Tsowa di Hlatolla ke Matewu

13 Jeso o tlugiye ga mutši wone ka letšatši lolone, a ya a dula thina le lewatle. 2 Mogoba wo mogolo wa mo kgobakanela, a šinya a kalama sekepe a dula ga sona, ke mokane mogoba wa yema lerophong la lewatle.+ 3 A ba tšhutisa dilo tsa go tlala a berekisa mešupetso,+ a re: “Theetselaneng! Motho ye mongwana o tšwile a ye gaša pewu.+ 4 Mo a kene a gaša, dithoro tse dingwana dya wela ka thoko ga pata ke mokane dinonyane dya tla dya di ja.+ 5 Tse dingwana dya wela matlapeng ga gore ke mo go se na mobu wa go tlala, ke mokane dya yakgoswa di mila ka taba la gore mobu wa gona ke mo wo sa tlala.+ 6 Byalo, mo letšatši le hlaba dya swa, ke mokane dya puna ka taba la gore ke mo di se na midu. 7 Tse dingwana dya wela mutlweng ke mokane mutlwa wone wa di yilametsa.+ 8 Tse dingwana dya wela mobung wa gore wo tsifiye, ke mokane dya thomisa go ba le diyengwa, ye nngwana ya yengwa ga 100, ye nngwana ga 60, ye nngwana ga 30.+ 9 Ye a nang le ditsebe a theetsele.”+

10 Ke mokane malata yage ma re gage: “Ke ntaba o bolabola le batho bowa o berekisa mešupetso?”+ 11 Mo a ba fetola a re: “Lune le kwisisa diphiri tsa go hlawolega ka Mmušo wa magedimong ka taba la gore Modimo wa le gelepa,+ mara batho bowa a ba di kwisisi, ka taba la gore a ba gelepe ke motho. 12 Ye a nang le se sengwana o nyoko yeketsediwa ga so a nang naso ke mokane sa napa se tlala, mara wa gore aa na selo ba nyoko mo yamoga le so a nang naso.+ 13 Nka taba lo ke berekisang mešupetso mo ke bolabola nabo, ka taba la gore baa lebelela mara a ba boni, baa theetsela mara a ba kwe, fote a ba kwisise le ka gonyana.+ 14 Ka mokgonone, go makega seporofeto sa Jesaya sa gore: ‘Go kwa le ko kweng mara le ka sa kwisisi, fote le nyoko lebelela mara le ka sa boni.+ 15 Ka gore dipelo tsa batho bowa di ghwannye. Go kwa ba kwile mara a ba thogathoge, ba kwadiye maahlo ya bona le ditsebe tsa bona gore ba sa kgone go bona fote ba sa kgone go kwa, gore ba kwisise ke mokane ba sokologe nna ke thogo ba yalafa.’+

16 “Mara go jabola lune ka taba la gore maahlo ya lune maa bona fote le ditsebe tsa lune di ya kwa.+ 17 Ka nnete ke ya le botsa, baporofeta le batho ba go loka ke mo ba nabela ka matla go bona tso le di bonang, mara a baa di bona,+ ba nabela le go kwa tso le di kwang mara a baa di kwa.

18 “Byalo tla ke le hlatolleleneng ka mošupetso wa motho wa gore ne a gaša.+ 19 Mo motho a kwa Lentsu la Modimo mara a sa le kwisisi, wa pelo ye phifadu+ wa tla ke mokane a kgufula so ba se gašiyeng ka pelong yage, yowa ke pewu ya gore ba yi gašiye ka thoko ga tsela.+ 20 Ke mokane go na le pewu ya gore ba yi gašiye ga gore go na le matlapa; ke motho wa go kwa lentsu la Modimo, a napa a le yamogela a jabodiye.+ 21 Mara aa na midu, o ya mahlong tsa senakonyana, fote mo a gahlanne le tsa go mo kgahleletsa ka taba la lentsu la Modimo o napa a phiriketsega. 22 Go tokegela gana hone, go na le pewu ya gore ba yi gašiye gare ga metlwa; ke motho wa gore wa le kwa lentsu la Modimo, mara go šekela ka dilo tsa lefase lowa*+ le go nyaka go ghanya di phiphetsa lentsu lela fote la sa yengwe.+ 23 Fote go na le pewu ya gore ba yi gašiye ga mobu wa gore wo tsifiye; ke motho wa gore o kwile lentsu la Modimo, a le kwisisa, a yengwa diyengwa. Ye mongwana a yengwa ga 100, ye mongwana ga 60, ye mongwana ga 30.”+

