Jobo
41 “Ayitsano o ka tshwara kwena*+ o berekisa sa go loba dihlapi
Kela wa tlema lleme la yona ka thapo?
2 Ayitsano o ka tšhela thapo ka dinkong tsa yona
Kela wa thula mohlagare wa yona ka selobo?
3 Ayitsano yi nyoko go kgopela gore o yi kwele go baba,
Kela ya bolabola nago gabutši?
4 Ayitsano yi nyoko maka kwano nago,
Gore go be yona lelata lago lephelo la yona ka mokana ga lona?
5 Ayitsano o nyoko kgana nayo tsa nkare o kgana le nonyane
Kela wa yi tlema ka thapo gore o thogo jabodisa dibananyana tsago tsa bannyana?
6 Ayitsano bo ba go loba dihlapi ba nyoko yi rekisa?
Ayitsano bo ba go rekisa ba nyoko yi ngathanya gore ba pomelane?
7 Ayitsano o nyoko hlaba mokgopa wa yona ka selo sa nkare ke lerumo+
Kela wa hlaba hlogo ya yona ka lerumo la go loba dihlapi?
8 Beya letsogo lago mo ga yona;
Ntwa ya gona o ka sa yi libale fote o ka sa sa boyelela!
9 O ka sa ro yi hlula.
Mo o yi bona o nyoko tšhoga.
10 A go na wa go ba le lešiši la gore a ka yi šuhlašuhla.
Byalo ke mang wa gore a ka lwa le nna?+
11 Ke mang wa gore go thomisiye yene a nneya se sengwana la gore di nyaka ke mo patela?+
Selo se sengwana le se sengwana so se leng ka tlase ga magedimo ke saka.+
12 Nka sa lisetsi go bolabola ka mawoto ya yona,
Matšhika ya yona le ka mokgo mmele wa yona wo makatsang ka gona.
13 Ke mang ye a tlusiyeng mokgopa wa yona wo mokoto?
Ke mang ye a ka šutelang thina le mohlagare wa yona wa go ba le matšhika?
14 Ke mang wa gore a ka yi gapeletsa gore yi bule molomo wa yona?
Meno ya yona maa tshosa.
15 Mokolo wa yona wo na le malayini ya go latelelana ya go ba le magatlapi
Ya gore ma thina le thina.
16 Ma thina le thina ka matla
La gore le moya wo ka sa kgone go kena.
17 Ma mamarelanne;
Ma mamarelanne la gore ma ka sa mamarologe.
18 Mo yi yethimula gwa khanya,
Maahlo ya yona ma tshwana le mo go thomisa go khanya ka bošego.
19 Ka mo ganong ga yona go tšwa legadima;
Go tšwa dihlase tsa mollo.
20 Ka mo dinkong go tšwa muši,
Go tshwana le mollo wa go dura ka matla wa gore ba wo tšhediye mahlakanoka.
21 Mowono wa yona wo butšwelela magala,
Fote ka mo ganong ga yona go tšwa mollo.
22 Mo molaleng wa yona go na le matšhika ya magolo,
Fote batho ka mokana ga bona bo ba gahlanang nayo baa tšhoga.
23 Magatlapi ya mokgopa wa yona ma tiyye
Go tshwana le tshipi ya gore o ka sa yi tlose mo yi leng.
24 Pelo ya yona yi tiyye go tshwana le letlapa,
Yi tiyye go tshwana le lwala.
25 Bo ba go ba le matšhika baa tšhoga mo yi tlogamela;
Ke mokane baa hlakahlakana.
26 A go na motho wa gore o nyoko yi hlula ka sabola;
Lerumo, tse dingwana tsa go lwa ka tsona kela lenopa.+
27 Tshipi ga yona yi fo tshwana le lehlaka,
Koporo yi tshwana le phate ya go bola.
28 A yi tšhabe le mo yi bona mosefo;
Mo o yi teya ka letlapa la sepelopelo yi fo kwa nkare o yi teyye ka lehlaka.
29 Yi tseya thoka ya tshipi go le lehlaka,
Ya boya ya tshega mo batho ba yi boša ka lerumo.
30 Ka ho tlase yi tshwana le dipetlo tsa go hlaba tsa selo sa go makiwa ka botsopa;
31 Mo yi kena lewatleng, meetši ya gona ma tšwa lekgwifi;
Go tshwana le makgura mo ma bela ka potong.
32 Yi maka gore meetši ma tšwe lekgwifi mo yi kene yi hlapela.
Motho a ka nagana gore hala ga go yisa go womme.
33 A go na selo sa go tshwana nayo mo lefaseng,
Modimo o makiye gore yi sa tšhabe selo.
34 A yi tšhabe phoolwane ye nngwana le ye nngwana ya go šupetsa mokgwa wa go ba le magetla.
Ke kgoši ya diphoolwane tsa hlaga ka mokana ga tsona tsa go ba le matšhika.”