Magoši wa Mabedi

21 Manase+ ke mo a na le 12 ya mengwaga mo a ba kgoši, fote o fetsiye 55 ya mengwaga a lawola Jerusalema.+ Lebitso la mmane wage ne go le Hefozibha. 2 O makiye dilo tsa gore a dya loka mahlong ga Jehova, a maka dilo tsa go silikisa tsa gore ke mo di maka ke ditšhaba+ tsa gore Jehova o di rakiye mo go segela Maisrayele.+ 3 O yagiye dipoleke tsa kgakala ka bonyuwane tsa gore papage Hezekiya ne a di wisannye,+ a makela Bhaali dialetare, a maka le phate ya go hlawolega*+ ka mokgo Ahaba kgoši ya Israyele a makiyeng ka gona.+ Fote a kgotamela dinanedi tsa magedimong, a boya a ro di berekela.+ 4 Fote o yagele medimo ya matsaka dialetare ku ntlong ya Jehova,+ ya gore Jehova o yitseri ka yona: “Ku Jerusalema ke nyoko beya lebitso laka.”+ 5 Fote a yagela dinanedi ka mokana ga tsona tsa magedimong dialetare,+ a di beya ga malapa ka mabedi ya ku ntlong ya Jehova.+ 6 A fitisa morwayi wage mollong; a maka tsa masalamose, a nyaka go tšiba tsa ku mahlong+ fote a kgeta batho gore ba bereke ka tsa masalamose, a kgeta le ba go bona tsa ku mahlong.+ O makiye dilo tsa go befa ka matla mahlong ga Jehova gore a mo kwatise.

7 O beyye sethombhe sa go betliwa sa phate ya go hlawolega+ ga ntlo ya gore Jehova o butsiye Dafita le morwayi wage Solomoni gore: “Ga ntlo yowa le ku Jerusalema ya gore ke yi hlawodiye ga maloko ka mokana ga wona ya Israyele ke nyoko maka gore lebitso laka le be gona go ya go yye.+ 8 Fote nka sa sa maka gore Maisrayele ma ye tlase le kgakala ga naga ya gore ke yi neyye bokokwane ba bona,+ mo ba ka fo maka dilo ka mokana ga tsona+ tso ke ba butsiyeng tsona le go latelela Molawo wa gore lelata laka Moše le ba butsiye wona.” 9 Mara a baa theetsela, fote Manase o f’lo ya mahlong a maka gore ba keketlele, a boya a maka gore ba sinyele Jehova go phala ditšhaba tso Modimo a di hludiyeng mo Maisrayele ma segela.+

10 Jehova o yye mahlong a bolabola a berekisa malata yage ya gore ke baporofeta,+ a re: 11 “Manase kgoši ya Juda o makiye dilo tsa go silikisa ka mokana ga tsona; o makiye dilo tsa go befa go phala Maamore+ ya ku nthago ka mokana ga wona,+ fote o makiye gore Juda yi sinye ka medimo yowa yage ya go silikisa.* 12 Byalo tsowa ke tso di hlayang ke Jehova Modimo wa Israyele, o re: ‘Ke nyoko maka gore Jerusalema+ le Juda di tlele ke dilo tsa go baba, fote motho ye mongwana le ye mongwana ye a kwang taba yone o nyoko šala a makele.*+ 13 Ke nyoko yahlula Jerusalema+ go tshwana le ka mokgo ke yyeng ka yahlula Samariya,+ fote ke nyoko yi yahlula ka mokgo ke yyeng ka yahlula mutši wa Ahaba,+ ke mokane Jerusalema ke nyoko yi suwela ya šala yi yediye go fo tshwana le mo motho a sula sitša sa motšiti se yela ke mokane a se ribega.+ 14 Bo ba gore ba šele ga batho ba gore ke lefa laka ke nyoko ba jikela,+ ke nyoko lisetsa manaba ya bona ma ba hlula, ba nyoko ba mabhantiti fote manaba ya bona ma nyoko tseya dilo tsa gabutši tso ba nang natso,+ 15 ka taba la gore ba makiye dilo tsa go befa mahlong gaka fote ba f’lo ya mahlong ba nkwatisa go tlugisela nakwela bokokwane ba bona ba tšwa Egepita go segela le lekgono lowa.’”+

16 Fote Manase o falatsiye madi ya go tlala ya batho ba go se na molato Jerusalema ka mokana ga yona,+ mo re sa bale dilo tsa go befa tso a di makiyeng tsa go maka gore Majuda ma make dilo tsa go befa mahlong ga Jehova. 17 Byalo dilo ka mokana ga tsona tso di makegeleng Manase, dilo ka mokana ga tsona tso a di makiyeng le tso a di sinnyeng, ayitsano a dya ngwadiwa ga puku ya gore go ngwadiwa ditaba tsa botala ka magoši ya Juda? 18 Byalo Manase ba mmoloka le bokokwane bage, fote ba mmolokiye tšhomong ya gaye gage ga tšhomo ya Uza;+ ke mokane morwayi wage Amoni a ba kgoši sekgaleng sage.

19 Amoni+ ke mo a na le 22 ya mengwaga mo a ba kgoši, fote o fetsiye mengwaga ka mmedi a lawola Jerusalema.+ Lebitso la mmane wage ke mo go le Mešulemethe morwediya wa Haruzi wa go tšwa Jotebha. 20 O f’lo ya mahlong a maka dilo tsa go befa mahlong ga Jehova go tshwana le papage Manase.+ 21 O yye mahlong a maka dilo tsa gore ke mo di maka ke papage, fote o yye mahlong a berekela medimo ya dithombhe ya go silikisa ya gore papage le yene ke mo a yi berekela a boya a yi kgotamela.+ 22 Byalo o jikele Jehova Modimo wa bokokwane bage, fote aa maka tso Jehova a di nyakang.+ 23 Mafelelong malata ya Amoni ma mo polanela ke mokane ma mmolayela ntlong yage. 24 Mara batho ba naga yone ba bolaya batho ka mokana ga bona ba gore ba jikele Kgoši Amoni, ke mokane ba tseya morwayi wage Josiya ba maka gore go be kgoši sekgaleng sage.+ 25 Byalo dilo ka mokana ga tsona tso di makegeleng Amoni le tso a di makiyeng, ayitsano a dya ngwadiwa ga puku ya tso di makegiyeng ka dinako tsa magoši ya Juda? 26 Byalo ba mmoloka lebitleng lage ga tšhomo ya Uza,+ ke mokane morwayi wage Josiya+ a ba kgoši sekgaleng sage.