Hezekiyele
27 Lentsu la Jehova la tla gaka fote, la re: 2 “Wene morwayi wa motho, yepelelela Tira koša ya mo go lliwa,+ 3 o botse Tira gore,
‘Wene wa gore o dula digheyiting tsa lewatle,
Wene wa gore o rekisela batho ba go dula dipolekeng tsa go tlala tsa go dukulugela ke meetši,
Tsowa ke tso Jehova Morena wa ku Malenghelengheng a di hlayang:
“Wene Tira, go hlayye wene mong gore, ‘Mabafalelo yaka a ma na selabi.’+
4 Dipoleke tsago di kgera ku tengteng ga lewatle,
Fote bommeselane bago ba makiye gore o nape o bafala ka matla.
5 Ba makiye mapolanka yago ka mokana ga wona ka mehlare ya mojunipha* ya go tšwa Seniri,+
Fote ba tsere mohlare wa mosidara wa go tšwa Lebhanoni ba go makela phate ya sekepeng ya go haka seyila.
6 Ba makiye dilo tsago tsa go thapa ka tsona ka mohlare wo mogolo wa go tšwa Bhašane,
Fote nko ya sekepe sago ke mo ba yi makiye ka mopapuleri, ba yi kgabisiye ka manaka ya tlowu ya go tšwa ga dipoleke tsa go dukulugela ke meetši tsa Kitimo.+
7 Ba berekisiye llapi la linene la go ba le dikhalakhala la go tšwa Egepita gore go be seyila yago,
Fote selo sa go maka morithi sa sekepeng sago ke mo se makiwwe ka gare ye tala sebakabaka le wulu ye phepholo tsa go tšwa dipolekeng tsa go dukulugela ke meetši tsa Elišaha.+
8 Batho ba go dula Sidoni le Aravada+ ke bona bo ne ba go thapela meetši.
Wene Tira, banna ba wene mong ba gore ke digele ga tso tsa go sipidisa dikepe ke bona bo ne ba go sipidisela dikepe.+
9 Banna ba digele* ba go tšwa Ghebhali+ ke mo ba thiba mašuba ya sekepe sago.+
Go tlile dikepe ka mokana ga tsona tsa lewatleng le bo ba di sipidisang go tl’le maka bhizinisi nago.
10 Banna ba go tšwa Peresiya, Ludimi le Puti+ ke mo ba na le masole yago, banna bo o nang nabo ba ntwa.
Ba hakiye magawu ya bona le makarapo ya bona ho gago, ba maka gore o gadime.
11 Ga masole yago, banna ba go tšwa Aravada ke mo ba yemme go dukulugela mapharo yago,
Fote banna ba go ba le lešiši ke mo ba pasopa diwokamelo tsago.
Ke mo ba haka magawu ya kgokolo ka mokana ga gona ho mapharong yago
Ba maka gore o nape o bafala ka matla.
12 “‘“Tharašiši+ yi makiye bhizinisi nago ka taba la gore o ghannye ka matla.+ Ba go neyye silva, tshipi, pikiri le morodi gore ba kraye dilo tsago.+ 13 Javane, Tubhali+ le Mešeke+ ke mo di rekiselana dilo nago,+ ke mo ba go patela ka dibereki le dilo tsa go makiwa ka koporo gore ba kraye dilo tsago. 14 Ditlogolwane tsa Thoghama+ di go neyye dipera le dimeyila gore di kraye dilo tsago. 15 Batho ba Dedani+ ke mo ba rekiselana dilo nago; o hiriye batho ba go rekisa dipolekeng tsa go tlala tsa go dukulugela ke meetši; ba go neyye manaka ya ditlowu+ le dikwata tse diphifadu tsa go tseyediwa gedimo. 16 Edomo yi makiye bhizinisi nago ka taba la gore o na le dilo tsa go tlala. Ba go neyye letlapa la go tseyediwa gedimo lo ba reng ke thekhoyisi, wulu ye phepholo, malapi ya dikhalakhala ya gore ma kgabisiwwe, llapi la go bafala, matlapa ya go tseyediwa gedimo ya lewatleng le matlapa ya ba reng ke rubhi gore ba kraye dilo tsago.
