Genesi

15 Ka nthago Jehova a bolabola le Abhramo ka mmono a re: “O sa tšhabe+ Abhramo. Ke nna legawu lago.+ Ke nyoko go rufa ka matla.”+ 2 Abhramo mo a fetola a re: “Jehova Morena wa Malenghelengheng, o nyoko nneya ying ka gore ke nna ye, a ke na ngwana, dilo tsaka di nyoko kraya ke Eliyazara monna wa go tšwa Damasekhase?”+ 3 Abhramo a tokegela ka gore: “A wa nneya bana+ fote lešaga laka go nyoko ba lona mojalefa.” 4 Jehova mo a mo fetola a re, “Motho yene go ka sa be yene mojalefa, mara morwayi wago ke yene a nyoko bang mojalefa.”+

5 Modimo a botsa Abhramo gore a tšwele ka tawong ke mokane a re: “Ke kgopela o lebelele ku magedimong ke mokane o balele dinanedi mo nkare o ko di kgoneng.” A mmotsa gore: “Le bana* bago ba nyoko fo ba ka mokgonone.”+ 6 Abhramo a napa a dumela ga Jehova,+ fote Modimo a tseya Abhramo a lukiye.+ 7 Modimo a tokegela ka gore: “Ke nna Jehova wa gore o go ntshiye Uri ya Makhaladiya gore ke go neye naga yowa.”+ 8 Byalo Abhramo a re: “Jehova Morena wa Malenghelengheng, ke tšiba ka ying gore o nyoko nneya naga yowa?” 9 Modimo a botsa Abhramo gore: “Nkgetele sethole sa gore se na le kararo ya mengwaga, pudi ya tshadi ya go ba le kararo ya mengwaga, nku ya phoolo ya go ba le kararo ya mengwaga, liba la hlaga le liba la gaye le lenyana.” 10 Byalo Abhramo a tseya dilo tsowa a di kupa ka bogare, a tseya setlopo se sengwana a se beya ka ho ke mokane se sengwana a se beya ka hala mara a sa kupe dinonyane. 11 Ke mokane dinonyane tse dikgolo dya thewoga di tl’le ja ditopo tsone, mara Abhramo ke mo a sa lisetsi go di raka.

12 Mo le šele le nyoko kgwalala, Abhramo a ya ka boroko ke mokane a bona letshwifi la go tshosa. 13 Modimo a re ga Abhramo: “Di tšibe gore ditlogolwane* tsago di nyoko dula nageng ye nngwana go le batho ba go fo tšwa ba sepela, fote o di tšibe gore gana hone ba sa nyoko di maka mabhantiti, go nyoko fela 400 ya mengwaga ba di hlupegisa.+ 14 Mara ke nyoko yahlula setšhaba so ba nyoko bang ba se berekela,+ fote ba nyoko sepela ba na le dilo tsa go tlala.+ 15 O nyoko kgwa o sa hlupe ke selo fote o šele o tsofele; ba nyoko go boloka le bokokwane bago.+ 16 Leloko la kanne la ditlogolwane tsago le nyoko boya howa+ ka taba la gore nako ya gore ke wolole Maamore a yi soko segela.”+

17 Mo letšatši le šele le dikele fote go šele go fifele, gwa nyarela onto* yi tupa muši, mo gare ga ditlopo tsone gwa feta mollo. 18 Jehova a maka kwano+ le Abhramo ka letšatši lone, a re: “Naga yowa ke nyoko yi neya ditlogolwane* tsago,+ go tlugisela ka nooka ya Egepita go segela ka nooka ye kgolo ya Eforate:+ 19 Naga ya Makeni,+ Makenazi, Makadimoni, 20 Mahethe,+ Maperezi,+ Marefayime,+ 21 Maamore, Makanana, Maghirighaše le Majebuse.”+