Jobo

1 Ku nageng ya Uzi ke mo go na le monna ye mongwana wa gore lebitso lage ke mo ba re ke Jobo.+ Ke mo a lukiye fote a tshepega;+ ke mo a hlompa Modimo fote a kganela kgole le dilo tsa gore a dya loka.+ 2 Ba mmelegele kašupa ya barwayi le kararo ya barwediya. 3 Morape wage ke mo go le 7 000 ya dinku, 3 000 ya dikamela, 1 000 ya dikgomu le 500 ya dibhongholo,* fote ke mo a na le malata ya go tlala, batho ba ka Bohlabela ba šinya ba mo tseyela gedimo ka matla.

4 Ye mongwana le ye mongwana wa barwayi bage ke mo a maka monyanya ntlong yage ka letšatši lo a le kgetiyeng. Ke mo ba mema kararo ya bosesi ba bona gore ba je ba boye ba nwe nabo. 5 Ka nthago ga gore ka mokana ga bona ba make monyanya, Jobo ke mo a ba bitsa gore a tle a ba yedise. Ke mo a tsoga ka phu a makela ye mongwana le ye mongwana wa bona sehlabelo sa go tšhubiwa.+ Ka gore Jobo ke mo a re: “Nakwenngwana barwayi baka ba sinnye, fote ba rogelele Modimo ka dipelong tsa bona.” Ke tso Jobo ne a dula a di maka.+

6 Byalo gwa tla letšatši la gore barwayi ba Modimo wa mannete*+ ba kene ba yeme mahlong ga Jehova,+ Sathane+ le yene a kena a yema mone gare ga bona.+

7 Ke mokane Jehova a butsisa Sathane gore: “O tšwa kaye?” Sathane a re ga Jehova: “Ne ke jikajika ku lefaseng ke le pombhola.”+ 8 Fote Jehova a re ga Sathane: “Ayitsano o mmonne Jobo wa gore ke lelata laka? A go na motho wa go tshwana naye ku lefaseng. Ke monna wa gore o lukiye fote wa tshepega,+ o hlompa Modimo fote o kganela kgole le dilo tsa go sa loka.” 9 Mo a reyane, Sathane a fetola Jehova a re: “Hala Jobo a sa kraye selo nje ne a ka mo hlompa ga Modimo?+ 10 Wene o mo pasopiye ga dilo ka mokana ga tsona,+ ke setšha o pasopiye yene, ba mutši wage le dilo tsage ka mokana ga tsona ka legora. O rufiye tso a di makiyeng,+ fote o makiye gore merape yage yi tlale. 11 Mara wene o fo mo lisetsa, wolola letsogo lago fote o fetse ka dilo ka mokana ga tsona tso a nang natso, o nyoko go rogelela wa šala o sa tshepe.” 12 Ke mokane Jehova a botsa Sathane gore: “Dilo ka mokana ga tsona tso a nang natso di matsogong yago. Mara yene mong o sa mo tikisi!” Byalo Sathane a tloga mahlong ga Jehova.+

13 Byalo ka letšatši la mo barwayi bage le barwediya bage ba ja fote ba nwa wayini ntlong ya bhuti wa bona ye mogolo,+ 14 go yye gwa segela ye mongwana ga Jobo, a mmotsa gore: “Dikgomu ke mo di lima, fote dibhongholo di kgula mo thina natso, 15 mo Masabheya ma re hlasela ke mokane ma di tseya, ma bolayye malata yago ka sabola. Go f’lo phona nna gore ke tle ke go botse.”

16 Mo a sa bolabola, gwa tla ye mongwana a segela a re: “Mollo wa go tšwa ga Modimo* wo tlile wo tšwa magedimong, wa tšhubanya dinku le malata yago wa ma bolaya! Go f’lo phona nna gore ke tle ke go botse.”

17 Mo a sa bolabola, gwa tla ye mongwana, a segela a re: “Makhaladiya+ ma makiye kararo ya megoba, ma re kutulugela ma tseya dikamela, ma bolaya malata yago ka sabola. Go f’lo phona nna gore ke tle ke go botse.”

18 Mo a sa bolabola, gwa tla ye mongwana, a segela a re: “Barwayi bago le barwediya bago ke mo ba ja fote ba nwa wayini ntlong ya bhuti wa bona ye mogolo. 19 Mo re re, gwa fo nyarela moya wo mogolo wo tšwa ku mašahleng, wa teya kanne ya dikhona tsa ntlo, ya wela bana bala bago ba kgwa. Go f’lo phona nna gore ke tle ke go botse.”

20 Mo Jobo a kwa tsotsone, a tlogamela a tlerola kobo yage, a hluba le moriri; a kgotama a hlaba ka hlogo mo fase 21 a re:

Jehova ke mo a nneyye,+ fote Jehova o n’yamogiye.

Nkare lebitso la Jehova le ka ya mahlong le thanakiwa.”

22 Ga dilo tsowa ka mokana ga tsona, Jobo aa sinya kela go sola gore go na le mo Modimo a kekemisiyeng.