24 Jeso a ba botsa ka mošupetso wo mongwana a re: “Mmušo wa Modimo re ka wo tshwanisa le monna wa go gaša pewu ya gabutši tšhomong yage. 25 Mo batho ba sa yetsele, gwa segela lenaba la gaša ngwere mo gare ga korong ke mokane la tloga. 26 Mo yi šele yi mila ke mokane yi thomisa go nyaretsa diyengwa, ngwere le wona wa thomisa go nyarela. 27 Byalo malata ya mong wa tšhomo ma tla gage ma re: ‘Morena, ku tšhomong yago o gašiye pewu ya gabutši akere? Byalo ke ntaba go midiye ngwere?’ 28 Mo a ba fetola a re: ‘Go makiye lenaba.’+ Malata yane ma re gage, ‘Byalo Morena, o nyaka re ye wo kgobaketseng?’ 29 Mong wa tšhomo a re: ‘Awwa, ke tšhoga gore le ka tomola le korong mo le kene le kgobaketsa ngwere wone. 30 Di lisetseneng di goleneng ggoši, go šinye go segele nako ya go buna, mo yi šele yi segele, ke nyoko botsa bo ba bunang gore: Thomisaneng le kgobaketsa ngwere le wo tleme ka dingata gore le thogo wo tšhuba; ke mokane le rwalele korong le yi tšhele ka seralong.’”*+

31 A ba botsa ka mošupetso wo mongwana fote, a re: “Mmušo wa Modimo wo tshwana le pewu ya mmasetete, ya gore motho o yi gašiye tšhomong yage.+ 32 Gabutšibutši pewu yowa go fo ba ye nyananyana ga dipewu ka mokana ga tsona, mara mo yi mila, yi phala dimilane tse dingwana, ya ba mohlare, byalo dinonyane tsa legedimong dya tla dya dula makaleng ya wona.”

33 A ba botsa ka mošupetso wo mongwana fote, a re: “Mmušo wa magedimo wo tshwana le dikomelo tsa gore mosadi wa di tseya a di gahlanisa le kararo ya masaka ya magolo ya folawa, go segela mo folawa ya go dubiwa ka mokana ga yona yi bila.”+

34 Jeso o butsiye mogoba dilo tso ka mokana ga tsona a berekisa mešupetso. Gabutšibutši ne a ka sa bolabole nabo a sa berekisi mošupetso,+ 35 gore go thogo makega seporofeto sa gore: “Ke nyoko bula molomo waka ka bolabola ke berekisa mešupetso, ke nyoko sabalatsa dilo tsa gore ke mo di wutamme go tlugisela ku botala.”*+

