Mebereko ya Mapostola

15 Byalo, gwa tla banna ba bangwana ba tšwa Judiya fote ba thomisa go tšhutisa magageru, ba re: “Mo le ka sa bollwe go ya ka Molawo wa Moše,+ le ka sa phonisiwi.” 2 Mo ba fetsa go phigisana le Pawulo le Bharenabhase, ba maka gore Pawulo le Bharenabhase le ba bangwana ba ye ga mapostola le bagolo ba ku Jerusalema+ ba yisa taba yone.

3 Mo phutego yi šele yi ba felegetsiye, banna bone ba yye Funišiya le Samariya, ba ba botsa ka mokgo batho ba ditšhaba ba sokologiyeng ka gona, tsotsone dya maka gore magageru ma jabole ka matla. 4 Mo ba segela Jerusalema, phutego, mapostola le bagolo ba ba yamogela gabutši, byalo bona ba ba botsa ka dilo tsa go tlala tso Modimo a di makiyeng a berekisa bona. 5 Mara ba bangwana ba go tšwa ga mogoba wa Mafaraseyi ba gore ke mo ba dumela ga Jeso Kreste, ba tlogamela mo ne ba duli gona, ba re: “Di gabutši gore re ba bolotse fote re ba botse gore ba latelele Molawo wa Moše.”+

6 Byalo, mapostola le bagolo ba gahlana gore ba lebelele taba yowa gabutši. 7 Mo Petro a di bona gore a ba kwane,* a tlogamela a re ga bona: “Magageru, le di tšiba gabutši gore go tlugisela ku botala, Modimo o kgetiye nna mo gare ga lune gore batho ba ditšhaba ba kwe ditaba tsa go bafala fote ba dumele.+ 8 Modimo wa gore o tšiba dipelo+ o šupetsiye gore wa ba yamogela ka go ba neya moya wa go hlawolega+ go fo tshwana le mo a neyye rune. 9 Fote aa hlawola ba bangwana, a šiya ba bangwana,+ mara o yedisiye dipelo tsa bona ka tumelo.+ 10 Byalo, ke ntaba le liketsa Modimo, ka go maka gore malata ma rwale lejoko+ la gore le bokokwane ba rune ke mo le ba šita go le rwala fote le rune le ya re šita?+ 11 Mara re na le tumelo ya gore re phonisiwwe ka taba la gore Morena Jeso+ o re kwele go baba, go tshwana le mo a ba kwele go baba.”+

12 Mo a reyane, mogoba wela wa kgomolela, wa thomisa go theetsela Bharenabhase le Pawulo, ba ba hlatollela ka mešupetso le dilo tsa go makatsa tso Modimo a di makiyeng a berekisa bona gare ga ditšhaba. 13 Mo ba fetsa go bolabola, Jakobo a re: “Magageru, ntheetseleneng. 14 Sayimiyone+ o fetsa go re botsa gore gana byalo Modimo o yamogele ba gore a yi Majuda gore a thogo hlawola batho ga bona gore ba bitse ka lebitso lage.+ 15 Tsotsone, ne di kwana le mantsu ya ma ngwadiyeng ke baporofeta ya gore: 16 ‘Ka nthago ga dilo tsowa ke nyoko boyela ka tsosa ntlo* ya Dafita ya gore yi wile; ke nyoko yi tsosa ka boya ka yi yaga ka bonyuwane, 17 gore batho bo ba šeleng ba berekele Jehova* Modimo ka dipelo tsa bona ka moka, ba na le batho ba ditšhaba ka mokana ga tsona, batho ba gore ba bitsiwa ka lebitso laka, tsotsone di hlaya ke Jehova* wa gore ke yene a makang dilo tsowa+ 18 tsa gore o hlayye gore o nyoko di maka go tlugisela botala.’+ 19 Byalo, a ke ya segelela sepheto sowa gore ke hlupe ditšhaba tsa gore di nyaka go berekela Modimo,+ 20 mara ke ba ngwalele dilo tsowa gore ba kganele kgole le dilo tsa gore di thilafatsiye ke medimo ya matsaka,+ bonghwahla* le dilo tsa gore ba di kgamelele,*+ fote ba kganele kgole le madi.+ 21 Go tlugisela ku botala go segela gana byalo, ke mo go na le batho bo ba tšhomayelang ka lentsu la Moše mutši ka mutši, ka taba la gore dipuku tso a di ngwadiyeng ke mo ba di balela gedimo ku sinagogeng, gore batho ba di theetsele ka sabatha ye nngwana le ye nngwana.”+

