Jeremiya
36 Byalo, ka mongwaga wa kanne wa mo go lawola Jehoyakimi+ morwayi wa Josiya kgoši ya Juda, Jehova o bolabodiye le Jeremiya a re: 2 “Tseya lengwalo la go phutiwa o ngwale dilo ka mokana ga tsona tso ke di bolabodiyeng ka Israyele le Juda+ le ditšhaba ka mokana ga tsona,+ tsa gore ke di bolabodiye ka letšatši la mathomo mo ke sa thomisa go bolabola nago ka dinako tsa Josiya go segela le lekgono lo.+ 3 Nakwenngwana bo ba mutši wa Juda mo ba kwelela ka dilo tsa go sasamela tso ke nyoko ba leyelang tsona ba ka sokologa ga dilo tsa go befa tso ba di makang, gore ke thogo ba tshwarela ga tso ba kekemisiyeng ga tsona le tso ba di sinnyeng.”+
4 Ke mokane Jeremiya a bitsa Bharuke+ morwayi wa Neriya ke mokane Jeremiya a mmotsa dilo ka mokana ga tsona tso Jehova a mmutsiyeng tsona, fote Bharuke a di ngwala ga lengwalo la go phutiwa.+ 5 Byalo Jeremiya a botsa Bharuke a re: “A ke ya tshwanela go kena ntlong ya Jehova. 6 Byalo ke wene ye di nyakang o ye balela mantsu ya Jehova gedimo ya ma leng ga lengwalo lo la go phutiwa ya ke go butsiyeng gore o ma ngwale. O ma balele batho bone ku ntlong ya Jehova ka letšatši la mo ba tikona tsa go ja; ka mokgonone o ko ba o balele batho ka moka ba Juda bo ba tšwang mitšing ya bona. 7 Nakwenngwana Jehova o nyoko ba theetsela a ba kwela go baba, fote ba nyoko sokologa ba lisetsa mekgwa ya bona ya go sa loka, ka taba la gore Jehova o šele a hlayye gore o ba kwatele ka matla batho bowa.”
8 Byalo Bharuke morwayi wa Neriya a maka dilo ka mokana ga tsona tso Jeremiya wa go porofeta a mmutsiyeng tsona; a balela mantsu ya Jehova gedimo ya ne ma le ga lengwalo la go phutiwa* a le ntlong ya Jehova.+
9 Byalo, ka mongwaga wa kapheta wa mo go lawola Jehoyakimi+ morwayi wa Josiya kgoši ya Juda, ka kgwedi ya nkokwane, batho ka mokana ga bona ba Jerusalema le batho ka mokana ga bona bo ba tlileng Jerusalema ba tšwa mitšing ya Juda ba tikona tsa go ja mahlong ga Jehova.+ 10 Byalo Bharuke a balela gedimo a theetsele ke batho ka mokana ga bona mantsu ya Jeremiya a mmutsiyeng gore a ma ngwale ka teng ga lengwalo la go phutiwa a le ntlong ya Jehova, kamareng ya Ghemaraya+ morwayi wa Šafane+ wa gore ke mabhalane, ga lapa la ka kgakala, mo ba kenelang gona ga gheyiti ya nyuwane ku ntlong ya Jehova.+
11 Nakwela Mikhaya morwayi wa Ghemaraya morwayi wa Šafane a kwa dilo ka mokana ga tsona tso di leng ga lengwalo la go phutiwa tsa gore di tšwa ga Jehova, 12 o yye ntlong ya kgoši ga ofisi ya mabhalane. Dindhuna ka mokana ga tsona ne di le gona: Elišama+ wa gore ke mabhalane, Dilaya morwayi wa Šemaya, Elinathane+ morwayi wa Akhibhoro,+ Ghemaraya morwayi wa Šafane, Zedekiya morwayi wa Hananiya le dindhuna tse dingwana ka mokana ga tsona. 13 Mikhaya o ba butsiye dilo ka mokana ga tsona tso a di kwileng nakwela Bharuke a bala ga lengwalo la go phutiwa batho ba kene ba mo theetsele.
14 Byalo dindhuna ka mokana ga tsona di romele Jehudi morwayi wa Nethanaya, morwayi wa Šelemaya wa gore ke morwayi wa Khuši ga Bharuke, ba re: “Tlang le lengwalo lone la go phutiwa la gore o le badiye o theetsele ke batho.” Byalo Bharuke morwayi wa Neriya a tseya lengwalo lo ne le le letsogong lage a ya nalo ku ga bona. 15 Ba re gage: “Dula fase barena, ke mokane o re balele lona.” Byalo Bharuke a ba balela lona.
