Magoši wa Mabedi
6 Byalo, barwayi ba baporofeta+ ba re ga Eliša: “Poleke yo re dulang ga yona nago ke ye nyana. 2 Barena re lisetse re ye Jorodane. Ke mokane ye mongwana le ye mongwana wa rune a kupe mehlare gana ku a tiyagele ntlo gore a thogo dula gona.” Yene a re: “Ariyeneng.” 3 Ye mongwana ga bona a re: “Le wene o ko tla le malata yago akere?” Mo a reyane, a re: “Eya nko tleng.” 4 Byalo, o yye nabo, ba segela Jorodane ke mokane ba thomisa go kupa mehlare. 5 Mo ye mongwana wa bona a kene a kupa mohlare, mpheng wa selepe wa wela ka teng ga meetši, ke mokane a yahlamela a re: “Yo nna yo morenaka, ne ke se yadimme!” 6 Lelata la Modimo wa mannete la re: “Wo wele kaye?” Ke mokane a mo šupetsa mo wo weleng gona. Lelata lela la Modimo wa mannete la kupa lehlare la le bošela mola wo weleng gona, sosone sa maka gore mpheng wola wo phaphamale. 7 A re: “Wo tseye.” Ke mokane a wolola letsogo lage a wo tseya.
8 Byalo, kgoši ya Siriya ya ya ntweng ya lwa le Israyele.+ Yi butsiye malata ya yona ya re: “Ke nyoko dula le lune ga poleke ya gore le ya gore.” 9 Byalo, lelata la Modimo wa mannete+ la botsa kgoši ya Israyele gore: “O sa tle ka lowa, ka taba la gore ke mo Masiriya ma nyoko le hlaselang gona.” 10 Byalo, kgoši ya Israyele ya romela molayetsa ga batho ba yona ba gore ne ba le ga poleke yo lelata la Modimo wa mannete le mo pasopisiyeng ka yona. Lelata la Modimo wa mannete la fo ya mahlong le mo pasopisa, ke mokane kgoši ya sa yi ga poleke yo ba yi pasopisang ka yona gatleletlele.+
11 Tsotsone dya kwatisa kgoši ya Siriya ka matla, byalo ya bitsa malata ya yona ke mokane ya re: “Mpotseneng mo! Ke mang mo ga lune wa gore o yema le kgoši ya Israyele?” 12 Ke mokane ye mongwana ga malata yage a re: “Aa šiyo, wene kgoši morenaka! Motho ye a botsang kgoši ya Israyele dilo tso o di bolabolang mo o le ka kamareng yago ke Eliša wa gore ke moporofeta wa Israyele.”+ 13 Kgoši ya Siriya ya re: “Ariyeneng le ye nyakisiseng gore o kaye, gore ke thogo romela banna gore ba mo tshware.” Ke mokane mo ba boya ba mmotsa gore: “O ku Dothane.”+ 14 A napa a romela dipera, dikotšikara tsa ntwa le masole ya go tlala gana ku; ba yye go le bošego ba segela ba dukulugela mutši wone.
