Magoši wa Mabedi
19 Mo Kgoši Hezekiya a kwa tsotsone, a tlerola dikobo tsage ke mokane a yapara masaka, a kena ntlong ya Jehova.+ 2 Ke mokane a romela Eliyakimi wa gore ke mo a lawola ntlo ya kgoši, Šebhna wa gore ke mabhalane le ba bagolo ba maprista ba yapere masaka ba ya ga Jesaya wa go porofeta+ wa gore ke morwayi wa Amozi. 3 Ba yitseri gage: “Tsowa ke tso Hezekiya a di hlayang, ‘Lowa ke letšatši la gore re nyoko kwa go baba, re nyoko poyidiwa fote re nyoko tšeba; ka gore re tshwana le mosadi wa gore o nyoko belega mara aa na matšhika.+ 4 Nakwenngwana Jehova Modimo wago a ka kwa mantsu ka mokana ga wona ya ma hlayyeng ke Rabhašake,* wa gore mong wage, kgoši ya Asiriya o mo romme gore a tewule Modimo wa go phela,+ fote o nyoko mo patedisa ka taba la mantsu ya gore Jehova Modimo wago o ma kwile. Byalo rapelela+ batho bo ba šeleng ba gore ba phonne.’”
5 Byalo malata ya Kgoši Hezekiya ma ya ga Jesaya,+ 6 ke mokane Jesaya a re ga wona: “Tsowa ke tso le tshwaneleng go botsa morena wa lune, ‘Tsowa ke tso Jehova a di hlayang: “O sa tshose+ ke mantsu ya o ma kwileng, ya gore ma hlayye ke malata ya kgoši ya Asiriya mo ma nrogelela.+ 7 Ke nyoko mo kutšetsela, o nyoko kwa pego a boyela nageng yage; fote ke nyoko mmolaya ka sabola nageng yage.”’”+
8 Ka nthago ga gore Rabhašake a kwelele tsa gore kgoši ya Asiriya yi jikiye ku Lakhiši,+ o yye ga yona ke mokane a yi kraya yi lwa le Libhna.+ 9 Byalo, kgoši yi kwile ba bolabola ka Kgoši Thirihaka wa Itopiya ba re: “Ke yenene o tl’le lwa nago.” Byalo a romela batho+ fote ga Hezekiya a re: 10 “Tsowa ke tso le tshwaneleng go di hlaya ga Kgoši Hezekiya wa Juda, ‘O sa lisetsi Modimo wago ye o mo tshepang gore a go tshokanye ka gore: “Jerusalema yi ka sa hlule ke kgoši ya Asiriya.”+ 11 Le wene o di kwelele tsa gore magoši ya Asiriya ma fetsiye ka dinaga ka mokana ga tsona.+ O nagana gore go nyoko phona wene o le ntoši? 12 Ayitsano medimo ya ditšhaba tsa gore bokokwane baka ba fetsiye ka tsona yi di phonisiye? Ba kaye batho ba naga ya Ghozani, ya Harane,+ ya Rezefe le batho ba Edeni ba gore ne ba dula Tele-asara? 13 Yi kaye kgoši ya Hamathe, yi kaye kgoši ya Arapadi, yi kaye kgoši ya mitši ya Sefaravayimo, yi kaye kgoši ya Hena le ya Iva?’”+
14 Hezekiya a tseya marifi yane matsogong ya bo ba ba rommeng ke mokane a ma bala. Ke mokane Hezekiya a ya ntlong ya Jehova, a segela a ma yatlala mahlong ga Jehova.+ 15 Ke mokane Hezekiya a thomisa go rapela+ mahlong ga Jehova a re: “Barena Jehova Modimo wa Israyele, wene wa gore o duli gedimo* ga makerubi,+ ke wene Modimo wa mannete ga memmušo ya lefaseng ka mokana ga lona.+ Ke wene o makiyeng magedimo le lefase. 16 Barena Jehova, theetsela gabutši!+ Barena Jehova, lebelela gabutši!+ Theetsela mantsu yawa ya gore Senakheribho o ma hlayye a tewula wene Modimo wa go phela. 17 Jehova, ke nnete gore magoši ya Asiriya ma fetsiye ka ditšhaba le dinaga tsa tsona.+ 18 Fote ba bošele medimo ya bona mollong ka taba la gore ke mo go se medimo ya mannete,+ mara ke mo go fo ba dilo tsa gore di makiye ke batho,+ tsa gore di makiwwe ka dikwata le matlapa. Nka taba lo ba kgonneng go fetsa ka yona. 19 Mara wene Jehova Modimo wa rune, re kgopela o re phonise matsogong yage gore memmušo ka mokana ga yona ya mo lefaseng yi thogo di tšiba gore wene Jehova ke wene Modimo o le ntoši.”+
20 Jesaya morwayi wa Amozi a romela molayetsa ga Hezekiya a re: “Tsowa ke tso di hlayang ke Jehova Modimo wa Israyele, o re, ‘Ke kwile thapelo yago ya mo o rapela+ ka Kgoši Senakheribho wa Asiriya.+ 21 Tsowa ke tso Jehova a di hlayyeng ka yene:
“Kgareba ya Siyoni yi go hloyye, ya go nyenya.
