Tsowa di Hlatolla ke Matewu

27 Mo go šele go le ka bošego, dindhuna tsa maprista ka mokana ga tsona le banna ba bagolo ba kwana gore ba nyoko bolaya Jeso.+ 2 Mo ba šele ba mo tlemelele, ba mo yisa ga Pilato wa go lawola.+

3 Judase yela wa go mo rekisa, mo a di bona gore ba šele ba tshwere Jeso, a tisola a leya 30 ya ditšheleta tsa silva ga dindhuna tsa maprista le banna ba bagolo ba Majuda,+ 4 a re: “Ke sinnye mo ke rekisa motho wa gore aa sinya selo.” Ba re: “Byalo rune re make ying? Ke tsago tsone!”* 5 A bošela tšheleta yela ya silva ka ku tempeleng, a tloga a ya a titlema.+ 6 Dindhuna tsa maprista dya tseya tšheleta yela ya tshipi dya re: “Molawo a wo dumele gore re yi tšhele mo ba beyang gona tšheleta, ka taba la gore ke tšheleta ya madi.” 7 Mo di fetsa go bolabola dya tseya tšheleta yela dya reka poleke* gore go bolokiwe batho ba gore a ba ba tšibi. 8 Byalo, ba napa ba re poleke yone ke Tšhomo ya Madi+ go segela le lekgono lowa. 9 Gwa makega tso di hlayyeng ke Jeremiya wa go porofeta tsa gore: “Ba tsere 30 ya ditšheleta tsela tsa silva, tsa gore ba rekisiye motho yela ka tsona. Mo Maisrayele ma mo lebelele, ne ma bona a lekanne ke tšheleta yone. 10 Go ya ka tso Jehova* a mputsiyeng tsona, ba rekiye poleke ya yela wa go maka dilo ka botsopa.”+

11 Pilato a butsisa Jeso nakwela a yemme mahlong gage, a re: “Ke wene Kgoši ya Majuda?” Jeso a mo fetola a re: “Go hlaya wene tsotsone.”+ 12 Mara nakwela dindhuna tsa maprista le banna ba bagolo ba mo sekisa, aa ba fetola.+ 13 Pilato a re ga Jeso: “Nje o ra gore a wo ba kwe gore ba go tantetsa ka dilo tsa go tlala?” 14 Mara a sa mo fetole, le mong go bolabola lentsu ka lloši, sosone sa maka gore Pilato a šale a makele.

15 Ke mo ba šele ba tlwayele gore ka letšatši la paseka, ye wa go lawola o ntsha sekgohlane ka ssoši so se kgetiyeng ke bona.+ 16 Ka nako yonone ke mo ba tshwere sekgohlane sa go tuma so ba reng ke Bharabhase. 17 Byalo, mo ba kene ba gahlanne gana mone, Pilato a re ga bona: “Le nyaka ke ntshe mang, Bharabhase kela Jeso ye ba reng ke Kreste?” 18 Ka gore Pilato ne a di tšiba tsa gore ba leyye Jeso gage ka taba la gore ne ba mo jelasela. 19 Byalo, mo a kene a duli setulong sage sa go yahlula, mosadi wage a romela molayetsa wa gore: “O sa di kene tsa monna yene wa go loka, ka taba la gore ke loriye ka yene fote moloro wone wo ntshusiye ka matla.” 20 Mara dindhuna tsa maprista le banna ba bagolo ba kutšetsela mogoba gore wo kgopele Bharabhase,+ ke mokane ba re Jeso a bolayiwe.+ 21 Mo Pilato a ba fetola a re ga bona: “Le nyaka ke ntshe mang?” Ba re: “Bharabhase.” 22 Pilato a re ga bona: “Ke make ying byalo ka Jeso ye ba reng ke Kreste?” Ka mokana ga bona ba re: “A kokotediwe!”+ 23 A re: “Ke ntaba? O sinnye ying?” Ba fo ya mahlong ba yahlamela ba re: “A kokotediwe!”+

24 Mo Pilato a bona gore a di thuši ka selo, fote mogoba wo fo ya wo kene wo yahlamela, a tseya meetši a hlapa matsogo mahlong ga bona, a re: “Nna a ke na molato wa madi ya morene. Di šalele lune.” 25 Mo a reyane, ba mo fetola ba re: “Rune le bana ba rune re ko rwala molato wa madi yage.”+ 26 Pilato a ba ntshela Bharabhase, a lisetsa Jeso ba mo teya+ ba šinya ba mo tseya ba ye mo kokotela phateng.+

27 Ke mokane masole ma tseya Jeso ma mo yisa mo Pilato a dulang. Pilato a bitsa masole yage ka mokana ga wona, ma kgobakanela Jeso.+ 28 Ma mo yapola, ma mo yapesa kobo ye khubedu ya gore yi yapara ke magoši,+ 29 ma mo makela fapo ka mutlwa, ma yi beya mo hlogong gage ke mokane ma mo tshwarisa lehlakanooka ka letsogo lage la go ja. Ma kgotama mahlong gage, ma mo kwera ma re: “Tama,* wene Kgoši ya Majuda!” 30 Ma mo tshwela ka mare,+ fote ma tseya lehlakanooka lela ma thomisa go mo teya ka lona ho hlogong. 31 Mo ma fetsa go mo kwera, ma mo yapola kobo yela ya magoši ma mo yapesa kobo yage ya ka tawong, ma mo yisa gore a ye kokotediwa phateng.+