15 Mo lelata la Eliša le tsoga ka bošego le tšwela ka tawong, la bona masole, dipera le dikotšikara tsa ntwa di dukulugele mutši. Ka go yakgoswa la re ga Eliša: “Yo nna yo morenaka! Re nyoko tipona re makiye ying?” 16 A re gage: “O sa tšhoge!+ Ka taba la gore bo ba nang le rune ba tlele go phala bo ba nang nabo.”+ 17 Ke mokane Eliša a thomisa go rapela a re: “Barena Jehova, bula motho yewa maahlo a thogo bona.”+ Ka go yakgoswa Jehova a bula maahlo ya lelata lela, ke mokane mo le lebelela ga poleke ya dithabeng la bona go tlele dipera le dikotšikara tsa ntwa tsa gore ne di dura+ mollo di dukulugele Eliša.+
18 Mo Masiriya ma šele ma šutela thina le Eliša, a rapela Jehova a re: “Barena ke kgopela o make gore ba popele maahlo.”+ Byalo, a maka ka mokgo Eliša a kgopeleng ka gona, a maka gore ba popele maahlo. 19 Ke mokane Eliša a re ga bona: “Le lahlegiye, fote mutši wo le leng ga wona a yi wona. Koriyeneng ke ye le šupetsa motho ye le mo nyakang.” Mara a ba yisa Samariya.+
20 Mo ba segela Samariya, Eliša a re: “Barena Jehova, maka gore ba bone fote.” Ke mokane Jehova a maka ka mokgonone, mo ba bula maahlo ba tikraya ba le gare ga Samariya. 21 Mo kgoši ya Israyele yi ba bona, ya re ga Eliša: “Morenaka, ke ba bolaye?” 22 Mara Eliša a re: “O sa ba bolaye. Ayitsano batho bo o ba hludiyeng ka sabola le ka mosefo ba gore o ba tsere wa maka gore go be mabhantiti, ayitsano wa ba bolaya? Ba neye sekgwa le meetši ba je ba boye ba nwe+ ke mokane ba boyele ga morena wa bona.” 23 Byalo, kgoši ya Israyele ya maka monyanya wo mogolo, gwa jiwa gwa boya gwa nwiwa, ka nthago ga mone a re ba boyele ga mong wa bona. Masole yawa ya Masiriya+ ma napa ma ya ma sa sa boya.
24 Ka nthago ga mone Bhene-hadadi wa gore ke kgoši ya Siriya a kgobaketsa masole yage ka mokana ga wona, ke mokane ba ya ba dukulugela naga ya Samariya.+ 25 Byalo, ke mo go na le tlala ye kgolo+ ku Samariya, fote ba yi dukulugele go segela ba rekisa hlogo ya bhongholo+ ka 80 ya disilva, fote kanne ya makgupa ya mapapa ya maliba ke mo go le kapheta ya ditšheleta tsa silva. 26 Mo kgoši ya Israyele yi sepela gedimo ga lepharo la mutši, mosadi ye mongwana a mo yahlamela a re gage: “Re gelepe barena, wene kgoši morenaka!” 27 Mo a reyane, kgoši ya re: “Mo nkare Jehova aa go gelepe, nna ke ye go kgopelela thušo kaye? Ayitsano go na le tso di šeleng ku ba tulelang gona mabele le ku ba makelang gona wayini kela makgura?” 28 Kgoši ya mmutsisa gore: “Bothatha king?” A mo fetola ka gore: “Mosadi yewa o yitseri gaka, ‘Leya morwayi wago re je yene lekgono, ka motshwana re ko ja morwayi waka.’+ 29 Byalo, re yapegiye morwayi waka ra mo ja.+ Ke mokane ka motshwana wa gona ka re ga mosadi yewa, ‘Leya morwayi wago le yene re mo je.’ Mara yene a mo wutetsa.”
30 Mo kgoši yi fetsa go kwa mantsu ya mosadi yewa, ya tlerolanya dikobo tsa yona.+ Mo yi kene yi sepela gedimo ga lepharo, batho ba di bona gore yi yapere masaka ka teng ga dikobo tsa yona. 31 Ke mokane ya re: “Nkare Modimo a ka maka gore ke wele ke tsa go baba, a boye a ro totometsa mo nkare a ke kupe hlogo ya Eliša morwayi wa Šafate lekgono lo!”+
32 Eliša ne a duli ntlong yage le banna ba bagolo. Byalo kgoši ya romela monna mahlong ga yona, mo monna ye yi mo rommeng a soko segela, Eliša a re ga banna bo ba bagolo: “Akere le ya mmona morwayi wa monna wa go bolaya batho+ o romele motho gore a tle a nkupe hlogo? Le mo ghade mo a tla, le mo kwalele ka tawong, le parakeneng sekwalo sowa gore a sa kgone go kena. Ayitsano ye re mo kwang a sepela a mo šele nthago a yi morena wage?” 33 Mo a sa bolabola nabo, monna yela ba mo rommeng a segela ke mokane kgoši ya re: “Dilo tsowa tsa go sasamela di tšwa ga Jehova. Byalo ke ntaba ke tshwanele go yemela Jehova gore a nthuše?”