Magoši wa Mabedi

18 Ka mongwaga wa kararo wa mo go lawola Hošeya+ morwayi wa Ela kgoši ya Israyele, Hezekiya+ morwayi wa Kgoši Ahazi+ wa Juda a ba kgoši. 2 Nakwela a ba kgoši ke mo a na le 25 ya mengwaga, o fetsiye 29 ya mengwaga a lawola Jerusalema. Lebitso la mmane wage ke mo go le Abhi* morwediya wa Zakariya.+ 3 O f’lo ya mahlong a maka dilo tsa go loka mahlong ga Jehova,+ go fo tshwana le ka mokgo kokwane wage Dafita a makiyeng ka gona.+ 4 Ke yene wa go wisa dipoleke tsa kgakala,+ wa go pshyayanya dikholomo tsa go hlawolega, a boya a wisa le phate ya go hlawolega.*+ Fote o pshyayye noga yo Moše a yi makiyeng ka koporo ya gore go segela le lekgono lowa,+ batho ba Israyele ke mo ba yi makela dihlabelo fote ne ba re ke modimo wa sethombhe wa noga ya koporo.* 5 Ke mo a tshepa Jehova+ Modimo wa Israyele; fote ga magoši ka mokana ga wona ya Juda le mong ga magoši ya mathomo a gwa ba le wa go tshwana naye. 6 Ke mo a ngangarele ga Jehova.+ Aa lisetsa go maka tso Modimo a di nyakang; o yye mahlong a theetsela molawo wo Jehova a wo neyyeng Moše. 7 Jehova ke mo a le naye. Mo a yang gona ke mo a maka dilo gabutši. O jikele kgoši ya Asiriya ke mokane a gana go yi berekela.+ 8 A hlula Mafilisita+ ya gore le wona ma Ghaza, fote a hlula le dipoleke tsa yona go thomisa ka sewokamelo go segela ka mutši wa gore wo pasopegiye.*

9 Ka mongwaga wa kanne wa mo go lawola Kgoši Hezekiya, wa gore ke mo go le mongwaga wa kašupa wa mo go lawola Hošeya+ morwayi wa Ela kgoši ya Israyele, Kgoši Šalamanesere wa Asiriya o yye a ye lwa le Samariya fote a thomisa go yi dukulugela.+ 10 A yi hlula+ ka nthago ga kararo ya mengwaga; ke mo go le mongwaga wa kobodi wa mo go lawola Hezekiya, fote go le mongwaga wa nkokwane wa mo go lawola Kgoši Hošeya wa Israyele mo Samariya yi hludiwa. 11 Ke mokane kgoši ya Asiriya ya tseya Maisrayele ya ma yisa bobhantiting+ ku Asiriya ke mokane ya ma beya nageng ya Halaha le Habhore ya gore ne yi le nookeng ya Ghozani le mitšing ya Mamede.+ 12 Tsowa di makegiye ka taba la gore a baa theetsela Jehova Modimo wa bona, ba yye mahlong ba tseyela kwano ya bona fase, le dilo ka mokana ga tsona tso Moše lelata la Jehova le ba butsiyeng tsona.+ A baa di theetsela fote a baa di maka.

13 Ka mongwaga wa bo 14 wa mo go lawola Kgoši Hezekiya, Senakheribho kgoši ya Asiriya+ o yye a ye hlasela mitši ya Juda ya gore yi pasopegiye ka mokana ga yona, fote a yi hlula.+ 14 Byalo, Kgoši Hezekiya wa Juda a romela molayetsa ga kgoši ya Asiriya ku Lakhiši, a re: “Go sinnye nna. Lisetsa tso o di makang, fote nna ke nyoko go neya se sengwana le se sengwana so o se nyakang.” Kgoši ya Asiriya ya ntshisa Kgoši Hezekiya wa Juda 300 ya ditalente* tsa silva le 30 ya ditalente tsa gholdi. 15 Byalo Hezekiya a tseya silva ka mokana ga yona ya gore yi ntlong ya Jehova le ntlong yo kgoši ne yi beya dilo tsa gore yi di tseyela gedimo.+ 16 Ka nako yonone, Hezekiya a tlosa menyako ya tempele+ ya Jehova le diforemo tsa menyako ya gore Kgoši Hezekiya wa Juda ke mo a di kgakgapiye ka gholdi yene mong,+ a di tseya a di neya kgoši ya Asiriya.

17 Byalo, kgoši ya Asiriya ya romela Taratane,* Rabhosarisi,* Rabhašake,* ba na le moririmane wa masole ya go tšwa Lakhiši+ gore ba ye ga Kgoši Hezekiya ku Jerusalema.+ Ba yye Jerusalema ke mokane ba segela ba yema ga mosela wa meetši ya ledhamo la kgakala la gore le pateng ye kgolo ya go ya mo batho ba go bereka go hlatswa dikobo ba berekelang gona.+ 18 Mo ba bitsa kgoši gore yi tšwele ka tawong, Eliyakimi+ morwayi wa Hilikiya wa gore ke mo a lawola ntlo ya kgoši, Šebhna+ wa gore ke mabhalane le Jowa morwayi wa Asafa wa gore ne a ngwala dilo tso di makegiyeng ka letheto ba tšwa ba tla ga bona.

