Tsowa di Hlatolla ke Matewu
16 Mafaraseyi le Masadutseyi ma tla ga Jeso ka taba la gore ke mo ma mo nyakisa, ma segela gage ma re a make mošupetso wa go tšwa legedimong.+ 2 Mo Jeso a ma fetola a re: “Mo le šele le kgwalala, lune le re, ‘Go ka sa ne pula ka taba la gore go kgubele ku legedimong,’ 3 fote le re, ‘Go nyoko ba le moya gwa boya gwa na pula ka bošego, ka taba la gore le mo sebakabakeng go kgubele mara go na le maru.’ Tsa go hlatolla tsa ku sebakabakeng le di tšiba ka matla, mara le šita ke go hlatolla dilo tso di makegang gana byalo. 4 Leloko lowa la dipelo tse diphifadu le la dinghwahla,* le dula le nyaka mošupetso, mara le ka sa ro wo bona+ mo go se wa Jona.”+ Jeso a tloga a ba šiya gana hone.
5 Byalo, malata ma tshilela ka ku mosekola, fote ma libala go tseya sekgwa.+ 6 Jeso a re ga wona: “Le duleneng le ntshiye maahlo dikwakweng, le pasopeneng komelo ya Mafaraseyi le Masadutseyi.”+ 7 Ba thomisa go bolabola bona beng ba re: “Re libele dikgwa.” 8 Mo Jeso a kwa ba reyane a re: “Ke ntaba lune ba go ba le tumelo ye nyana le bolabola le ntoši gore a le na sekgwa? 9 Anthe a le kwisisi le gana byalo lowa, kela le libele ka malofo yala kapheta ya wona ya go kgurisa batho bala 5 000 ya bona le gore le tlatsiye memmantši ka mekaye ka dingatha tso di šeleng?+ 10 Kela le libele ka malofo yala kašupa ya wona ya gore ma kgurisiye batho bala 4 000 ya bona, le gore le tlatsiye memmantši ka mekaye ye megolo ka dingatha tso di šeleng?+ 11 Ke ntaba le sa kwisisi gore a ke bolabole ka sekgwa? Nna ke re le pasopeneng komelo ya Mafaraseyi le Masadutseyi.”+ 12 Ke mokane ba thomisa go kwisisa gore aa bolabole ka komelo ya sekgwa, o bolabola ka tso di tšhutisang ke Mafaraseyi le Masadutseyi.
13 Mo Jeso a šele a segele Kesareya ya ku Filipi a butsisa malata yage gore: “Batho ba re Morwayi wa motho ke mang?”+ 14 Malata ya Jeso ma re gage: “Ba bangwana ba re ke Johane wa go Kolobetsa,+ ba bangwana ba re ke Eliya,+ ba bangwana ba re ke Jeremiya kela ye mongwana wa baporofeta.” 15 Ke mokane a re ga bona: “Byalo lune le re ke nna mang?” 16 Simone Petro a re: “Ke wene Kreste,+ Morwayi wa Modimo wa go phela.”+ 17 Mo Jeso a fetola a re gage: “Go jabola wene Simone, Morwayi wa Jona, ka taba la gore dilo tsowa a wa di wunyullela ke motho, mara o di wunyullele ke Papa wa ku magedimong.+ 18 Fote ke re gago: Ke wene Petro,+ fote ke nyoko yaga phutego yaka ga letlapa+ lowa, le digheyiti tsa Lebitla* di ka sa yi make selo. 19 Ke nyoko go neya dikhiya tsa Mmušo wa magedimong, se sengwana le se sengwana so o nyoko se swinang howa lefaseng ba nyoko ba ba šele ba se swinne ku magedimong, le so o se tlemollang ho lefaseng ba nyoko ba ba šele ba se tlemolliye ku magedimong.” 20 A botsa malata yage di kwagala gore ma sa botse motho gore ke yene Kreste.+
21 Go tlugisela ka nako yonone, Jeso a thomisa go hlatollela malata yage gore o tshwanele a ye Jerusalema gore a ye hlupegisa ke banna ba bagolo, dindhuna tsa maprista le bomabhalane fote a bolayiwe, a boye a tsusiwe ka letšatši la kararo.+ 22 Petro a mo gogela ka thoko ke mokane a mo lakatsa a re: “Tikwele go baba Morena, tsone di ka sa go makegele le ka gonyana.”+ 23 Mo a sokologa a re ga Petro: “Tloga ho thina gaka wene Sathane! Wa mphiriketsa, ka taba la gore tso o di naganang a yi tsa Modimo, ke tsa batho.”+
24 Ke mokane Jeso a re ga malata yage: “Ye a nyakang go nšala nthago a tineyele, a rwale phate yage ya mohlupego* fote a sa lisetsi go nšala nthago.+ 25 Ka gore ye a nyakang go phonisa lephelo lage o nyoko le loba, mara ye a le lobang ka taba laka o nyoko le phonisa.+ 26 Di thuša ka ying gore motho a be le dilo tsa lefase lowa, mara a lobe lephelo lage?+ Kela motho a ka patela ka ying gore a sa lobe lephelo lage?+ 27 Morwayi wa motho o nyoko tla a na le matšhika ya go lawola ya gore o ma neyye ke Papage. O nyoko tla le mangeloyi yage, ke mokane ba nyoko yahlula batho. O nyoko wolola bo ba makang dilo tsa go befa ke mokane a rufa bo ba makang dilo tsa gabutši.+ 28 Nnete ke ya le botsa, ba bangwana bo ba yemmeng ho gare ga lune ba ka sa kgwe go segela ba bona Morwayi wa motho a tla ka Mmušo wage.”+