32 Mo ba tšwa, ba krayye Simone wa go tšwa Sayirini. Ba mo gapeletsa gore a kakolele Jeso phate ya mohlupego.*+ 33 Mo ba segela ga poleke yo ba reng ke Gholghotha, ya gore ke Poleke ya Bokakara,+ 34 ba mo neya wayini ya gore ba yi gahlanisiye le selo sa go galaka gore a nwe;+ mara mo a fetsa go yi kwa, a gana go yi nwa. 35 Mo ba šele ba mo kokotele ku phateng, ba lahla dikgakgare gore ba thogo pomelana dikobo tsage tsa ka tawong,+ 36 ba dula mone ba mo pasopa. 37 Ka mo kgakala ga hlogo yage ba ngwala molato wage ba re: “Yewa ke Jeso Kgoši ya Majuda.”+

38 Ka ho mathoko gage ne go na le dikgohlane ka dipedi, se sengwana se le ga letsogo lage la go ja, se sengwana se le ga letsogo lage la sepata.+ 39 Bo ne ba feta ka pata, ne ba mo poyila+ ba kene ba šikinya dihlogo+ 40 ba re: “Wene wa gore o ka di kgona go wisanya tempele o boya o yi yaga ka kararo ya matšatši,+ tiphonise! Phologa mone phateng ya mohlupego* mo nkare ke wene morwayi wa Modimo!”+ 41 Dindhuna tsa maprista, bomabhalane le banna ba bagolo ba thomisa go mo kwera, ba re:+ 42 “Tsa go phonisa ba bangwana o di tšiba ka matla; mara o šita ke go tiphonisa! Akere ke Kgoši ya Israyele;+ a phologe mone phateng ya mohlupego,* ke mokane re ko mo tshepeng. 43 O tshepiye Modimo akere; mo nkare Modimo wa mo nyaka a mo phonise,+ ka taba la gore o yitseri, ‘Ke nna Morwayi wa Modimo.’”+ 44 Le dikgohlane tsela tsa gore ne di le ka mathoko gage, le tsona ne di mo poyila.+

45 Gwa tlema letshwifi nageng ka mokana ga yona go tlugisela gana hala ga 12 ya motshegare* go segela gana hala ga 3 ya ka sethewo.*+ 46 Gana hala ga 3 ya ka sethewo, Jeso a yahlamela ka matla a re: “E′li, E′li, la′ma sa·bach·tha′ni?” ya gore yi rela gore, “Modimo waka, Modimo waka, ke ntaba o ntisetsiye?”+ 47 Mo batho bo ne ba yemme mone ba mo kwa, ba re: “Morene o bitsa Eliya.”+ 48 Ye mongwana a taboga a tseya spontši ke mokane a se yenela ka teng ga wayini ya go galaka fote a se tlemelela ga lehlakanooka, a mo neya gore a nwe.+ 49 Mara ba bangwana ba re: “Mo lisetse! Re bone gore nje Eliya o nyoko tla a mo phonisa.” 50 Jeso a boyelela fote a yahlamela, ke mokane a kgwa.+

51 Legaredheni la poleke ya go hlawolega ya tempeleng+ la tleroga ka bogare,+ go tlugisela gedimo go segela fase+ ke mokane lefase la tekateka, matlapa ma pshyayega. 52 Gwa bulega mabitla, ditopo tsa bo ba go hlawolega ba gore ba hlokofele dya tšwela ka tawong 53 batho ba go tlala ba di bona, (ka nthago ga gore Jeso a tsusiwe, batho bo ne ba tšwa mabitleng ba kena mutšing wa go hlawolega). 54 Mara mo ye mogolo wa masole le bo ne ba pasopiye Jeso ba bona lefase le tekateka le tso di makegang, ba thomisa go tšhoga ba re: “Ka nnete ke mo go le Morwayi wa Modimo.”+

55 Ke mo go na le basadi ba go tlala ba gore ne ba lebelele ba le ku kgole, ba gore ba latelele Jeso mo a tloga Galeliya gore ba thogo mo gelepa;+ 56 gana mone gare ga bona ke mo go na le Mariya Magdalina, Mariya mmane wa Jakobo le Josese le mmane wa barwayi ba Zebediya.+

57 Mo go šele go le ka sethewo, gwa tla nghamula yo ba reng ke Josefa wa Arimathiya, wa gore o fetsiye go le lelata la Jeso.+ 58 Monna yewa a ya ga Pilato, a segela a kgopela setopo sa Jeso.+ Pilato a re ba mo neye.+ 59 Josefa a tseya setopo sela, a se tantetsa ka llapi la gore le yediye la linene ya gore ke mong yona,+ 60 a se boloka ka teng ga lebitla lage la nyuwane+ la gore ke mo a le yepiye letlapeng. Mo a fetsa a kgokolosa letlapa le le legolo a kwala lebitla lela, a tloga. 61 Mara Mariya Magdalina le Mariya yela ye mongwana ba fo šala ba duli thina le lebitla lone.+

62 Ka motshwana wa gona mo go šele go le Sabatha,*+ dindhuna tsa maprista le Mafaraseyi ba gahlana ga Pilato, 63 ba re: “Morena re sa di gopola gabutši tso monna yela wa matsaka a di hlayyeng nakwela a sa phela, mo a re, ‘Ke nyoko tsusiwa ka nthago ga kararo ya matšatši.’+ 64 Byalo, maka gore lebitla lone le pasopiwe go segela ka letšatši la kararo, gore malata yage ma sa tle ma yetswa setopo sage+ ke mokane ma botsa batho gore, ‘O tsusiwwe!’ Ka taba la gore matsaka yawa ma nyoko feta yala ya ku mathomisong.” 65 Pilato a re ga bona: “Le ka beya matšinghelane gore a pasope lebitla lone. Ariyeneng le ye le pasopa ka mokgo le kgonang.” 66 Byalo ba ya ba maka gore lebitla lela le pasopege ka go paraka letlapa lela, ba fetsa ba beya le matšinghelane.