Tsowa di Hlatolla ke Matewu
28 Mo go šele go fitiye Sabatha, mo bo sa ka letšatši la mathomo la beke,* Mariya Magdalina le Mariya yela ye mongwana ba tlile ba tl’le hlola lebitla.+
2 Lefase la tekateka ka taba la gore lengeloyi la Jehova* le thewogiye le tšwa legedimong, la segela la kgokolosa letlapa lela mo monyako wa lebitla, ke mokane la dula gedimo ga lona.+ 3 Lengeloyi lone mo o le lebelele ke mo le tshwana le legadima, dikobo tsa lona go le tse ditšhwewu nkare ke kapoko.+ 4 Bomatšinghelane bala mo ba le bona ba hlagasela fote ba woma ka gore ke mo ba tšhugiye.
5 Mara lengeloyi lela la re ga basadi bala: “Le sa tšhogeneng, ka taba la gore ke ya di tšiba tsa gore le nyaka Jeso yela ba mo kokoteleng phateng.+ 6 Aa šiyo mowa, o tsusiwwe, ka mokgonola a le butsiyeng ka gona.+ Tla le boneneng mo setopo sage ne se le gona. 7 Ke mokane le yakgosweneng le ye botsa malata yage gore o tsusiwwe, o le yetiye mahlong o ya Galeliya.+ Le ko mmona gana ku. Le sa lebaleneng tso ke le butsiyeng tsona.”+
8 Byalo, ba yakgoswa ba tloga hala lebitleng ba kene ba tšhugiye fote ba jabodiye, ba taboga ba ye botsa malata yage.+ 9 Mo ba sa re! Jeso a gahlana nabo a re ga bona: “Tamaneng!” Ba šutela ba mo tshwara mawoto ke mokane ba mo kgotamela.* 10 Jeso a re ga bona: “Le sa tšhogeneng! Ariyeneng le ye hlayisela bobhuti baka gore ba ye Galeliya, ba nyoko mpona gana ku.”
11 Mo ba kene ba le tseleng, bomatšinghelane ba bangwana+ ba ya ku mutšing ba ye botsa maprista ya magolo tso di makegiyeng ka mokana ga tsona. 12 Mo ba šele ba gahlanne le banna ba bagolo fote ba bolabodisanne, ba neya bomatšinghelane bala ditšheleta tsa tshipi tsa go tlala 13 ba re: “Le hlaye gore, ‘Malata ya Jeso ma tlile bošego ma yetswa setopo sela re sa yetsele.’+ 14 Mo ye wa go lawola a ka kwa ka taba yowa, rune re nyoko mo hlatollela gore go makegiye ying, lune le sa hlupege.” 15 Ba tseya tšheleta yela ya tshipi ba maka tso ba ba butsiyeng tsona, taba yowa ya tuma ga Majuda go segela le lekgono lowa.
16 Mara, malata ya Jeso 11 ya wona, ma yye Galeliya+ ga thaba yela Jeso a yitsering ba gahlane ga yona.+ 17 Mo ba mmona, ba mo kgotamela* mara ba bangwana ne ba sa tshepe gore ke yene. 18 Jeso a šutela hala ga bona, a re: “Ba mpeyye gore ke lawole dilo ka mokana ga tsona legedimong le lefaseng.+ 19 Byalo, ariyeneng le ye maka batho ba ditšhaba ka mokana ga tsona gore go be malata,+ le ba kolobetseneng+ ka lebitso la Papa le la Morwayi le la moya wa go hlawolega, 20 le ba tšhutiseneng go theetsela dilo ka mokana ga tsona tso ke le butsiyeng tsona.+ Bonaneng! Ke na le lune ka moka matšatši, go segela lefase lowa* le fela.”+