Mebereko ya Mapostola

16 Byalo a segela Derebe le Lisitara.+ Fote ke mo go na le lelata lo ba reng ke Thimothi.+ Mmane wage ke mo go le Lejuda fote a dumela ga Jeso, mara papage go le Legerika, 2 fote magageru ya ku Lisitara le Ikoniyamo ke mo ma bolabola gabutši ka yene. 3 Pawulo ke mo a nabela gore Thimothi a ye naye, a mo tseya a mmolotsa ka taba la gore Majuda ya dipolekeng tsone+ ke mo ma di tšiba gore papage ke Legerika. 4 Mo ba kene ba sepela ga dipoleke tsone, ba botsa magageru ya banna le ya basadi tso mapostola le bagolo ba Jerusalema ba kwanneng ka tsona gore le bona ba thogo di latelela.+ 5 Tsotsone dya maka gore diphutego di ye mahlong di tiya tumelong fote dya yeketsega letšatši le lengwana le le lengwana.

6 Go tokegela gana hone, ba yye Firighiya le nageng ya Galata+ ka taba la gore moya wa go hlawolega ke mo wo ba ganela gore ba tšhomayele lentsu la Modimo ku Asia. 7 Go tokegela gana hone, mo ba segela Misiya ba liketsiye ka matla go ya Bhethaniya,+ mara moya wa Jeso wa ba thibelela. 8 Byalo ba bhukulela Misiya ke mokane ba kena Terowa. 9 Pawulo a bona mmono bošego⁠—a bona monna ye mongwana wa go tšwa Masedoniya a yemme hone, a re: “Tshilelaneng Masedoniya le re gelepe.” 10 Mo a fetsa go bona mmono wone, re liketsiye go ya Masedoniya re tseya gore Modimo o re bitsiye gore re ba tšhomeyelele ditaba tsa go bafala.

11 Byalo, ra tloga Terowa ka sekepe ra ya Samotrase, mara ka motshwana wa gona ra ya Niyapholosi; 12 mo re tloga hone ra ya Filipi,+ ga poleke ya gore yi lawola ke naga ye nngwana ya gore ke ye kgolo gana hone Masedoniya. Ra dula hone matšatšinyana. 13 Ka letšatši la Sabatha, ra tšwa ka gheyiti ra ya thoko ga nooka ye nngwana, ne re tseya gore go na le poleke ya go rapela ga yona, ra segela ra dula fase ke mokane ra thomisa go bolabodisana le basadi bo ne ba kgobakanne hone. 14 Ke mo go na le mosadi ye mongwana ye ba reng ke Llidiya wa go tšwa Thiyathira,+ wa gore ke mo a rekisa dikobo tse diphepholo fote a rapela Modimo, ke mo a kene a theetsele mo Pawulo a bolabola, Jehova* a bula pelo yage a maka gore a yamogele tso Pawulo a di hlayang. 15 Byalo, mo yene le ba mutši wage ba šele ba kolobetsiwwe,+ o re kgopele a re: “Mo nkare le mpona ke tshepega ga Jehova,* tlanneng le ye dula gaye gaka.” Ke mokane a re kgopela go segela re dumela.

16 Byalo, mo re kene re sepela re ya ga poleke ya go rapela ga yona, di f’lo makega gore re gahlane le ngwannyana ye mongwana wa go ba le ledimona la go porofeta.+ Tso ke mo a di maka tsa go porofeta ke mo di berekela beng bage. 17 Ngwannyana yewa ke mo a sa lisetsi go re šala nthago mo re na le Pawulo, a yahlamela a re: “Banna bowa ke malata ya Modimo wa ku Malenghelengheng+ fote baa le tšhomayelela gore le phonisiwe.” 18 O makiye tsotsone ka matšatši ya go tlala. Pawulo a šinya a tinega, a sokologa a re ga ledimona lone: “Ke go botsa ka lebitso la Jeso Kreste ke re tšwang mone gage.” La napa le tšwa ka nako yonone.+

