Tsowa di Hlatolla ke Lluka

19 Ke mokane a kena Jerikho, a bhukulela gana hone. 2 Byalo, ke mo go na le monna ye mongwana wa gore ke mo a ghannye fote go le ndhuna ya bo ba go patedisa mothelo, ye ba reng ke Zakewo. 3 Ke mo a nyaka go bona gore Jeso yewa ke mang, mara ke mo a sa kgone go bona ka taba la mogoba fote ke mo go le ye mokopana. 4 Ka taba la gore Jeso ne a nyoko feta mone, monna yela a taboga a ye kalama mohlare wa mogo wa hlaga, gore a thogo mmona gabutši. 5 Mo Jeso a segela hone, a lebelela gedimo ke mokane a re gage: “Zakewo, yakgoswa o phologe ka taba la gore lekgono ke ya gaye gago.” 6 Mo a reyane, a yakgoswa a phologa ke mokane a mo yamogela a jabodiye. 7 Mo batho ba bona tsotsone ba kokola ba re: “O vakašiye gaye ga monna wa gore wa sinya.”+ 8 Mara Zakewo a tlogamela a re ga Jeso: “Morena, sekopa sa dilo tsaka ke se neya ba go tihlupegela fote ye mongwana le ye mongwana ye ke mo yamogiyeng* dilo tsage ke nyoko di busetsa di yeketsegiye ga kanne.”+ 9 Mo Jeso a kwa tsotsone a re gage: “Lekgono lo, monna ye le ba mutši wage ba phonisiwwe, ka taba la gore le yene ke morwayi wa Abhrahama. 10 Fote Morwayi wa motho o tlele go nyakela le go phonisa bo ba gore ba lahlegiye.”+

11 Mo ba kene ba sa theetsele tsotsone, a napa a ba botsa ka mošupetso wo mongwana, ka taba la gore ke mo ba nagana gore mo ba segela Jerusalema Mmušo wa Modimo wo nyoko tla ka nako yonone.+ 12 Byalo a re: “Ke mo go na le monna wa go belegiwa ka bogošing, wa gore o yye ga poleke ya kgole+ gore a kraye bogoši byage ke mokane mo a fetsiye a boyele nthago. 13 A bitsa lesome la dibereki tsage, a di neya lesome la dimina,* a di botsa gore, ‘Makaneng bhizinisi ka dilo tsowa go segela ke boya.’+ 14 Mara batho ba mone nageng yone ke mo ba sa mo nyake, ba romela batho gore ba mmotse gore, ‘A re go nyake gore o be kgoši ya rune.’

15 “Mo a boya go šele go le kgoši, a bitsa dibereki tsela tsa gore o di neyye tšheleta* a nyaka go bona gore di šadiye di yi berekisa byang.+ 16 Sebereki sa mathomo sa tla sa re, ‘Morena, ke krayye lesome la dimina ga mmina yo o nneyyeng yona.’+ 17 Mong wa sona a re, ‘O berekiye, ke wene sebereki sa gabutši! Ke nyoko maka gore o lawole lesome la mitši, ka taba la gore o tshepegiye ga tse dinyana.’+ 18 Sebereki se sengwana sa tla sa re, ‘Morena, ke krayye kapheta ya dimina ga mmina yo o nneyyeng yona.’+ 19 Le ga sebereki sone a re, ‘Le wene lawola kapheta ya mitši.’ 20 Gwa tla sebereki se sengwana sa re, ‘Morena, mmina yago ke yowa, ne ke yi wutametsiye ka teng ga kobo. 21 Ne ke tšhaba ka taba la gore wa garatsa; o tseya selo so o sa se berekelang fote o buna mo o sa gašang.’+ 22 Mong wa sona a re, ‘Ke go yahlula ka tso o di hlayyeng, wene sebereki sa go tshwata. O di tšiba gabutši gore ke ya garatsa, ke tseya so ke sa se berekelang fote ke buna mo ke sa gašang.+ 23 Byalo ke ntaba o sa tšhela tšheleta* yaka pankeng? Ke mokane ne nko yi tseya yi tswadiye mo ke boya.’

