Samuwele wa Mathomo

7 Byalo, banna ba Kiriyathe-jeyarimo ba tla ba tseya Areka ya Jehova ba yi yisa ntlong ya Abhinadabo+ ya gore yi mmotong, ke mokane ba hlawola morwayi wage Eliyazara gore a pasope Areka ya Jehova.

2 Ke mo go šele go fediye 20 ya mengwaga go tlugisela ka letšatši lo Areka yi segeleng Kiriyathe-jeyarimo, fote batho ba Israyele ka mokana ga yona ba thomisa go nyakana le Jehova.+ 3 Byalo Samuwele a botsa Maisrayele ka mokana ga wona gore: “Mo nkare le nyaka go boyela ga Jehova ka dipelo tsa lune ka mokana ga tsona,+ lisetsaneng medimonyana ya matsaka+ le dithombhe tsa Ašitorethe+ tso di leng hone ga lune, le berekele Jehova a ntoši ka dipelo tsa lune ka moka,+ o nyoko le phonisa ga Mafilisita.”+ 4 Mo a reyane, Maisrayele ma lahla dithombhe tsa Bhaali le tsa Ašitorethe, ma berekela Jehova a ntoši.+

5 Ke mokane Samuwele a re: “Kgobaketsaneng Maisrayele ka moka ku Mizipa,+ nna ke nyoko le rapelela ga Jehova.”+ 6 Byalo, ba kgobakana ku Mizipa ke mokane ba ga meetši ba boya ba ma tsholla mahlong ga Jehova, fote ba tikona tsa go ja tšatši lone.+ Ba re: “Re sinyele Jehova.”+ Samuwele a thomisa go bereka go le yene wa go yahlula+ Maisrayele ku Mizipa.

7 Mo Mafilisita ma di kwelela gore Maisrayele ma kgobakanne Mizipa, bo ba go lawola ba Mafilisita+ ba polana go hlasela Maisrayele. Mo Maisrayele ma di kwelela, ma tšhoga ka taba la Mafilisita. 8 Byalo, Maisrayele ma re ga Samuwele: “O sa lisetsi go kgopela Jehova Modimo wa rune gore a re gelepe,+ fote a re phonise ga Mafilisita.” 9 Byalo Samuwele a tseya senkunyana sa gore se sa yangwa, a makela Jehova sehlabelo sa go tšhubiwa;+ fote Samuwele a kgopela Jehova gore a gelepe Maisrayele, ke mokane Jehova a mo fetola.+ 10 Mo Samuwele a kene a maka sehlabelo sa go tšhubiwa, Mafilisita ma ya ma ye lwa le Maisrayele. Jehova a maka gore le dume ka matla+ ka letšatši lone gore Mafilisita ma šale ma hlakahlakanne,+ ke mokane Maisrayele ma hlula Mafilisita.+ 11 Banna ba Israyele ba napa ba tloga Mizipa ba lelekisa Mafilisita, ba ma bolaya go segela borwa bya Bhethe-kara. 12 Samuwele a tseya letlapa+ a le beya segare ga Mizipa le Ješana, a le reya gore ke Ebheneza,* ka taba la gore ke mo a re: “Jehova o re gelepiye go segela gana byalo.”+ 13 Ka taba la gore Mafilisita ba ma hludiye, ma sa sa ya mo Maisrayele ma dulang gona;+ fote mo Samuwele a kene a sa phela Jehova aa dumelela Mafilisita gore ma hlasele Maisrayele.+ 14 Fote Maisrayele ma tsere mitši yela ya gore Mafilisita ke mo ma ma tseyele yona, go tlugisela ka Ekrone go segela ka Ghathe, Maisrayele ma kraya naga ya wona yo ne yi tsere ke Mafilisita.

Fote Maisrayele ke mo ma phidisana gabutši le Maamore.+

15 Samuwele o yye mahlong a yahlula Maisrayele lephelo lage ka moka.+ 16 Ke mo a ya Bhethele,+ Ghilighala+ le Mizipa+ mongwaga wo mongwana le wo mongwana, fote ke mo a yahlula Maisrayele ga dipoleke tsowa ka mokana ga tsona. 17 Mara ke mo a boyela Rama+ ka taba la gore ntlo yage ke mo yi le gana hone, fote le mo a le gana hone ke mo a yahlula Israyele. A yagela Jehova aletare gana hone.+