Jesaya
6 Ka mongwaga wo kgoši Uziya a kgwileng ka wona,+ ke bonne Jehova a duli ga setulo sage sa go lawola sa ku malenghelengheng,+ fote kobo yo ne a yi yapere ke mo yi lefiye la go šinya yi tlala tempele. 2 Maserafi ke mo ma yemme ka kgakala gage; fote leserafi le lengwana le le lengwana ke mo le na le kobodi ya mafafela. Mafafela ka mabedi ke mo ma thibiye sefahlego ke mokane ya mangwana ka mabedi ma thibiye mawoto, fote ya mangwana ka mabedi ke mo ma phurrwa ka wona.
3 Le lengwana la re ga le lengwana:
“Wa go hlawolega, wa go hlawolega, wa go hlawolega ke Jehova wa masole.+
Lefase ka mokana ga lona le tlele ka matšhika yage ya magolo.”
4 Fote diforemo tsa monyako ke mo di tekateka mo ma kene ma yahlamela, fote ntlo ka mokana ga yona ya tlala ka muši.+
5 Ke mokane ka re: “Yii barena!
Phela di fo phala ke hala ke kgwile,*
Ka gore mantsu ya ma tšwang ka ho ganong gaka a maa yela,
Fote ke dula gare ga batho ba gore ba bolabola dilo tsa go sa yela;+
Fote maahlo yaka ma bonne Kgoši, yene Jehova wa masole!”
6 Ka nako yonone, leserafi ka lloši la tla gaka le phurrwa, le tshwere legala la go fisa+ ka selo sa go tshwara malampa sa go tšwa ku aletareng.+ 7 La tikisa molomo waka ka legala lela ke mokane la re:
“Bona! Ke go tikisiye ka lona.
Molato wago wo sulegiye,
Fote Modimo o go tshwarele ga tso o di sinnyeng.”
8 Byalo, ke kwile lentsu la Jehova le re: “Ke mang ye nka mo romang, ke mang ye a nyoko re yelang?”+ Nna ka re: “Ke nna yewa! Roma nna!”+
9 Ke mokane yene a re, “Ariye, o ye botsa batho bowa gore:
‘Le nyoko kwa dilo tsa go tlala
Mara le ka sa di kwisisi,
Le nyoko bona dilo tsa go tlala
Mara le ka sa tšibi selo.’+
10 Maka gore dipelo tsa batho bowa di ghwanye,+
Maka gore ditsebe tsa bona di sa theetsele molayetsa wowa,+
Fote o kwale maahlo ya bona
Gore ba sa kgone go bona
Ba sa kgone go kwa
Fote le dipelo tsa bona di sa kwisisi
Gore ba sa sokologe ke mokane ba phonisiwa.”+
11 Mo ke kwa tsowa, ka re: “Go segela neng, barena Jehova?” Ke mokane yene a re:
“Go segela ke fetsa ka mitši yowa go šala go se na motho le ka wwoši
Fote le ga dintlo tsowa go sa sa dula batho
Le go segela go fela ka naga yowa go šala go yi tse nghwee;+
12 Go segela Jehova a rakela batho ku kgole+
Go segela go sa sa dula motho ga poleke ye kgolo mone nageng.
13 Mara go nyoko šala go na le batho ba banyana* mone nageng, ke mokane ba nyoko yi tšhuba fote, go tshwana le mohlare wo mogolo le go tshwana le mohlare wa mokumo wa go ba le makala le matlakala ya go tlala, tsa gore mo ba di kupa go šala tšhiko ya tsona; ke mokane mone ga tšhiko yone go nyoko mila semilane sa go hlawolega.”