Tsowa di Hlatolla ke Lluka

4 Ke mokane Jeso a tloga nookeng ya Jorodane a tlele moya wa go hlawolega, moya wone wa maka gore a ye ku mašahleng,+ 2 a fetsa 40 ya matšatši a le gana hone. Byalo, ka taba la gore ke mo a sa ji selo ka matšatši yane, mo ma fela, a thomisa go kwa tlala, ke mokane Diyabolo a mo liketsa.+ 3 A re gage: “Mo nkare ke wene morwayi wa Modimo, botsa letlapa lowa le tšhentšhe le be lofo ya sekgwa.” 4 Jeso mo a fetola a re: “Go ngwadiwwe gore: ‘Motho a ka sa phele ka sekgwa fela.’”+

5 Diyabolo a mo tseya ka go yakgoswa a ya naye gedimo ga thaba, a mo šupetsa memmušo ya lefase lowa.+ 6 Ke mokane Diyabolo a re gage: “Ke nyoko maka gore o lawole dilo tsowa ka mokana ga tsona le go bafala ga tsona, dilo tsowa ka mokana ga tsona ke tsa gaka+ fote ke di neya ye ke nyakang go mo neya tsona. 7 Mo o ka fo nthinyela letolo wa nrapela, nko go neya tsona ka mokana ga tsona.” 8 Jeso mo a fetola a re: “Go ngwadiwwe gore, ‘Ke Jehova* Modimo wago ye o tshwaneleng go mo rapela, fote ke yene a ntoši ye o tshwaneleng go mo makela mmereko wa go hlawolega.’”+

9 Ke mokane Diyabolo a ya naye Jerusalema, a mmeya gedimo ga sewokamelo sa tempele,* a re gage: “Mo nkare ke wene morwayi wa Modimo, tiwisele fase,+ 10 ka taba la gore go ngwadiwwe gore, ‘Ka gore o nyoko romela mangeloyi yage gago gore ma go pasope,’ 11 fote ‘Mangeloyi yane ma nyoko go kakola gore loto lago le sa teyi letlapa.’”+ 12 Jeso mo a mo fetola a re: “Go ngwadiwwe gore, ‘O sa liketsi Jehova* Modimo wago.’”+ 13 Mo Diyabolo a fetsiye go mo liketsa, a napa a tloga gana hone, a yemela gore a thulegele ke lešuba le lengwana fote, la gore a tle a mo liketse.+

14 Jeso a boyela Galeliya+ a na le matšhika ya moya wa go hlawolega. Dilo tsa gabutši tso ke mo a di maka dya tšibiwa polekeng yone ka mokana ga yona. 15 Fote a thomisa go tšhutisa le disinagogeng, batho ka mokana ga bona ba mo hlompa.

16 Ke mokane a ya polekeng ya Nazareta,+ mo a goleleng gona, a kena sinagogeng ka letšatši la Sabatha go ya ka mokgo ne a tlwayele ka gona,+ a yemelela gore a bale. 17 Ba neya Jeso lengwalo la go phutiwa la Jesaya wa go porofeta, a le phutulla ke mokane a kraya ba ngwadiye gore: 18 “Moya wa Jehova* wo na le nna, ka taba la gore o nhlawodiye gore ke bolabole ditaba tsa go bafala ga bo ba go tihlupegela. O nromme gore ke lokolle ba gore ke mabhantiti le gore ke bule maahlo ya bo ba go popela maahlo, le go maka gore bo ba go tihlupegela ba sepele ba lokologiye,+ 19 fote wo nromme gore ke ba botse gore ke nako ya gore Jehova* a rufe batho.”+ 20 Mo a fetsiye a le phuta, a le neya wa go pasopa gana hone sinagogeng, a dula fase; ka mokana ga bona ku sinagogeng ba mo lebelela. 21 Byalo, Jeso a thomisa gore ga bona: “Tsowa di bolabolang ke lengwalo lowa, di makegiye lekgono.”+

