare sa go dura, nakwela Modimo a re gage: ‘Ke nna Modimo wa Abhrahama, Modimo wa Isaka le Modimo wa Jakobo’?+ 27 Le yi lahliye ka matla ka taba la gore Modimo a yi Modimo wa batho ba gore ba kgwile mara ke Modimo wa batho ba go phela.”+

28 Ye mongwana wa gore ke mabhalane ke mo a le nabo, a theetsele mo ba kene ba phigisana. Ka gore ne a di tšiba gore Jeso o ba fetodiye gabutši, a mmutsisa gore: “Thitšere, Molawo wo mogolo* ga Molawo wa Moše ke wofeng?”+ 29 Ke mokane Jeso a re gage: “Sa mathomo, ‘Theetsela wene Israyele, Jehova* Modimo wa rune, ke yene Jehova* a ntoši, 30 byalo ga Jehova* Modimo wago o mo nyake ka pelo yago ka mokana ga yona, ka bowene* byago ka mokana ga byona, ka monagano wago ka mokana ga wona le ka matšhika yago ka mokana ga wona.’+ 31 Molawo wa mabedi ke wowa: ‘O nyake moyagelane wago ka mokgo o tinyakang ka gona.’+ A go na molawo wa go phala yowa ka mmedi.” 32 Mabhalane yela a re gage: “Thitšere, tso o di bolabodiyeng ke nnete, ‘Ke yene a ntoši, fote a go na ye mongwana wa go tshwana naye’;+ 33 byalo mo o mo nyaka ka pelo ka moka, ka monagano ka moka le ka matšhika ka moka, fote o nyaka le moyagelane wago go fo tshwana le ka mokgo o tinyakang ka gona, tsotsone di phala go maka dihlabelo.”+ 34 Mo Jeso a kwa gore morenewa o hlaya tsa go ya ka tsela, a re gage: “Mara wa tšiba wene a o kgole le Mmušo wa Modimo.” Ke mokane gwa hloka le ka wwoši wa go ba le lešiši la go mmutsisa fote.+

35 Mara mo Jeso a kene a tšhutisa hone tempeleng o yitseri: “Anthe ke ntaba bomabhalane ba re Kreste ke morwayi wa Dafita?+ 36 Dafita o yye a tšhofa ke moya wa go hlawolega,+ a hlaya mantsu ya gore: ‘Jehova* o butsiye Morenaka gore: “Dula ka letsogong laka la go ja go segela ke beya manaba yago ka fase ga mawoto yago.”’+ 37 Mo nkare ke morwayi wa Dafita, ke ntaba Dafita a re ke Morena?”+

Mogoba wo mogolo wa jabodisa ke tso ne a di bolabola. 38 Mo a kene a ya mahlong a ba tšhutisa a re ga bona: “Le pasopeneng bomabhalane ba go kwana le go sepela-sepela ba yapere diphuraphura, ba nyaka go tamisiwa ho ba le ku mmakete,+ 39 ba gore mo ba le disinagogeng ba nyaka go dula ka ku mahlong* fote ba kwana le ditulo tsa mayemo mo ba le menyanyeng.+ 40 Ba tseyela basadi ba go kgwela ke banna dilo tso ba nang natso,* fote mo ba rapela ba lefisa ka matla gore ba bone ke batho. Bobone ba nyoko yahludiwa go baba.”

41 Jeso a dula fase ga gore ke mo a kgona go bona mabhokisi ya go neyela ga wona,+ ke mokane a lebelela mogoba mo wo kene wo lahlela tšheleta ka mone teng, le bo ba go ghanya ke mo ba lahlela ditšheleta tsa tshipi tsa go tlala.+ 42 Byalo gwa nyarela mosadi ye mongwana wa go tihlupegela wa gore o kgwele ke monna, a segela a tšhela ditšheleta ka dipedi tsa tshipi tsa go sa re selo.+ 43 Ke mokane a bitsa malata yage a re ga wona: “Ke le botsa nnete, mosadi ye wa go tihlupegela wa gore fote o kgwele ke monna o neyele go phala batho ka mokana ga bona ba gore ba lahlele tšheleta hala mabhokising.+ 44 Ka taba la gore bona ba f’lo ntsha ga yo ba nang nayo ya go tlala, ba tšhela ka hala mabhokising, mara yene o lahlele yo ne a le nayo ka mokana ga yona* ya gore ke mo a tshwanele a reke sela le sela gore a thogo phela.”+