Dikoronika Tsa Mathomo

29 Byalo Kgoši Dafita a re ga mogoba ka mokana ga wona: “Morwayi waka Solomoni wa gore o kgetiye ke Modimo,+ o sa le ye monyana fote aa soko tšiba dilo,+ mmereko wowa ke wo mogolo ka matla, ka gore a yi tempele ya motho mara ke ya Jehova Modimo.+ 2 Fote ke mo ke karakara ka matla ke lukiselela ntlo ya Modimo waka, ke ntshiye gholdi, silva, koporo, tshipi,+ dikwata,+ matlapa ya go tseyediwa gedimo,* matlapa ya ba nyoko yagang ka wona ba berekisa leraga, matlapa ya dikhalakhala, mohlobo wo mongwana le wo mongwana wa letlapa la go tseyediwa gedimo le matlapa ya go tura ya go tlala ka matla. 3 Go tokegela gana hone, ka taba la gore ke jabodisa ke ntlo ya Modimo waka,+ ke neyela ka dilo tsaka+ tsa gholdi le tsa silva ga ntlo ya Modimo waka, ke yeketsa ga dilo ka moka tsa gore ke di hlekeletsiye ga ntlo ya go hlawolega, 4 gana hone go kena le 3 000 ya ditalente* tsa gholdi tsa go tšwa Ofiri+ le 7 000 ya ditalente tsa silva ya gore ba yi fefiye, gore go kgakgapiwe mapharo ya dintlo, 5 gholdi le silva, fote le mmereko ka mokana ga wona wo wo nyoko makang ke banna ba go bereka ka mapolanka. Byalo ke mang wa gore o fo kwa a nyaka go neya Jehova se sengwana lekgono?”+

6 Byalo dindhuna tsa mitši ya bopapa ba bona, dindhuna tsa maloko ya Israyele, dindhuna tsa dikiti le tsa makgolo+ le dindhuna tsa go maka mebereko ya kgoši+ dya tla di sa tšhofe ke motho. 7 Fote di neyele ka 5 000 ya ditalente tsa gholdi, 10 000 ya didariki,* 10 000 ya ditalente tsa silva, 18 000 ya ditalente tsa koporo le 100 000 ya ditalente tsa tshipi gore go thogo yagiwa ntlo ya Modimo wa mannete. 8 Ye mongwana le ye mongwana wa gore ke mo a na le matlapa ya go tseyediwa gedimo a neyela ka wona ga ntlo ya Jehova, matlapa yane ke mo ma pasopa ke Jehiyele+ wa Leghešone.+ 9 Batho ke mo ba jabodiye ka matla mo ba neyela ka dilo tsowa, ka taba la gore ba di neyye Jehova di tšwa pelong fote ba sa tšhofe ke motho,+ fote le Kgoši Dafita a jabola ka matla.

10 Ke mokane Dafita a thanaka Jehova mahlong ga mogoba ka mokana ga wona. Dafita o yitseri: “Nkare o ka thanakiwa go ya go yye, wene Jehova Modimo wa papa wa rune Israyele. 11 Wene Jehova, ke wene ye mogolo,+ o na le matšhika,+ wa makatsa, wa gadima fote o na le serithi,+ ka taba la gore dilo ka mokana ga tsona magedimong le lefaseng ke tsa gago.+ Mmušo ke wa gago, wene Jehova.+ O maka gore ba go thanake ka taba la gore wene o ka kgakala ga dilo ka mokana ga tsona. 12 O maka gore motho a ghanye fote a gadime,+ fote wene o lawola dilo ka mokana ga tsona,+ letsogo lago le na le matšhika+ fote letsogo lago le kgona go maka dilo tsa go makatsa+ le go neya batho ka mokana ga bona matšhika.+ 13 Gana byalo wene Modimo wa rune, re ya go leboga fote re thanaka lebitso lago la go bafala.