Morwediya wa Jerusalema o šikinya hlogo yage mo a kwa ka wene.
22 Ke mang wa gore o yye wa mo tewula fote wa mo rogelela?+
Ke mang wa gore o mo yahlamele+
Fote o mo tseyele fase?
Ke Wa go Hlawolega wa Israyele!+
23 O romme batho+ gore ba rogelele Jehova+ ka gore,
‘Ka dikotšikara tsaka tsa ntwa tsa go tlala
Ke nyoko yinugela gedimo ga dithaba,
Ke nyoko ya le ga dipoleke tsa Lebhanoni tsa gore di kgole ka matla.
Ke nyoko kupa mehlare ya mosidara ya gore ke ye megolo le mehlare ya mojunipha* ya gabutši.
Ke nyoko kena ka ku tengteng ga yona ga gore ba wutama gona.
24 Ke nyoko yepa didiba fote ke nyoko nwa meetši ya go tšwa nageng ye nngwana;
Ke nyoko womisa mesela* ya Egepita ka mokana ga yona ka direthe tsa mawoto yaka.’
25 Anthe a wa di kwelela? Ke segelele sepheto sowa ku botala.+
Ke botala ke se polanne.+
Byalo ke nyoko maka gore se makege.+
Dipoleke tsa gore di pasopegiye o nyoko di maka dindhundhuma tsa dithila.+
26 Batho bo ba dulang gona ba ka sa kgone go maka selo ka taba yowa;
Ba nyoko ba ba tšhugiye fote ba tšebiye.
Ba nyoko tshwana le dimilane tsa mašomong le mabyang ya matala,+
Go tshwana le mabyang ya gore ma mila gedimo ga dintlo ya gore ma tšhubiye ke moya wa go tšwa bohlabela.
27 Mara ke ya di tšiba mo o dula, mo o tšwa, mo o kena,+
Le mo o nkwatele,+
28 Ke go kwile ka mantsu ya o ma hlayyeng gore o fufulele+ fote o kwatiye.+
Byalo ke nyoko haka nko yago fote ke nyoko tlemelela thapo*+ ho molomong wago,
Fote ke nyoko go busetsa nthago ka tsela yo o tlileng ka yona.”+
29 “‘Tsowa go nyoko ba mošupetso gago:* Mongwaga wowa o nyoko ja mabele ya gore ma fo timilela; ke mokane ka mongwaga wa go latela o nyoko ja mabele ya gore ma mila ga yanala ya mongwaga wa go fela;+ mara ka mongwaga wa kararo o nyoko gaša, wa buna, fote o nyoko gaša didhriva wa boya wa di ja.+ 30 Ba gore ba šele ga leloko la Juda,+ ba nyoko tsika go tshwana le midu ya dimilane fote ba nyoko yengwa. 31 Go na le ba gore ba nyoko phona ba tšwa Jerusalema, ka nnete ba tšwa Siyoni. Jehova wa masole o nyoko maka dilo tsowa ka gore o tikemisele.+
32 “‘Tsowa ke tso Jehova a di hlayang ka kgoši ya Asiriya, o re:+
“A ka sa kene ho mutšing+
Kela a thunyela mosefo wage ga wona
Kela a lwa nawo a tshwere legawu lage
Kela a wo dukulugela.+
33 O nyoko jika ka tsela yo a tlileng ka yona;
A ka sa kene mo mutšing,” go hlaya Jehova.
34 Ke nyoko lwela mutši wowa+ fote ke nyoko wo phonisa ka taba la lebitso laka+
Le ka taba la Dafita lelata laka.”’”+
35 Bošego byobyone, lengeloyi la Jehova la ya la segela le bolaya 185 000 ya banna ba gore ke mo ba le kampeng ya Maasiriya.+ Mo batho ba tsoga ka bošego ba bona ditopo ka mokana ga tsona.+ 36 Byalo, kgoši Senakheribho wa Asiriya a tloga a ya Ninive,+ a segela a dula gana hone.+ 37 Byalo mo a kene a sa kgotamme ntlong ya modimo wage ye ba reng ke Nisrokho, barwayi bage ka babedi Adhrameleke le Šarezere ba mmolaya ka sabola+ ke mokane ba tšhabela nageng ya Ararate.+ Morwayi wage Esara-hadoni+ a ba kgoši sekgaleng sage.