16 Mo ba fetsa go kwa dilo tsowa ka mokana ga tsona ba lebelelana ba kene ba tšhugiye, ke mokane ba re ga Bharuke: “Dilo tsowa ka moka re tshwanele re di botse kgoši.” 17 Byalo ba butsisa Bharuke ba re: “Re botse gore o ma ngwadiye byang mantsu yawa. Ayitsano Jeremiya ne a go botsetsela?” 18 Bharuke a ba fetola a re: “Eya o mputsetsele mantsu yawa ka mokana ga wona, fote nna ka ma ngwala ka inki ga lengwalo lowa la go phutiwa.” 19 Dindhuna dya botsa Bharuke gore: “Wene le Jeremiya ariyeneng le ye wutameng, fote le sa botse motho mo le leng gona.”+
20 Ke mokane ba ya ga kgoši, ba kena ka lapeng ba yisa lengwalo lela la go phutiwa ga ofisi ya Elišama wa gore ke mabhalane, ba botsa kgoši dilo ka mokana ga tsona tso ba di kwileng.
21 Byalo kgoši ya roma Jehudi+ gore a ye a tseye lengwalo lela, a ya a le tseya ofising ya Elišama wa gore ke mabhalane. Jehudi a le balela kgoši le dindhuna ka mokana ga tsona di kene di yemme thina naye. 22 Ka kgwedi ya nkokwane, kgoši ke mo yi duli ntlong ya marega yi kene yi wora mollo. 23 Mo Jehudi a fetsa go bala kararo kela kanne ya direle, kgoši ke mo yi kupa mo a fetsiyeng gona ka thipa ya mabhalane yi lahlela mo mollong wa gore ke mo wo dura, go segela lengwalo lone ka mokana ga lona la go phutiwa le felegelela mone mollong. 24 Fote a baa tšhoga, kgoši le malata ya yona ka mokana ga wona ya ma kwileng dilo tsone ba sa tlerole dikobo tsa bona. 25 Le mo Elinathane,+ Dilaya+ le Ghemaraya+ ba kgopela kgoši gore yi sa tšhubi lengwalo lela, a ya ba theetsela. 26 Go tokegela gana hone, kgoši ya botsa Jeramili morwayi wa kgoši, Seraya morwayi wa Azriyele le Šelemaya morwayi wa Abhdili gore ba tshware Bharuke wa gore ke mabhalane le Jeremiya wa go porofeta, mara Jehova a maka gore ba sa ba kraye mo ba wutammeng gona.+
27 Ke mokane Jehova a bolabola le Jeremiya fote ka nthago ga gore kgoši yi tšhube lengwalo lela la go phutiwa la gore Bharuke o le ngwadiye a botsetsela ke Jeremiya,+ a re: 28 “Tseya lengwalo le lengwana la go phutiwa o ngwale tsetsela ka mokana ga tsona tsa gore ne o di ngwadiye ga lengwalo la mathomo, la gore Kgoši Jehoyakimi wa Juda o le tšhubiye.+ 29 O segele o botsa Kgoši Jehoyakimi wa Juda dilo tsowa tsa go sasamela, ‘Tsowa ke tso Jehova a di hlayang: “Akere o tšhubiye lengwalo lela la go phutiwa ke mokane wa re, ‘Ke ntaba o ngwadiye ga lona gore: “Ka nnete kgoši ya Bhabhilona yi nyoko tla ya sinyanya naga yowa gwa šala go se na motho le phoolwane”?’+ 30 Byalo, tsowa ke tso Jehova a di hlayang tsa gore di nyoko tlela Kgoši Jehoyakimi wa Juda, ‘Ga leloko lage go ka sa be le motho wa go dula setulong sa go lawola sa Dafita,+ fote setopo sage ba nyoko fo se lisa sa teya ke letšatši motshegare ke mokane sa teya ke sebera bošego.+ 31 Yene, ditlogolwane tsage le malata yage ke nyoko ba patedisa ga tso ba di sinnyeng, fote bona, bo ba dulang Jerusalema le bo ba dulang Juda ke nyoko ba leyela dilo ka mokana ga tsona tsa go sasamela tso ke hlayyeng gore ke nyoko ba leyela tsona,+ ka taba la gore a baa theetsela.’”’”+
32 Ke mokane Jeremiya a tseya lengwalo le lengwana la go phutiwa a le neya Bharuke morwayi wa Neriya, wa gore ke mabhalane,+ ke mokane mone ga lona a ngwala mantsu ka mokana ga wona ya a ma botsang ke Jeremiya ya gore ne ma le ga lengwalo lela la go phutiwa la gore kgoši Jehoyakimi wa Juda o le tšhubiye mollong.+ Fote a ngwala mantsu ya mangwana ya go tlala ya go tshwana le yanane.