19 Mo beng bage ba di bona gore ba ka sa sa kraya tšheleta,+ ba tshwara Pawulo le Silase, ba ba gogela ku mmakete, ba ba yisa ga ba go lawola.+ 20 Ba ba yisa ga mejistreyiti ba re: “Banna bowa ba dunghanya mutši wa rune.+ Ke Majuda, 21 ba tla ka mekgwa ya gore molawo a wo dumele gore re yi latelele, ka gore ke rune Maroma.” 22 Mogoba wa ba hlasela, ke mokane mo mejistreyiti a fetsa go ba tlerolela dikobo tso ne ba di yapere, a re ba ba teye ka dikgati.+ 23 Mo ba fetsa go ba teya, ba ba hlahlela jele, ba botsa matšinghelane gore a ba pasope.+ 24 Ka taba la gore ba mmutsiye tsotsone, a ba lahlela jele ke mokane a tlemelela mawoto ya bona setokising.

25 Mara mo go šele go nyoko ba gare ga bošego, Pawulo le Silase ba rapela fote ba yepelelela Modimo,+ le dibotšhwa tse dingwana ke mo di theetsele. 26 Ka nako yonone, lefase la tekateka ka matla, le difandhiši tsa jele dya šinya di tekateka. Go tokegela gana hone, le menyako ya bulega ka nako yonone, ke mokane diketane tso ne ba ba tlemelele ka tsona dya kgwelakgwetla.+ 27 Mo matšinghelane yela a tsoga a bona gore menyako ya jele yi bulegiye, a ntsha sabola yage a liketsa go tipolaya, a nagana gore dibotšhwa tsela di tšhabiye.+ 28 Mara Pawulo a yahlamela a re: “Re gona ka mokana ga rune, o sa tikwaletsi!” 29 Byalo a kgopela sa go khanyisa, a kena ka ku jele a hlagasela, a wela mo mawotong ya Pawulo le Silase. 30 A ba ntshela ka tawong a re: “Byalo, ke make ying gore ke phonisiwe?” 31 Ba re: “Dumela ga Morena Jeso, wene le mutši wago le nyoko phonisiwa.”+ 32 Ke mokane ba bolabola naye le ba mutši wage ka mokana ga bona ka lentsu la Jehova.* 33 A tloga nabo bošego byobyone, a ya a ba hlapisa mo ba ba kwaletsiyeng gona. Ke mokane yene le ba mutši wage ka mokana ga bona ba sa sinyi nako, ba napa ba kolobetsiwa.+ 34 A ba yisa ntlong yage, a ba makela tsa go ja, yene le ba mutši wage ka mokana ga bona ba jabola ka matla ka taba la gore yene o dumele ga Modimo.

35 Mo go ba motshegare, mejistreyiti a romela dibereki tsage a re: “Lisetsaneng banna bowa ba sepele.” 36 Matšinghelane yela a ya a botsa Pawulo tso ba mmutsiyeng tsona, a re: “Mejistreyiti o romme batho gore ba tle ba le ntshe ho jele. Byalo, tšwanneng le sepele gabutši.” 37 Mara Pawulo a re ga bona: “A re nyake! Ba bitseneng ba tle ba re ntshe bona beng. Ke ntaba ba nyaka go re ntsha ka makhukhung? A baa thomisa ka go re butsisa gore ke rune Maroma kela byang.+ Ba f’lo re teya mahlong ga batho, ba re hlahlela jele.” 38 Dibereki tsela dya ya dya botsa bomejistreyiti, bona ba tšhoga mo ba kwa gore banna bala ke Maroma.+ 39 Byalo ba tla ba ba kgopela, mo ba šele ba ba ntshiye, ba ba kgopela gore ba tloge mone mutšing. 40 Mara mo ba tloga hone jele ba ya gaye ga Llidiya, ke mokane mo ba bona magageru ba ma tiyisa, ba tloga hone+ ke mokane ba sepela.