Hezekiyele

3 Ke mokane a re gaka: “Morwayi wa motho, jang tso di leng mahlong gago. Jang lengwalo lowa la go phutiwa, o sepele, o ye o bolabole le ba ntlo ya Israyele.”+

2 Byalo ka bula molomo waka, a maka gore ke je lengwalo lowa la go phutiwa. 3 O yye mahlong a re gaka: “Morwayi wa motho, jang lengwalo lowa la go phutiwa lo ke go neyang lona, fote o tlatse dimpa tsago ka lona.” Byalo, ka thomisa go le ja, fote ke mo le tswetswenya nkare ke mamapo ka ganong gaka.+

4 O yitseri gaka: “Morwayi wa motho, ariye ga ba ntlo ya Israyele o ba botse mantsu yaka. 5 Ka gore a ke go rome ga batho ba gore ba bolabola mmolabolo wa go thathafa kela wa gore a wo tšibegi, mara ke go roma ga ba ntlo ya Israyele. 6 A ke go rome ga batho ba go bolabola mmolabolo wa go thathafa kela wa gore a wo tšibegi, ba gore mantsu ya bona o ka sa ma kwisisi. Hala nka go roma ga bona, ne ba nyoko go theetsela.+ 7 Mara batho ba ntlo ya Israyele ba nyoko gana go go theetsela, ka gore a ba nyake go ntheetsela.+ Batho ba ntlo ya Israyele ka mokana ga bona ba womme dihlogo fote dipelo tso go fo ba matlapa.+ 8 Bona! Ke makiye gore sefahlego sago se tiye go tshwana le difahlego tsa bona fote ka maka gore mopo wago wo tiye go fo tshwana le wa bona.+ 9 Ke makiye gore mopo wago wo tiye go tshwana le dayimonde,+ wo tiye go phala letlapa la go tiya ka matla. Ba sa go tshose fote o sa hlagasedisi ke difahlego tsa bona,+ ka taba la gore ke batho ba go ba le tšhinghi.”

10 A ya mahlong a re gaka: “Morwayi wa motho, mantsu ka mokana ga wona ya ke go botsang wona o ma tseyele hlogong fote o ma theetsele. 11 Ariye ga batho ba genu ba gore ba bobhantiting+ o bolabole nabo. O ba botse gore, ‘Tsowa ke tso Jehova Morena wa ku Malenghelengheng a di hlayang,’ a di na taba gore baa theetsela kela a ba theetsele.”+

12 Ke mokane ka rwala ke moya+ fote ka ho nthago gaka ka kwa modumo wo mogolo le lentsu le re: “Nkare go gadima ga Jehova go ka thanakiwa polekeng yo a dulang ga yona.” 13 Mo mafafela ya mangeloyi yane ma kene ma tikisana ke mo ma kwagala,+ mabilo ya ne ma le thina le mangeloyi yane le wona ke mo ma kwagala,+ ke mo go kwagala le modumo wo mogolo. 14 Ke mokane moya wa nrwala wa sepela le nna, ke sipidiye ke kgongwele fote ke kwatiye, ka kwa matšhika ya Jehova ma bereka ka matla ho gaka. 15 Byalo ka ya ga batho ba gore ne ba le bobhantiting ku Tele-abhibhi, ba gore ne ba dula thina le nooka ya Khebhara,+ ka dula gana hone ba dulang gona; ka dula gare ga bona kašupa ya matšatši nkene ke hlakahlakanne.+

16 Mo go fela kašupa ya matšatši Jehova a bolabola le nna a re:

17 “Morwayi wa motho, ke beyye wene gore o be matšinghelane wa ntlo ya Israyele;+ fote mo o kwa lentsu la go tšwa molomong waka, o ba botse tso ke ba pasopisang ka tsona.+ 18 Mo ke botsa ye wa pelo ye phifadu gore, ‘Ka nnete o nyoko kgwa,’ mara wene o sa mo pasopisi, wa šitega go bolabola gore o pasopise ye wa pelo ye phifadu gore a sokologe ga dilo tsa go befa tso a di makang a ko thogo ya mahlong a phela,+ yene o nyoko kgwa ka taba la tso a di sinnyeng ka gore o maka tsa go befa,+ mara madi yage ke nyoko ma nyaka gago.+ 19 Mara mo o ka pasopisa motho wa pelo ye phifadu mara a sa sokologe ga dilo tsa go befa tso a di makang fote a sa lisetsi tsela yage ya go sa loka, o nyoko kgwa ka taba la tso a di sinnyeng, mara wene o nyoko phonisa lephelo lago.+ 20 Mara mo motho wa go loka a lisetsa go maka tsa go loka ke mokane a maka tsa go sa loka, ke nyoko maka gore a phikege fote o nyoko kgwa.+ Mo nkare a wa mo pasopisa, o nyoko kgwa ka taba la tso a di sinnyeng fote dilo tsa go loka tso a di makiyeng di ka sa sa gupudiwa, mara madi yage ke nyoko ma nyaka gago.+ 21 Mara mo nkare ye wa go loka o mo pasopisiye gore a sa sinyi, ke mokane a sa sinyi, ka nnete o nyoko ya mahlong a phela ka taba la gore o pasopisiwwe,+ fote o ko ba o phonisiye lephelo la wene mong.”

22 Letsogo la Jehova le tlile gaka ke le gana hone, a re gaka: “Tlogamela o ye ku moyeding, ke nyoko bolabola nago gana hone.” 23 Byalo ke tlogamele ka ya moyeding, gana hone ke mo go na le go gadima ga Jehova,+ go tshwana le go gadima gage ga gore ke go bonne ku nookeng ya Khebhara+ ke mokane ka wela fase ke yinamisiye sefahlego. 24 Ke mokane moya wa kena ho gaka wa maka gore ke tlogamele ke yeme ka mawoto,+ yene a bolabola le nna a re:

“Ariye o tikwalele ntlong yago. 25 Mara wene morwayi wa motho, ba nyoko go tlema ka dithapo gore o sa kgone go tloga ho gare ga bona. 26 Ke nyoko maka gore o kwe lleme lago le roba ka ho ganong gago, fote o nyoko šitega go bolabola wa sa kgone go ba wolola, ka taba la gore ke batho ba go ba le tšhinghi. 27 Mara mo ke bolabola nago ke nyoko bula molomo wago, fote di nyaka o ba botse gore,+ ‘Tsowa ke tso di hlayang ke Jehova Morena wa ku Malenghelengheng.’ Ye a theetselang a theetsele,+ fote ye a ganang go theetsela a gane, ka taba la gore ke batho ba go ba le tšhinghi.+