Tsowa di Hlatolla ke Matewu

21 Mo ba šele ba nyoko kena Jerusalema, ba segela Bhethepage Thabeng ya Diolivi, Jeso a roma malata yage ka mabedi,+ 2 a re ga wona: “Ariyeneng ku ga dimitšane tsela, le ko kraya bhongholo ba yi tlemelele le sebhongholwane. Le di tlemolleneng ke mokane le di leye ho gaka. 3 Mo ye mongwana a ka fo le butsisa, le mmotse gore, ‘Di nyaka ke Morena.’ Motho yene o nyoko napa a le lisetsa le di tseya.”

4 Gabutšibutši tsowa ka mokana ga tsona di makegiye gore go thogo makega tso Modimo a di bolabodiyeng a berekisa moporofeta mo a re: 5 “Botsa morwediya wa Siyoni o re: ‘Bona! Kgoši yago ya tla,+ yi bebiye+ fote yi kalamme bhongholo, eya, sebhongholwane, ngwana wa bhongholo.’”+

6 Byalo malata yane ma tloga, ma ye maka tso Jeso a ma butsiyeng tsona.+ 7 Ma tla le bhongholo yela le sebhongholwane sa yona ke mokane ma beya dikobo tsa wona tsa ka tawong gedimo ga tsona, Jeso a se kalama.+ 8 Ba go tlala ba yatlala dikobo tsa bona pateng,+ ba bangwana ba kupa makala ya mehlare le wona ba ma yatlala. 9 Go tokegela gana hone, batho bo ne ba mo yetiye mahlong, le bo ne ba mo šele nthago ke mo ba yahlamela ba re: “Modimo barena re ya go rapela, phonisa Morwayi wa Dafita!+ Go rufegiye ye a tlang ka lebitso la Jehova!*+ Mo phonise barena, re ya go rapela, wene wa ku malenghelengheng!”+

10 Byalo mo a kena Jerusalema, batho ka mokana ga bona ne ba sa kwisisi, ba butsisana ba re: “Ke mang yenewa?” 11 Megoba ne yi dulele gore: “Ke Jeso wa gore ke moporofeta,+ wa go tšwa Nazareta ya Galeliya!”

12 Jeso a kena tempeleng ke mokane a raka bo ne ba rekisa le bo ne ba reka mone tempeleng, fote a phendulanya ditafola tsa bo ne ba tšhentšhisa tšheleta le dipanka tsa bo ne ba rekisa maliba.+ 13 A re ga bona: “Go ro ngwadiwa gore, ‘Ntlo yaka ba nyoko re ke ntlo ya go rapela ga yona,’+ mara lune le yi makiye lekori la gore ditsotsi di wutama ga lona.”+ 14 Ba go popela maahlo le digole ba tla gage ku tempeleng ke mokane a ba yalafa.

15 Mo maprista ya magolo le bomabhalane ba bona mehlolo yo Jeso a yi makiyeng, fote ba kwa bašomanyana ba yahlamela ka ku tempeleng ba re, “Modimo barena re ya go rapela, phonisa Morwayi wa Dafita!”+ ba thomisa go kwata+ 16 ke mokane ba re gage: “Ayitsano wa ba kwa gore ba re king mara?” Jeso a fetola a re: “Eya. Anthe a le ya bala tso di ngwadiwweng tsa gore, ‘Wene o makiye gore melomo ya bananyana le ya masiya yi go thanake’?”+ 17 Mo a tloga mone, o yye polekeng ya Bhethani ke mokane a yetsela gona.+

18 Ka motshwana wa gona ka bošego mo a boyela Jerusalema, a kwa tlala.+ 19 A bona mohlare wa mogo mo thoko ga pata ke mokane a šutela thina nawo, a kraya wo se na selo go fo ba matlakala,+ a re ga wona: “Go tlugisela gana byalo o sa sa yengwa.”+ Ke mokane mohlare wone wa napa wo puna. 20 Mo malata ma bona tsotsone, ma makala, ma re: “Ke ntaba mohlare wela wa mogo wo yakgoswiye wo puna?”+ 21 Mo Jeso a fetola a re ga bona: “Nnete ke ya le botsa, mo le na le tumelo fote le sa kamake, le nyoko maka tsa go phala tso ke di makiyeng ga mohlare wela wa mago, le mo le ka re ga thaba yowa, ‘Tloga mo o ye kena ku lewatleng,’ di nyoko makega.+ 22 Le dilo ka mokana ga tsona tso le di kgopelang ka thapelo, le nyoko di kraya mo le na le tumelo.”+