22 Ka mokana ga bona ba thomisa go bolabola dilo tsa gabutši ka yene fote ke mo ba makatsiye ke mantsu ya go natefa ya ma tšwang molomong wage,+ ke mo ba re: “Anthe a yi morwayi wa Josefa yewa?”+ 23 Ke mokane a re ga bona: “A ke kamake gore le nyoko re gaka, ‘Wene togotela, tiyalafe re bone. Re di kwile tso o di makiyeng ku Kapernawume,+ di make le gana howa o dulang gona.’” 24 Jeso a re ga bona: “Ke le botsa nnete, moporofeta aa yamogediwi mo a tšwang gona.+ 25 Mara ke le botsa nnete, gore: Ke mo go na le basadi ba go hlokofalela ke banna ku Israyele ka dinako tsa Eliya, nakwela go fela kararo ya mengwaga le kobodi ya dikgwedi go sa ne pula, gwa šinya go ba le tlala ye kgolo ga naga yone ka mokana ga yona.+ 26 Le mo go le ka mokgonone, Eliya a baa mo romela ga basadi bone, ba mo romele ga mosadi wa go kgwela ke monna wa ku Zarephata ga naga ya Sidoni.+ 27 Fote ke mo go na le batho ba go tlala, ba gore ke mo ba na le bolwele bya go jega dinama bya gore ba re ke lephera ku Israyele ka dinako tsa Eliša wa gore ke moporofeta, mara a go na le motho ka wwoši wa gore o yye a yalafiwa, go fo ba Naamane wa Siriya+ a ntoši.” 28 Byalo, batho ka mokana ga bona bo ba kwileng dilo tsowa ku sinagogeng ba fufulela ka matla,+ 29 ke mokane ba tlogamela ba tseya Jeso ba ya naye thabeng yo ne ba yagiye mutši wa bona ga yona, gore ba thogo mmošela ku fase. 30 Mara Jeso a khwanyudisa a ba šiya gana mone a napa a yya.+

31 A ya Kapernawume ga poleke ya Galeliya. Ke mokane a ba tšhutisa go le ka Sabatha,+ 32 batho bo ne a ba tšhutisa ba makatsa nka mokgo a tšhutisang ka gona,+ ka taba la gore tso ne a di bolabola ke mo di šupetsa gore o na le matšhika. 33 Byalo ka ku sinagogeng ke mo go na le monna ye mongwana wa go ba le ledimona, a yahlamela+ a re: 34 “Anthe o re tshwarisiye yifeng wene Jeso wa Lenazareta?+ Anthe o tlele go napa o fetsa ka rune? Ke di tšiba gabutši gore ke wene mang. Ke wene wa go hlawolega wa gore fote o romme ke Modimo.”+ 35 Jeso a lakatsa ledimona lela a re: “Kgomolela, o tšwe hone ga motho yene!” Ledimona lela la bošela motho yela ho fase ho gare ga bona, ke mokane la tšwa le sa mo kwaletsa. 36 Mo batho ka mokana ga bona ba bona tsotsone, ba thomisa go makala, ba bolabola bona beng ba re: “Ke mabolabolelo ya mošaga mang yanawa? Motho yewa o na le matšhika ya go raka madimona, fote maa tšwa!” 37 Byalo tso a di makiyeng dya fo ya di sabalala ga poleke yone ka mokana ga yona.

38 Mo a tloga mone sinagogeng a ya ga bo Simone. Byalo matsala wa Simone ke mo a yetsele ka taba la gore ne a lwala, mmele wage wo fisa ka matla, ba kgopela Jeso gore a mo gelepe.+ 39 Ke mokane Jeso a šutela thina gage a mo yalafa. Matsala wa Simone a fola, a napa a thomisa go ba makela tsa go ja.

40 Mara mo letšatši le šele le kgwalala, ba mo leyela batho ba malwele ya mehlobohlobo. A ba beya matsogo ka mokana ga bona a ba yalafa.+ 41 Le madimona ma tšwa ga batho ba go tlala ma yahlamela ma re: “Ke wene Morwayi wa Modimo.”+ Mara mo Jeso a kene a ma lakatsa, ke mo a sa nyake ma bolabola+ ka taba la gore ne ma di tšiba tsa gore ke yene Kreste.+

42 Mara mo bo sa, a tloga a ya ga poleke ya gore yi thoko nyana.+ Mara mogoba wa thomisa go mo nyakela wa tla mo ne a le gona, wa liketsa go mo thibelela gore a sa tloge. 43 Mara a re ga wona: “Di nyaka ke sabalatse ditaba tsowa tsa go bafala tsa Mmušo wa Modimo le ga dipoleke tse dingwana, ka taba la gore ke so ba nrommeng gore ke tl’le se makeng.”+ 44 A ya a tšhomayela disinagogeng tsa Judiya.