Tsowa di Hlatolla ke Matewu
4 Ke mokane moya wa Modimo wa maka gore Jeso a ye mašahleng ke mokane gana hone Diyabolo+ a liketsa go mo phiriketsa.+ 2 Ka nthago ga gore a fetse 40 ya matšatši le 40 ya mašego a tikona tsa go ja, a kwa tlala. 3 Ke mokane Sathane+ a šutela a tl’le mo liketseng, a re gage: “Mo nkare ke wene morwayi wa Modimo, botsa matlapa yawa ma tšhentšhe ma be malofo ya dikgwa.” 4 Mara Jeso a re gage: “Go ngwadiwwe gore: ‘Motho a ka sa phele ka sekgwa fela, mara o nyoko phela le ka lentsu le lengwana le le lengwana lo le tšwang molomong wa Jehova.’”*+
5 Ke mokane Diyabolo a mo tseya a ya naye ga mutši wa go hlawolega,+ a mmeya gedimo ga sewokamelo sa tempele,+ 6 a re gage: “Mo nkare ke wene morwayi wa Modimo, tiwisele fase, ka taba la gore go ngwadiwwe gore: ‘Ka gore o nyoko romela mangeloyi yage gago,’ fote ‘Ma nyoko go kakola ka matsogo ya wona gore loto lago le sa teyi letlapa.’”+ 7 Jeso a re gage: “Go ngwadiwwe fote gore: ‘O sa liketsi Jehova* Modimo wago.’”+
8 Diyabolo a mo tseya fote a mo yisa ga thaba ye nngwana ya go lefa ka mokgwa wa gore a wa tlwayelega, ke mokane a mo šupetsa memmušo ya lefase lowa le go gadima ga yona.+ 9 A re gage: “Dilo tsowa ka mokana ga tsona ke nyoko go neya tsona mo o ka fo nthinyela letolo wa nrapela.” 10 Jeso a re gage: “Tloga ho wene Sathane! Ka taba la gore go ngwadiwwe gore: ‘Ke Jehova* Modimo wago ye o tshwaneleng go mo rapela,+ fote ke yene a ntoši ye o tshwaneleng go mo makela mmereko wa go hlawolega.’”+ 11 Diyabolo a napa a tloga,+ ke mokane mangeloyi ma tla ma thomisa go berekela Jeso.+
12 Mo Jeso a kwelela gore Johane ba mo tshwere,+ a tikela Galeliya.+ 13 Mo a šele a tlugiye Nazareta, a ya a dula Kapernawume+ ga dipoleke tsa Zebhuloni le Nafthali tsa thina le lewatle, 14 gore go makege mantsu ya ma bolabodiyeng ke Jesaya wa go porofeta mo a re: 15 “Wene Galeliya ya ditšhaba, naga ya Zebhuloni le ya Nafthali, tsa gore di pateng ya go ya lewatleng, ka hala mosekola wa nooka ya Jorodane! 16 Batho ba gore ba duli letshwifing ba bonne mo go khanya ka matla fote go yye gwa khanya+ ga bo ba gore ke mo ba duli ga poleke ya gore likgu le ba koramele go tshwana le morithi.”+ 17 Go tlugisela ka nako yonone, Jeso a thomisa go tšhomayela a re: “Sokologaneng, ka taba la gore Mmušo wa magedimo wo šutele.”+
18 Mo Jeso a kene a sepela ka nthoko ga Lewatle la Galeliya, o bonne bobhuti ka babedi, Simoni ye ba reng ke Petro+ le bhuti wage Andreya ba kene ba bošela letabane la bona ka lewatleng, ka taba la gore ke mo ba bereka go loba dihlapi.+ 19 Ke mokane a re ga bona: “Nšaleneng nthago, ke nyoko maka gore le lobe batho.”+ 20 Ba napa ba šiya matabane ya bona gana hone ba mo latelela.+ 21 Mo a tloga gana hone o bonne bobhuti ba bangwana ka babedi, Jakobo morwayi wa Zebediya le bhuti wage Johane.+ Ke mo ba le ka sekepeng le papa bona Zebediya ba kene ba roka matabane ya bona, ke mokane Jeso a ba bitsa.+ 22 Ba napa ba šiya sekepe sone le papa bona ba mo latelela.
23 Ke mokane a sepela Galeliya yela ka mokana ga yona,+ a tšhutisa disinagogeng,+ a tšhomayela ditaba tsa go bafala tsa Mmušo fote a yalafa batho mehlobo ka mokana ga yona ya malwele le mehlobo ka mokana ga yona ya bokoka.+ 24 Taba yone ya tšibega le Siriya ka mokana ga yona, ba leya batho ka mokana ga bona bo ne ba hlupa ke malwele ya mehlobohlobo le dihlabi,+ batho ba go hlupa ke madimona+ le ba go ba le malwele ya go wa,+ le digole, ke mokane a ba yalafa. 25 Sosone sa maka gore batho ba go tlala ba mo šale nthago ba tšwa Galeliya, Dekapolisi, Jerusalema, Judiya le nthoko ye nngwana ya Jorodane.