24 “Mong yela wage a re ga bala ba bangwana, ‘Tseyaneng mmina yone hone gage le neyeneng yela wa gore o na le lesome la tsona.’+ 25 Mara ba re gage, ‘Morena, motho yewa o na le lesome la tsona mara!’⁠— 26 ‘Ke ya le botsa, ye a nang le se sengwana, ba nyoko mo yeketsela ga so a nang naso, mara wa gore aa na selo ba nyoko mo yamoga le so a nang naso.+ 27 Go tokegela gana hone, leyaneng manaba yaka ka mokana ga wona ya gore ke mo ma sa nyake ke ma lawola, le ma bolayeneng ke ma lebelele.’”

28 Mo Jeso a fetsa go hlaya tsotsone, a ya mahlong ka leyeto la go ya Jerusalema. 29 Mo Jeso a šele a le thina le Bhethepage le Bhethani ga Thaba yo ba reng ke ya Diolivi,+ a roma malata yage ka mabedi,+ 30 a re: “Ariyeneng ku ga dimitšane tsela, mo le segela le ko kraya sebhongholwane sa gore a se soko kalamiwa ba se tlemelele. Le se tlemolleneng ke mokane le se leyeneng ho gaka. 31 Mo ye mongwana a ka fo le butsisa gore, ‘Ke ntaba le se tlemolla?’ le mmotse gore, ‘Se nyaka ke Morena.’” 32 Byalo malata yane ma ya, ma kraya sebhongholwane sela ba se tlemelele ka mokgo a hlayyeng.+ 33 Mo ma kene ma tlemolla sebhongholwane sone, beng ba sona ba re: “Ke ntaba le se tlemolla?” 34 Ma re: “Se nyaka ke Morena.” 35 Malata yala ma tla le sebhongholwane sela ga Jeso, ma beya dikobo tsa wona tsa ka tawong gedimo ga sona, Jeso a se kalama.+

36 Mo a kene a sepela, ba go tlala ba yatlala dikobo tsa bona tsa ka tawong mo pateng.+ 37 Mo a šele a le thina le go segela Thabeng ya Diolivi, mogoba ka mokana ga wona wa jabola, wa thomisa go thanaka Modimo wo yahlamela ka taba la mehlolo ka mokana ga yona yo wo yi bonneng, 38 wa re: “Go rufegiye ye a tlang go le Kgoši ka lebitso la Jehova!* Nkare go ka ba le go beba gare ga batho le Modimo, fote re thanaka ye a leng ku malenghelengheng!”+ 39 Mafaraseyi ya mangwana gana hone mogobeng ma re ga Jeso: “Thitšere, wolola malata yago.”+ 40 Mara a ma fetola a re: “Ke ya le botsa, mo ba ka sa bolabole, matlapa yawa ma nyoko bolabola.”

41 Ke mokane mo a šutela thina le Jerusalema, a yi lebelela fote a yi llela,+ 42 a re: “Hala wene, eya ke ra wene, o yye wa kwisisa ka letšatši lowa dilo tsa gore di sipidisana le go beba⁠—mara gana byalo ba go wutetsele tsona.+ 43 Go nyoko tla nako ya gore manaba yago ma go yagelele ka mabalelo ya go ba le dinhla, ke mokane ba nyoko go kutulugela* ka mo le ka mo.+ 44 Ba nyoko fetsa ka wene le bana bago,+ fote ba ka sa lisetsi letlapa le lengwana le le gedimo ga le lengwana ho ga poleke yago,+ ka taba la gore Modimo o segele a tl’le go yahluleng mara wa sa di kwisisi.”

45 Byalo, Jeso a kena tempeleng ke mokane a raka bo ne ba rekisa,+ 46 a re ga bona: “Go ro ngwadiwa gore, ‘Ntlo yaka ba nyoko re ke ntlo ya go rapela ga yona,’+ mara lune le yi makiye lekori la gore ditsotsi di wutama ga lona.”+

47 Ke mo a sa lisetsi go tšhutisa tempeleng ka moka matšatši. Mara dindhuna tsa maprista le bomabhalane le ba go lawola setšhaba sa Majuda ke mo ba nyaka go mmolaya;+ 48 mara ba sa kraye lešuba la go maka tsotsone, ka taba la gore batho ba mo kgobakanele ba nyaka go mo kwa.+