23 Mo a šele a kenne ka ku tempeleng, dindhuna tsa maprista le banna ba bagolo ba tla gage mo a kene a tšhutisa, ba re: “Anthe wene o ma kraya kaye matšhika ya go maka dilo tsowa? O ma neyye ke mang matšhika yawa?”+ 24 Mo Jeso a ba fetola, a re ga bona: “Le nna ke nyoko le butsisa selo ka ssoši. Mo le ka mfetola, le nna nko le botsa gore ke neyye ke mang matšhika ya go maka dilo tsowa: 25 Johane wa go kolobetsa o romme ke mang gore a kolobetse batho? O romme ke batho kela o romme ke Modimo?” Ba thomisa go bolabola ba le ntoši, ba re: “Mo re ka re, ‘O romme ke Modimo wa legedimong,’ o nyoko butsisa gore, ‘Byalo ke ntaba le sa dumela gage?’+ 26 Mara mo re ka re, ‘Johane o romme ke batho,’ mogoba wowa wo nyoko kwata ka matla ka taba la gore wo tseya Johane go le moporofeta.” 27 Byalo ba fetola Jeso ba re: “A re tšibi.” Jeso a re ga bona: “Le nna nka sa le botse gore dilo tsowa ke di maka ka matšhika ya mang.

28 “Le nagana ying mara? Ne go na le monna ye mongwana a na le bana ka babedi. A ya ga ka wwoši wa bona, a re, ‘Ngwanaka, ariye o ye bereka ku tšhomong ya didhriva.’ 29 Mo a fetola a re, ‘Nka sa yi,’ mara ka nthago a tisola ke mokane a ya. 30 A ya ga ngwana wa mabedi, le yene a mmotsa tsetsela. Mo a fetola papage a re, ‘Nko yeng Papa,’ mara a sa yi. 31 Ke mang ga bana bowa ka babedi ye a yyeng a maka tso papage a mmutsiyeng tsona?” Ba re: “Ke yela wa mathomo.” Jeso a re ga bona: “Ke le botsa nnete ke re, ba go patedisa mothelo le dinghwahla ba nyoko le tšhanghwela Mmušong wa Modimo. 32 Ka gore Johane o tlile a le šupetsa tsela ya gabutši,* mara la sa mo tshepe. O tshepiye ke ba go patedisa mothelo le dinghwahla+ fote lune le mo le di bona tsotsone, la sa tisole fote la sa mo tshepe.

33 “Wo mongwana mošupetso ke wowa: Ke mo go na le monna ye mongwana wa gore ke mo a na le tšhomo ya didhriva+ fote a yi yagelela ke mokane a maka poleke ya go makela wayini ga yona fote a yaga le poleke ya go yema ga yona mo motho a pasopa tšhomo;+ a šiya tšhomo yela le ba go lima gore ba šale ba yi pasopa, yene a vakaša.+ 34 Mo go segela nako ya go buna, a roma dibereki tsage gore di ye di tseye diyengwa tsage ga bala ba go lima. 35 Byalo, bala ba go lima ba tshwara dibereki tsela, ba teya se sengwana, se sengwana ba se bolaya, se sengwana ba se pora ka matlapa.+ 36 A roma dibereki tse dingwana tsa go feta tsela tsa mathomo, le tsona ba fo di maka ka mokgonola.+ 37 A fetsa a romme morwayi wage, a re, ‘Morwayi waka yene ba nyoko mo hlompa.’ 38 Mo ba mmona, ba kwana ba re, ‘Yewa ke yene mojalefa.+ Tla re mmolayeneng ke mokane lefa lowa go nyoko ba la rune!’ 39 Ba mo tseya ba mo lahlela ka tawong ga tšhomo yone ke mokane ba mmolaya.+ 40 Mo mong wa tšhomo yone a segela, o nyoko ba maka ying mara bo ba go lima?” 41 Ba re gage: “Ka taba la gore ba na le dipelo tse diphifadu, o nyoko fetsa ka bona, a tseya tšhomo yela a yi neya ba bangwana, ba gore ba nyoko mo neya diyengwa mo go segela nako ya go buna.”

42 Jeso a re ga bona: “Anthe a le ya bala ka ho Mangwalong ga gore, ‘Letlapa la gore bommeselane ba le ganne go fetsiye go ba khona ya fandhiši.*+ Le gore letlapa lone le tšwa ga Jehova* fote le ya re makatsa’?+ 43 Nka taba lo ke reng ga lune, ba nyoko le yamoga Mmušo wa Modimo ke mokane ba wo neya setšhaba sa gore se yengwa diyengwa. 44 Le motho ye a nyoko welang mo ga letlapa lowa o nyoko kwalela ka matla.+ Fote ye le mo welang, le nyoko mo šilanya.”+

45 Mo Mafaraseyi le dindhuna tsa maprista ba kwa mošupetso wowa, ba f’lo kwa gore o bolabola ka bona.+ 46 Ne ba nyaka go mo tshwara, mara ke mo ba tšhaba mogoba ka taba la gore ne wo tseya Jeso go le moporofeta.+