Jošuwa

9 Mo magoši ka mokana ga wona ya gore ne ma le ka nthoko ya bodikela ya Jorodane+ ma kwelela tso di makegiyeng, bo ne ba le ga poleke ya dithabeng, Šefela, lerophong ka mokana ga lona la Lewatle le Legolo+ le bo ne ba le mahlong ga Lebhanoni—ba gore ke Mahethe, Maamore, Makanana, Maperezi, Mahivi le Majebuse+— 2 ba gahlana gore ba thogo lwa le Jošuwa le Maisrayele.+

3 Batho ba go dula Ghibhiyoni+ le bona ba kwelela tso Jošuwa a di makiyeng Jerikho+ le Ayi.+ 4 Byalo, ba šupetsa gore ba hlalefiye, ba tšhela dilo tsa bona ka teng ga masaka ya gore ma hlagele ba ma beya gedimo ga dibhongholo tsa bona, ba tseya le dikutu* tsa bona tsa gore di hlagele, tsa gore di bharasiye, ba di roka; 5 ke mo ba yapere le dimphašane tsa go hlagala tsa gore ba di tšhisiye, fote ba yapere le dikobo tsa go hlagala. Sekgwa sa bona ke mo se womme fote se wuluga. 6 Ke mokane ba ya ga Jošuwa hala kampeng ya Ghilighala,+ ba bolabola naye le banna ba Maisrayele ba re: “Re tšwa nageng ya kgole. Byalo, makaneng kwano le rune.” 7 Mara banna ba Maisrayele ba botsa Mahivi gore:+ “Nakwenngwana le dula thina le rune. Byalo, re nyoko maka kwano le lune byang?”+ 8 Ba re ga Jošuwa: “Ke rune malata yago.”

Ke mokane Jošuwa a re ga bona: “Ke lune bomang, fote le tšwa kaye?” 9 Mo a reyane, ba re gage: “Malata yago ma tšwa nageng ya kgole+ ka taba la lebitso la Jehova Modimo wa lune, ka gore re kwelele gore o tšibega ka matla, ra boya ra kwelela le dilo ka mokana ga tsona tso a di makiyeng ku Egepita+ 10 le ka dilo ka mokana ga tsona tso a di makiyeng magoši ka mabedi ya Maamore ya gore ke mo ma dula ka mosekola* wa Jorodane, Kgoši Sihone+ wa Hešibhone le Kgoši Ogo+ wa Bhašane wa gore ke mo a le Ašitarothe. 11 Byalo, banna ba bagolo le batho ka mokana ga bona ba nageng ya rune ba re butsiye gore, ‘Le tseye mphago wa leyeto la lune, le ye gahlana nabo. Le ba botseneng gore: “Re nyoko ba malata ya lune;+ byalo, makaneng kwano le rune.”’+ 12 Sekgwa sowa sa gore ne go le mphago wa rune re tlugiye naso se sa fisa mo re tloga dintlong tsa rune re tla ho ga lune. Gana byalo le ya se bona gore se womme fote se ya wuluga.+ 13 Fote dikutu tsowa ke mo di sa le nyuwane nakwela re di tlatsa, mara gana byalo di bharasiye.+ Dikobo tsa rune le dimphašane tsa rune di hlagele ka taba la gore leyeto la rune ke mo le lefiye.”

14 Ka nako yonone banna bone ba tseya tsa go ja tsa bona tse dingwana, mara ba sa butsisi ga Jehova.+ 15 Byalo, Jošuwa a maka gore go bebe gare ga bona,+ a maka kwano ya gore o ba lisetsa gore ba phele, fote tsone ke tso dindhuna tsa Maisrayele di ba tshepisiyeng nakwela ba maka kwano.+

16 Ka nthago ga kararo ya matšatši, mo ba šele ba makiye kwano nabo, ba di kwelela gore ba dula thina le mitši ya bona. 17 Ke mokane Maisrayele ma tloga ma ya ga mitši ya bona ka letšatši la kararo; mitši ya bona ke mo go le Ghibhiyoni,+ Khefira, Bherothe le Kiriyathe-jeyarimo.+ 18 Mara Maisrayele ma sa ba hlasele ka taba la gore dindhuna tsa Maisrayele di tshepisiye Maghibhiyoni ka lebitso la Jehova+ Modimo wa Israyele gore di nyoko ba lisetsa ba phela. Byalo Maisrayele ka mokana ga wona ma thomisa go kokola ka dindhuna tsela. 19 Ke mokane dindhuna tsela ka mokana ga tsona dya re ga Maisrayele: “Re ka sa ba kwaletsi ka taba la gore re ba tshepisiye ka Jehova Modimo wa Israyele. 20 Re nyoko maka ka mokgo: Re nyoko ba lisetsa ba phela, gore Modimo a sa re kwatele ka taba la tso re ba tshepisiyeng tsona.”+ 21 Fote dindhuna tsela dya tokegela ka gore: “Ba lisetseneng ba phele, mara ba nyoko rwalela batho bowa mahlare ba boya ba ba gela le meetši.” Tsowa ke tso dindhuna tsela di ba tshepisiyeng tsona.

22 Byalo Jošuwa a ba bitsa a re ga bona: “Ke ntaba le re tshokannye la re botsa gore, ‘Re tšwa polekeng ya kgole,’ le kene le tšwa gana ho thina?+ 23 Go tlugisela gana byalo le rogelediwwe,+ le nyoko dula le maka mmereko wa malata, le nyoko rwala mahlare la boya la gelela meetši le yisa ntlong ya Modimo waka.” 24 Mo ba fetola Jošuwa ba yitseri: “Nka taba la gore malata yago ba ma butsiye gore Jehova Modimo wago o butsiye Moše lelata lage gore a go neye naga le gore o fetse ka batho ka mokana ga bona ba go dula nageng yone.+ Byalo ke mo re tšhaba gore o nyoko re bolaya,+ nka taba lo re makiyeng dilo tsone.+ 25 Gana byalo o re kwele go baba. Maka tso o bonang di le gabutši fote di lukiye.” 26 Ke mokane Jošuwa a maka ka mokgonone; o ba phonisiye ga Maisrayele, Maisrayele ma sa ba bolaye. 27 Mara ka letšatši lone Jošuwa a maka gore ba rwalele mahlare ba boye ba gelele le meetši, tsotsone ne ba di makela batho+ le aletare ya Jehova ga poleke yo a nyoko yi kgetang,+ ba sa fo maka ka mokgonone go segela le lekgono lowa.+