17 “‘“Juda le naga ya Israyele ke mo di rekiselana dilo nago, di go neya korong ya Minithe,+ tsa go ja tsa go tseyediwa gedimo, mamapo,+ makgura le bhalesamo+ gore ba kraye dilo tsago.+
18 “‘“Damasekhase+ ke mo yi maka bhizinisi nago ka taba la gore ke mo o na le dilo tsa go tlala fote o ghannye ka matla, yi go neyye wayini ya Helebhone le wulu ya go tšwa Zahara. 19 Vedani le Javane tsa gore di thina le Uzala di go neyye dilo tsa go makiwa ka tshipi, sinamone* le lehlaka* gore ba kraye dilo tsago. 20 Dedani+ o go rekisele malapi ya gore ba ma beya ka mokolong wa dipera. 21 O hiriye Maarabha le dindhuna ka mokana ga tsona tsa Kedara,+ ba gore ke mo ba rekisa dinkunyana, dinku tsa phoolo le dipudi.+ 22 Bo ba go rekisa ba Šebha le Ramaha+ ke mo ba rekiselana dilo nago; ba go neyye mehlobo ka mokana ga yona ya dilo tsa go nkgela tsa gore ke mong tsona, matlapa ya go tseyediwa gedimo le gholdi gore ba kraye dilo tsago.+ 23 Harane,+ Khane, Edeni,+ bo ba go rekisa ba Šebha,+ Ašihuri+ le Khilimada ke mo ba rekiselana dilo nago. 24 Ku ga mmakete wago ke mo ba rekisa dilo tsa go bafala, dikobo tsa ka tawong tsa gore ba di makiye ka malapi ya matala sebakabaka, malapi ya dikhalakhala ya gore ba ma kgabisiye le memmete ya dikhalakhala, ka mokana ga tsona ke mo di tlemelediwwe ka dithapo.
25 Dikepe tsa Tharašiši+ ke mo di rwala dilo tso o di rekisang,
La gore o yye wa tlala ka matla wa šinya o yimela ku gare ga lewatle.
26 Bo ba go thapa dikepe tsago ba go yisiye ga mawatle ya gore ma na le meetši ya go tlala ka matla;
Moya wa ka bohlabela wo go robannye ku gare ga lewatle.
27 Tso o ghannyeng ka tsona, tso o nang natso, tso o di rekisang, batho bago ba go bereka ka dikepe,
Ba go thiba mašuba ya dikepe tsago, bo ba go go rekisela dilo+ le banna ka mokana ga bona ba ntwa+
—Mogoba ka mokana ga wona wa gore wo ho gago—
Ka mokana ga tsona di nyoko nwelela ku gare ga lewatle ka letšatši la mo go fela ka wene.+
28 Dinaga tsa gore di lerophong di nyoko tekateka mo di kwa modumo wa batho bago ba go sipidisa dikepe.
29 Batho ka mokana ga bona ba go thapa, ba go sipidisa dikepe le ba go bereka lewatleng,
Ba nyoko phologa hone dikepeng tsa bona ba yema ho fase.
30 Ba nyoko yahlamela fote ba lla go baba ka taba lago+
Ba kene ba titšhela ka mobu mo dihlogong fote ba phukuluga luteng.
31 Ba nyoko hluba meriri ya bona, ba yapara masaka;
Ba nyoko lla go baba ka taba lago ba kene ba gotla ka matla.
32 Mo ba kene ba lla ba nyoko yepelela koša ya mo go lliwa, ba go llela ba re:
‘Ke mang wa gore o tshwana le Tira, wa gore gana byalo go fediye ka yene ku gare ga lewatle?+
33 Mo dilo tsago di tla di tšwa ku lewatleng, o kgotsofatsiye batho ba go tlala.+
Dilo tsago tsa go tlala tso o ghannyeng ka tsona le tso o di rekisang di makiye gore magoši ya lefaseng ma ghanye.+
34 Gana byalo o robeganne ku lewatleng, meetšing ya go yisa,+
Fote dilo ka mokana ga tsona tso ne o di rekisa le batho bago di nwelele nago.+
35 Batho ka mokana ga bona ba go dula ga dipoleke tsa go dukulugela ke meetši ba nyoko go lebelela ba makele,+
Fote magoši ya bona ma nyoko hlagasela ma tšhugiye+—difahlego tsa wona di nyoko šupetsa gore ma tšhugiye.
36 Bo ba go rekisa ba gore ba gare ga ditšhaba ba nyoko teya moludi ba makele ka taba la tso di go makegeleng.
Go nyoko fela ka wene o sa tilibele fote di nyoko baba,
O ka sa sa ba gona go ya go yye.’”’”+