19 Byalo Rabhašake a re ga bona: “Ke kgopela le botseneng Hezekiya gore, ‘Tsowa ke tso kgoši ya go di phala ka moka, kgoši ya Asiriya yi di hlayang, yi re: “O tshepiye ying se segolo?+ 20 Wene o re, ‘Ke na le polane fote ke na le matšhika ya go lwa ka wona,’ mara o fo tihlayela. O tshepiye mang tsa go šinya o kgona le go jikela nna?+ 21 O tshepiye Egepita ya gore yi tshwana le lehlaka la go kunegana,+ la gore mo motho a ka fo le tshwara a re o tithega ka lona le nyoko mo hlaba matsogo yawa. Nka mokgo Faro kgoši ya Egepita a leng ka gona ga batho ka mokana ga bona ba go tithega ka yene. 22 Fote mo o ka re gaka, ‘Re tshepa Jehova Modimo wa rune,’+ anthe a yi yene wa gore Hezekiya o tlusiye dipoleke tsage tsa kgakala le dialetare tsage,+ a kene a re ga Juda le Jerusalema, ‘Di nyaka le kgotamele aletare yo yi leng Jerusalema’?”’+ 23 Byalo, tla re bone gore ke mang ye a ka hlulang gare gago le kgoši morenaka wa Asiriya: Ke nyoko go neya 2 000 ya dipera mo nkare o ko kgona go kraya batho ba go di kalama.+ 24 Le mo Egepita yi ka le neya dikotšikara tsa go tlala le banna ba go kalama dipera, ayitsano le bona nkare le ka hlula le mong ndhuna ka yyoši ya gore a yi na matšhika ga malata ya morenaka? 25 Ayitsano o nagana gore ke f’lo titlela howa Jehova a sa hlaya gore ke tle ke fetse ka poleke yowa? Jehova o mputsiye ka boyene a re, ‘Ariye o ye lwa le naga yela fote o fetse ka yona.’”

26 Ke mokane Eliyakimi morwayi wa Hilikiya, Šebhna+ le Jowa ba re ga Rabhašake:+ “Re kgopela o bolabole le rune malata yago ka Searamo+ ka taba la gore re ya se kwisisa; o sa bolabole le rune ka mmolabolo wa Sejuda ka taba la gore re tšhaba gore batho bo ba duling gedimo ga lepharo ba ka šinya ba re kwa.”+ 27 Mara Rabhašake a re ga bona: “Anthe morenaka o nromme ga lune le ntoši le ga morena wa lune? Anthe molayetsa wo aa wo romela le ga bo ba gore ba duli gedimo ga lepharo, ba gore ba nyoko ja mapapa ya bona ba fetsa ba nwa mošišito wa bona le lune?”

28 Byalo, Rabhašake a tlogamela ke mokane a bolabola a yahlamela ka mmolabolo wa Majuda, a re: “Theetselaneng tso di hlayang ke kgoši ya go di phala ka moka, kgoši ya Asiriya.+ 29 Tsowa ke tso di hlayang ke kgoši, yi re, ‘Le sa lisetsi Hezekiya a le tshokanya, ka taba la gore a ka sa di kgone go le phonisa matsogong yaka.+ 30 Fote le sa lisetsi Hezekiya a maka gore le tshepe Jehova mo a re: “Ka nnete Jehova o nyoko re phonisa, fote a ka sa lisetsi kgoši ya Asiriya yi hlula mutši wowa.”+ 31 Le sa mo theetsele ga Hezekiya ka taba la gore tsowa ke tso di hlayang ke kgoši ya Asiriya, yi re: “Makaneng gore le kwane le nna fote le tineyele, ke mokane ye mongwana le ye mongwana o nyoko ja tsa go tšwa ga modhriva wage le tsa go tšwa ga mogo wage, a boya a nwa meetši ya sedibeng sage, 32 go segela ke tla ke le tseya ke le yisa ga naga ya go tshwana le ya lune,+ ya go ba le mabele le wayini ya nyuwane, le sekgwa le ditšhomo tsa didhriva, mehlare ya diolivi le mamapo. Ke mokane le ka sa kgwe. Le sa lisetsi Hezekiya a le tshokanya a re, ‘Jehova o nyoko re phonisa.’ 33 Ayitsano go na le medimo ya ditšhaba ya gore yi phonisiye naga ya yona ga kgoši ya Asiriya? 34 Yi kaye medimo ya Hamathe+ le Arapadi? Yi kaye medimo ya Sefaravayimo,+ Hena le Iva? Ayitsano yi phonisiye Samariya matsogong yaka?+ 35 Ga medimo ka mokana ga yona ya dinaga tsowa, ke yifeng ya gore yi phonisiye naga ya yona matsogong yaka, gore le šinye le nagana gore Jehova a ka phonisa Jerusalema matsogong yaka”’”+

36 Mara batho ba fo kgomolela ba sa hlaye selo, ka gore kgoši ke mo yi ba butsiye gore, “Le sa mo fetole.”+ 37 Byalo Eliyakimi morwayi wa Hilikiya wa gore ke mo a lawola ntlo ya kgoši, Šebhna wa gore ke mo go le mabhalane le Jowa morwayi wa Asafa wa gore ne a ngwala dilo tsa gore di makegiye ka letheto, ba yye ga Hezekiya ba tlerolannye dikobo tsa bona ba segela ba mmotsa tso di hlayyeng ke Rabhašake.