22 Byalo, mapostola le bagolo le phutego ka mokana ga yona, ba kgeta banna ba ba romela Anthiyoko ba na le Pawulo le Bharenabhase; ba romele Silase+ le Judase ye ba reng ke Bharesabhase, ba gore ke mo ba yetetsa magageru. 23 Ba ba neya borifi bya gore ke mo bo ngwadiwwe mantsu ya gore:

“Rune mapostola le bagolo le magagabo lune, re ngwalela lune magageru ya go tšwa ga ditšhaba tse dingwana, ya go dula Anthiyoko,+ Siriya le Silisiya, re re: Tamaneng! 24 Ka gore re di kwelele gore go na le bo ba tšwileng ho ga lune ba le kwisa go baba ka mantsu,+ ba liketsa go maka gore le sa sa dumela, le mo go se rune bo re ba butsiyeng gore ba le tšhutise ka mokgonone, 25 re fetsiye ka gore re hlawole banna re ba romele mone ga lune ba na le Bharenabhase le Pawulo, 26 ba gore ba tineyele ka taba la lebitso la Morena wa rune Jeso Kreste.+ 27 Byalo, re le romela Judase le Silase, gore ba tle ba le botse ka molomo ditaba tso re di ngwadiyeng.+ 28 Ka moya wa go hlawolega,+ rune re di bonne di le gabutši gore re sa le yeketsele morwalo ga tso di nyakegang tsa go tshwana le: 29 go kganela kgole le dilo tsa gore ba di hlabele medimo ya matsaka,+ go ja madi+ le dilo tsa gore ba di kgamelele,*+ fote le sa make bonghwahla.*+ Mo le ka kganela kgole le dilo tsowa, le nyoko rufega. Modimo a be le lune!”

30 Mo banna bone ba tloga, ba ya Anthiyoko, ba gahlanisa mogoba wone ba wo neya borifi. 31 Mo batho bone ba fetsa go bo bala, ba jabodisa ke mantsu yane ya go ba tiyisa. 32 Ka gore Judase le Silase le bona ke mo go le baporofeta, ba tiyisiye magageru ka dipolabolo tsa go tlala.+ 33 Ka nthago ga gore ba dule nakonyana hone, mo ba šele ba sepela, magageru ma re nkare ba ka sepela gabutši mo ba boyela ku ba tšwang. 34* ⁠—— 35 Mara Pawulo le Bharenabhase ba šala ku Anthiyoko, ba tšhutisa le go sabalatsa lentsu la Jehova* ba na le magageru ya mangwana ya go tlala.

36 Ka nthago ga matšatšinyana, Pawulo a re ga Bharenabhase: “Tla re boyele ga magageru ya re yyeng ra ma tšhomayelela lentsu la Jehova,* ga dipoleke ka mokana ga tsona tso re fitiyeng ga tsona, re ye boneng gore ma ya byang.”+ 37 Bharenabhase ke mo a nyaka gore ba sepele le Johane, ye ba reng ke Mareka.+ 38 Mara Pawulo ke mo a sa nyake gore ba sepele naye, ka gore Johane o yye a tloga nakwela ba le Phamfiliya a sa yi nabo go ye tšhomayeleng.+ 39 Ba kgwasolana ke mokane ye mongwana le ye mongwana a sepela ka pata yage; Bharenabhase+ a tloga le Mareka ba ya Sipero ka sekepe. 40 Pawulo a kgeta Silase ka nthago ga gore magageru ma rapele ga Jehova* gore a mo pasope,+ ke mokane ba tloga. 41 A ya Siriya le Silisiya a tiyisa diphutego.