Makorente wa Mathomo
5 Ke di kwelele gore go na le bonghwahla*+ byo bo makegang mone gare ga lune, bya gore le ditšhaba a di bo make—gore go na le motho wa gore o dula* le mosadi wa papage.+ 2 Di ya le jabodisa tsotsone? Ke ntaba le sa lle+ gore ye a makiyeng dilo tsone a tlusiwe ho ga lune?+ 3 Le mo ke se šiyo, nkene ke na le lune, fote motho ye a makiyeng dilo tsowa ke šele ke mo yahludiye tsa nkare kela ke mo ke na le lune. 4 Mo le kene le gahlanne ka lebitso la Morena wa rune Jeso le ya di tšiba gore ke na le lune le mo nkene ke se šiyo hone, nna wa gore Morena wa rune Jeso o nneye matšhika ya go lawola. 5 Motho yene a yisiwe ga Sathane+ gore mekgwa yage ya go befa yi sa be ka ho phutegong, gore ka letšatši la Morena o sa kraye phutego yi šele yi keketlela ku kgole le tso tsa Modimo.+
6 Le na le magetla wa tšiba fote a di gabutši. Anthe a le di tšibi gore komelo ye nyana yi bidisa folawa ya go dubiwa ka mokana ga yona?+ 7 Di nyaka le lahle komelo ya botala, gore le ko thogo ba folawa ya go dubiwa ya nyuwane gore le sa tikraye le bidiye. Phela Kreste wa gore ke yene sehlabelo+ sa rune sa Paseka ba mmolayye.+ 8 Byalo, mo re maka monyanya wowa,+ tla re sa berekiseneng komelo ya botala ya go tshwanisela go ba le lešidi le go ba le pelo ye phifadu, mara di nyaka re berekiseneng sekgwa sa gore a se na dikomelo sa gore se tshwanisela dilo tsa go loka le tsa gore ke nnete.
9 Ga borifi byaka ke le ngwalele gore le lisetseneng go nghanelana le batho ba go maka bonghwahla.* 10 Mo ke bolabola ka batho ba go maka bonghwahla,* ba go ba le dipawo, dikgohlane kela ba go rapela medimo ya dithombhe, a ke bolabole ka batho ba lefase lowa+ ka mokana ga bona, ka gore tsotsone di ko ba di rela gore le tloge ho lefaseng.+ 11 Mara ke le ngwalela go le botsa gore le lisetse go nghanelana+ le ye mongwana le ye mongwana ye le hlayang gore ke mogageru wa gore o maka bonghwahla,* o na le dipawo,+ o rapela medimo ya dithombhe, wa go sinya batho mabitso, wa go kwana le go tlayila+ kela sekgohlane,+ motho wa mošaga wonone le go ja le sa ji naye. 12 Ke hlupegela ying ke ba nkene ke yahlulana le bo ba leng ka tawong ga phutego? Anthe a le yahlule bo ba leng ka ho phutegong, 13 mo Modimo yene a yahlula ba ka ku tawong?+ “Tlosaneng motho yene wa go sa loka hone gare ga lune.”+