36 Ke mokane mo Jeso a fetsa go botsa mogoba wone gore wo sepele, a ya ntlong. Malata yage ma tla ma re gage: “Re hlatollele mošupetso wa ngwere wela wa ku mašomong.” 37 Mo a fetola a re: “Monna ye wa go gaša pewu ya gabutši ke Morwayi wa motho; 38 mašomo ke lefase.+ Pewu ya gabutši yona ke barwayi ba Mmušo, mara ngwere wona ke barwayi ba wa pelo ye phifadu,+ 39 fote lenaba lo le gašiyeng ngwere ke Diyabolo. Go buna go yemela dinako tsa mo lefase* le bakiye mafelelong, fote ba go buna ke mangeloyi. 40 Byalo, go fo tshwana le mo ngwere yi kgobaketsiwa ke mokane yi tšhubiwa ka mollo, go nyoko ba ka mokgonone le ka lefase lowa.*+ 41 Morwayi wa motho o nyoko romela mangeloyi, ke mokane ma nyoko ntsha dilo ka mokana ga tsona ka ho Mmušong wage, dilo tsa gore a di yi ka tsela, le batho ba gore ba maka dilo tsa go befa, 42 ke mokane ma nyoko di bošela mollong.+ Gana hone ba nyoko gotla fote ba loma le meno. 43 Ka nako yonone, ba go loka ba nyoko gadima go tshwana le letšatši+ Mmušong wa Papa wa bona wa ku magedimong. Ye a nang le ditsebe a theetsele.

44 “Mmušo wa magedimo wo tshwana le makgekgembha ya gore ba ma wutetsiye tšhomong, ke mokane motho ye mongwana a segela a ma kraya a ma pasopa. Ka taba la gore o jabodiye ka matla, a šinya a tloga a ye rekisa dilo ka mokana ga tsona tso ne a le natso gore a reke tšhomo yone.+

45 “Fote Mmušo wa Modimo wo tshwana le motho wa go sepela a rekisa wa gore o nyakana le makolwane ya gore ke mong wona. 46 Mo a kraya lekolwane la gore le tseyediwa gedimo, a rekisa dilo ka mokana ga tsona tso ne a le natso gore a thogo reka lekolwane lone.+

47 “Fote Mmušo wa Modimo wo tshwana le letabane la gore ba le bošele ka lewatleng, la go tanya dihlapi tsa mohlobohlobo. 48 Mo le tlala, ba le goga ba le leya lerophong la lewatle, ke mokane ba dula fase ba hlawola tsa gabutši+ ba di tšhela ka mapoleteng, ba lahla tsela tsa gore a di gabutši.+ 49 Le ga lefase lowa* go nyoko fo ba ka mokgonone. Mangeloyi yane ma nyoko hlawola ba dipelo tse diphifadu ga bo ba go loka 50 ke mokane ma ba bošela mollong. Gana hone ba nyoko gotla fote ba loma le meno.

51 “Nje dilo tsowa ka mokana ga tsona le di kwisisiye?” Ba re gage: “Eya.” 52 Ke mokane a re ga bona: “Mo nkare go ka mokgonone, thitšere ye nngwana le ye nngwana ya gore ba yi tšhutisa ka Mmušo wa magedimo yi tshwana le monna wa gore ke mong wa mutši, ye a ntshang dilo tsage ga tromola ya go tšhela dilo tsa mayemo, o ntsha tsa botala le tsa nyuwane.”

53 Mo Jeso a fetsa go bolabola nabo a berekisa mešupetso, a tloga hone ga poleke yone. 54 Mo a boyela gaye,+ a thomisa go ba tšhutisa sinagogeng ya bona, ba thomisa go makala ba re: “Ke ntaba morene a hlalefiye ka mokgo, a boya a kgona go maka mehlolo?+ 55 Anthe a yi morwayi wa monna yela wa go betla?+ Mmane wage a yi Mariya, fote bobhuti bage a yi Jakobo, Josefa, Simone le Judase?+ 56 Anthe bosesi bage ka mokana ga bona a ba duli howa le rune? Byalo o di tseya kaye dilo tsowa?”+ 57 Ba thomisa go phiriketsega ka taba lage.+ Mara Jeso a re ga bona: “Moporofeta wa hlompiwa dipolekeng ka mokana ga tsona, mara ba ka sa mo hlompe ga poleke yo a tšwang ga yona le gagabo.”+ 58 Jeso aa maka mehlolo ya go tlala gana hone ka taba la gore batho bone ne ba gayela tumelo.