Mebereko ya Mapostola
11 Byalo, mapostola le magageru ya ne ma le Judiya, ma di kwelele gore batho ba ditšhaba ba yamogele lentsu la Modimo. 2 Mo Petro a segela Jerusalema, bala ba gore ke mo ba yema le taba ya go bolotsiwa+ ba thomisa go mo phigisa, 3 ba re: “O kenne mitšing ya batho ba gore a baa bolotsiwa, wa ja nabo.” 4 Mo ba reyane, Petro a ba hlatollela taba yone gabutši, a re:
5 Nakwela ke le ku Jopha ke rapela, ke bonne mmono, ka bona se sengwana sa nkare ke llapi ba le tshwere ka dikhona se thewoga se tšwa legedimong, sa tla mo gaka.+ 6 Ka lebelela gabutši, ka bona go na le diphoolwane tsa ho lefaseng tsa go ba le kanne ya mawoto, go na le diphoolwane tsa hlaga tsa go tshosa, le tsa go tshwana le dinoga le bomampelekuše le dinonyane tsa ku legedimong. 7 Ka kwa lentsu le re gaka: ‘Petro, tsoga, o hlabe o je!’ 8 Mara ka re: ‘Awwa Morena, nna a ke soko ja tsa go ja tsa dithila.’ 9 Lentsu lela la ku legedimong la kwagala fote la re: ‘O lisetse go bitsa dilo tso Modimo a di yedisiyeng gore di na le dithila.’ 10 Dilo tsowa di makegiye la kararo fote, ke mokane dilo ka mokana ga tsona dya boyela legedimong. 11 Ka nako yonone ke mo go yemme banna ba bangwana kararo ya bona ga ntlo yo ne ke dula ga yona, ba ba romme gaka ba tšwa Kesareya.+ 12 Moya wa Modimo wa re ke sa kamake, ke ye nabo. Mara magageru ya mangwana kobodi ya wona ma ya le nna, ra segela ra kena ntlong ya Khoneliyase.
13 “A re botsa gore o bonne lengeloyi le yemme ntlong gage, le re: ‘Roma banna ba ye Jopha, ba ye bitsa Simone ye ba reng ke Petro,+ 14 fote yene o nyoko go botsa dilo tsa gore di nyoko phonisa wene le ba mutši wago.’ 15 Mara mo ke thomisa go bolabola, ba tlela ke moya wa go hlawolega go fo tshwana le rune ku mathomisong.+ 16 Tsotsone dya maka gore ke gopole tso Morena a di hlayyeng, ke mo a fela a re: ‘Johane o kolobetsiye ka meetši,+ mara lune le nyoko kolobetsiwa ka moya wa go hlawolega.’+ 17 Mo nkare Modimo o ba neyye moya wage mahala, go fo tshwana le mo a neyye rune ba go dumela ga Morena Jeso Kreste, byalo nna ke ying wa go ka šinya ke šitisa tso Modimo a nyakang go di maka?”+
18 Mo ba kwa tsotsone, ba lisetsa go phigisa,* ba thanaka Modimo ba re: “Modimo o makiye gore batho ba ditšhaba ba sokologe gore ba thogo kraya lephelo.”+
19 Byalo, bala ba gore ba palakanne+ ka taba la go hlorisiwa ga Stefano, ba segela le Funišiya, Sipero le Anthiyoko, mara ke mo ba tšhomayelela Majuda fela.+ 20 Mara banna ba bangwana ba go tšwa Sipero le Sayirini ba ya Anthiyoko, ba thomisa go tšhomayelela le batho ba go bolabola Segerika, ba sabalatsa ditaba tsa go bafala ka Morena Jeso. 21 Go tokegela gana hone, Jehova* ke mo a le nabo, batho ba go tlala ba thomisa go dumela ba sokologela ga Morena.+
22 Taba ya bona ya šinya yi segela le phutegong ya Jerusalema, ba roma Bharenabhase+ gore a ye Anthiyoko. 23 Mo a segela, a bona ka mokgo Modimo a ba gelepiyeng, a jabola ka matla a thomisa go ba tiyisa gore ba ye mahlong ba berekela Morena ka dipelo tsa bona ka mokana ga tsona;+ 24 ka gore ke mo go le monna wa go loka, a na le moya wa go hlawolega fote a na le tumelo. Batho ba go tlala ba thomisa go dumela ga Morena.+ 25 A ya Tarasuse a nyakana le Sawulo.+ 26 Mo a mo kraya, a ya naye Anthiyoko. Ba gahlana phutegong ke mokane ba fetsa mongwaga ka mokana ga wona ba tšhutisa mogoba. Ke mo go le la mathomo malata ma bitsiwa Makreste ku Anthiyoko, ka gore Modimo ke yene a ba neyyeng lebitso lone.+
27 Ka matšatši yanane, baporofeta+ ba yye Anthiyoko ba tšwa Jerusalema. 28 Ye mongwana wa bona ye ba reng ke Aghabhase,+ a tlogamela a bolabola nabo a yetetsa ke moya wa go hlawolega, a ba botsa ka tlala ya gore yi nyoko ba gona ho lefaseng ka mokana ga lona, ya gore gabutšibutši yi makegiye ka dinako tsa bo Tlelodiyase.+ 29 Byalo malata ma kwana ka gore ma ka gelepa+ byang gore ma yimulle+ magageru ya ku Judiya; 30 ma maka ka mokgonone, ma di neya Bharenabhase le Sawulo gore ba di yise ga bagolo.+