Magoši wa Mabedi

20 Ka matšatši yanane, Hezekiya a thomisa go lwala tsela tsa nkare wa kgwa.+ Ke mokane Jesaya wa go porofeta wa gore fote ke morwayi wa Amozi a tla gage a segela a mmotsa gore, “Tsowa ke tso Jehova a di hlayang: ‘Neya ba mutši wago molawo ka taba la gore o ka sa fole ga bolwele byowa; o nyoko kgwa.’”+ 2 Mo a reyane, yene a jika a lebelela lepharo ke mokane a thomisa go rapela Jehova a re: 3 “Barena Jehova ke ya go kgopela, o sa libale ka mokgo ke yyeng ka go berekela nkene ke tshepega fote ke maka ka mokgonone ka pelo yaka yi felegelele, fote ke makiye dilo tsa go loka mahlong gago.”+ Ke mokane Hezekiya a thomisa go lla ka sethaga.

4 Mo Jesaya a soko segela gare ga lapa, Jehova a re gage:+ 5 “Boyela nthago, o segele o botse Hezekiya wa gore o yeta batho baka mahlong gore, ‘Tsowa ke tso Jehova Modimo wa Dafita kokwane wago a di hlayang: “Ke yi kwile thapelo yago. Fote ke di bonne mo o lla.+ Ke nyoko go yalafa.+ Ka letšatši la kararo o nyoko ya ntlong ya Jehova.+ 6 Ke nyoko go yeketsela ka 15 ya mengwaga ya go phela fote ke nyoko go phonisa, ke boye ke phonise mutši wowa ga kgoši ya Asiriya,+ ke nyoko lwela mutši wowa ka taba la lebitso laka le ka taba la lelata laka Dafita.”’”+

7 Ke mokane Jesaya a re: “Leyaneng khekhe ya mago ya gore ba ma womisiye.” Ke mokane ba yi leya ba segela ba tšhela mola sethogong, ke mokane a fola ka gonyana ka gonyana.+

8 Hezekiya a butsisa Jesaya gore: “Ayitsano go na le mošupetso+ wa go šupetsa gore ka nnete Jehova o nyoko mfodisa le gore ka letšatši la kararo ke nyoko ya ntlong ya Jehova?” 9 Jesaya a fetola a re: “Wowa ke mošupetso wa go tšwa ga Jehova wa gore o nyoko go šupetsa gore yene mong Jehova o nyoko di maka byang tso a di hlayyeng: Ayitsano o nyaka gore serithi sowa se leng mo ditepising* se ye mahlong ka lesome la magata kela se boyele nthago ka lesome la magata?”+ 10 Hezekiya a re: “Di lula gore serithi se ye mahlong ka lesome la magata, mara a di lula gore se boyele nthago ka lesome la magata.” 11 Byalo Jesaya wa gore ke moporofeta a yahlamela Jehova, fote Modimo a maka gore serithi sa gore ke mo se šele se thewogiye mone ditepising tsa Ahazi se boyele nthago ka lesome la magata.+

12 Ka nako yonone, kgoši ya Bhabhilona yo ba reng ke Bherodakha-bhaladani morwayi wa Bhaladani a romela marifi le se sengwana sa go neya Hezekiya, ka taba la gore ke mo a di kwelele gore Hezekiya ke mo a lwala.+ 13 Hezekiya a ba yamogela ke mokane a ba šupetsa ntlo yage ka moka ya gore o beya dilo tsa gore o di tseyela gedimo+⁠—a ba šupetsa silva, gholdi, makgura ya bhalesamo, makgura ya mangwana ya go tura, dikobo tsage tsa ntwa le dilo tse dingwana tsa gore ke mo di krayega ga ntlo yage ya gore o beya dilo tsa go tseyediwa gedimo. A go na selo sa gore Hezekiya aa ba šupetsa sona ga ntlo yage le ga dilo tso ke mo a di lawola.

14 Ka nthago ga mone, Jesaya wa go porofeta o yye ga Kgoši Hezekiya a mmutsisa gore: “Banna bowa ba yitseri king, fote ba tšwa kaye?” Ke mokane Hezekiya a re: “Ba tšwa kgole, ba tšwa Bhabhilona.”+ 15 Ke mokane Jesaya a mmutsisa gore: “Ba bonne ying ntlong yago?” Hezekiya a mo fetola a re: “Ba bonne dilo ka moka. A go na selo sa gore a ke ya ba šupetsa sona ga dilo tsaka tsa go tseyediwa gedimo.”

16 Jesaya a re ga Hezekiya: “Theetsela tso Jehova a di hlayang,+ 17 ‘Go tla nako ya gore dilo ka mokana ga tsona tsa gore di ka ntlong yago le ka moka tsa gore bokokwane bago ba di hlekeletsiye di ye Bhabhilona.+ Go ka sa šale selo,’ go hlaya Jehova. 18 ‘Barwayi bago ba bangwana ba nyoko ba tseya+ baa maka gore go be ba go lawola ntlo ya kgoši ya Bhabhilona.’”+

19 Ka taba la tsotsone, Hezekiya a re ga Jesaya: “Tso o di hlayyeng tsa gore di tšwa ga Jehova di gabutši.”+ Fote a re: “Go ka ba gabutši mo go ka beba fote dilo dya sepela gabutši mo go lawola nna.”*+

20 Byalo dilo ka mokana ga tsona tso di makegeleng Hezekiya, ka mokana ga tsona tso a di segeleleng, ka mokgo a makiyeng ledhamo+ le ka mokgo a makiyeng mosela wa meetši gore wo leye meetši mutšing,+ ayitsano a di ya ngwadiwa ga puku ya tso di makegiyeng ka dinako tsa magoši ya Juda? 21 Ke mokane Hezekiya ba mmoloka le bokokwane bage;+ fote morwayi wage Manase+ a ba kgoši sekgaleng sage.+