14 “Anthe nna ke ro ba ying fote batho baka go ro ba ying gore di šinye di re tshwanela go maka dihlabelo tsa gore motho o fo kwa a nabela go di maka? Ka gore dilo ka moka di tšwa gago, fote re go neya dilo tsa gore di tšwa gago. 15 Ka taba la gore mahlong gago ke rune batho ba go tšwa ba sepela, fote re tlile gore re tl’le dula howa go fo tshwana le bokokwane ba rune ka mokana ga bona.+ Ka taba la gore matšatši ya rune ho lefaseng ma fo tshwana le morithi+⁠—a re na tshepo. 16 Wene Jehova Modimo wa rune, dilo tsowa ka mokana ga tsona tsa majabajaba tso re di lukiseleleng gore re go yagele ntlo ka tsona gore re thogo hlompa lebitso lago la go hlawolega di tšwa gago, fote ka mokana ga tsona ke tsago. 17 Wene Modimo waka, ke di tšiba gabutši tsa gore o pombhola pelo+ fote o jabodisa ke pelo ya go loka.+ Ke neyela ka dilo tsowa ka mokana ga tsona di tšwa pelong fote ke sa tšhofe ke motho, ke jabodisa ke go bona batho bago bo ba leng howa ba neyela ba sa tšhofe ke motho. 18 Barena Jehova, wene Modimo wa Abhrahama, Isaka le Israyele, ba gore ke bokokwane ba rune, gelepa batho bowa gore ba dule ba nabela go go makela tsa gabutši fote ba go berekele ka dipelo tsa bona ka mokana ga tsona.+ 19 O boye o make gore morwayi waka Solomoni a nabele go go berekela ka pelo yage ka mokana ga yona,+ gore a thogo theetsela tso o mmotsang tsona,+ tso o mo gopotsang tsona le melawo yago, a make dilo tsowa ka mokana ga tsona fote a yage tempele a berekisa dilo tso ke di hlekeletsiyeng.”+

20 Ke mokane Dafita a botsa mogoba ka mokana ga wona gore: “Gana byalo, thanakaneng Jehova Modimo wa lune.” Batho ka mokana ga bona ba thanaka Jehova Modimo wa bokokwane ba bona, ba yinamisa dihlogo, fote ba kgotamela Jehova le kgoši. 21 Ba yye mahlong ba yisa dihlabelo ga Jehova, fote ka letšatši la go latela ba makela Jehova dihlabelo tsa go tšhubiwa,+ 1 000 ya dinamane tsa phoolo, 1 000 ya dinku tsa phoolo, 1 000 ya dinkunyana tsa phoolo le dihlabelo tsa tsona tsa go nwiwa;+ ba neyele ka dihlabelo tsa go tlala ba makela Maisrayele ka mokana ga wona.+ 22 Ba yye mahlong ba ja fote ba nwa mahlong ga Jehova ka letšatši lone ba kene ba jabodiye,+ ba boyelela ba maka gore Solomoni morwayi wa Dafita a be kgoši, fote ba mo tlotsa mahlong ga Jehova gore go be wa go yeta mahlong+ ke mokane ba maka gore Zadoke go be moprista.+ 23 Fote Solomoni a ba kgoši sekgaleng sa papage Dafita, a dula ga setulo sa go lawola sa Jehova,+ o phomelele fote Maisrayele ka mokana ga wona ke mo ma mo theetsela. 24 Dindhuna ka mokana ga tsona,+ masole ya gore ma na le matšhika+ le barwayi ka mokana ga bona ba Kgoši Dafita+ ke mo ba hlompa Kgoši Solomoni. 25 Jehova a maka gore Maisrayele ka mokana ga wona ma hlompe Solomoni ka matla, fote a maka gore a be le serithi sa gore a go na kgoši ya Israyele ya gore yi yye ya ba naso.+

26 Dafita morwayi wa Jese a lawola Israyele ka mokana ga yona, 27 fote o fetsiye 40 ya mengwaga a lawola Israyele. A fetsa kašupa ya mengwaga a lawola ku Hebhrone,+ fote a fetsa 33 ya mengwaga a lawola Jerusalema.+ 28 Dafita ke mo a jabodiye ka taba la gore o phidiye go segela a tsofala ka matla,+ ke mo a na le dilo tsa go tlala fote batho ke mo ba mo hlompa; fote morwayi wage Solomoni a ba kgoši sekgaleng sage.+ 29 Dilo ka mokana ga tsona tso di makegeleng Kgoši Dafita, go tlugisela mathomisong go segela mafelelong, ba di ngwadiye ga dilo tso di ngwadiyeng ke Samuwele wa go hlaya dilo di soko makega, Nathane+ wa go porofeta le Ghada+ wa gore o bona dilo di soko makega, 30 fote ba ngwadiye le ka gore ne a lawola byang, matšhika yage, dilo tso di makegeleng yene le Israyele le memmušo ka mokana ga yona ya gore ke mo yi mo dukulugele.