Tsowa di Hlatolla ke Lluka

23 Byalo, mogoba ka mokana ga wona wa tlogamela, wa mo yisa ga Pilato.+ 2 Ke mokane ba thomisa go mo hlayela matsaka+ ba re: “Motho yewa o tshokanya setšhaba sa rune, aa nyake go patela mothelo ga Kesara+ fote o re ke yene Kreste, kgoši.”+ 3 Byalo Pilato a mmutsisa a re: “Ke wene Kgoši ya Majuda?” Jeso a mo fetola a re: “Go hlaya wene tsotsone.”+ 4 Ke mokane Pilato a re ga dindhuna tsa maprista le megoba: “Nna a ke boni morene a na le molato.”+ 5 Mara ba fo gapeletsa ba re: “Dilo tso a di tšhutisang batho ba Judiya, le go tlugisela Galeliya go segela howa, di re bakela mathatha.” 6 Mo Pilato a kwa tsotsone a butsisa gore ayitsano monna yewa ke Legaleliya. 7 Mo Pilato a di bona tsa gore Jeso o tšwa ga poleke ya go lawola ke Heroda,+ a mo yisa ga Heroda wa gore ka nako yonone ke mo a le Jerusalema.

8 Mo Heroda a bona Jeso, a jabola ka matla. Ka taba la gore ke botala a nyaka go mmona, ka gore o kwile tsa go tlala ka yene+ fote ke mo a tshepiye gore o nyoko mmona a maka mehlolo. 9 Byalo a thomisa go mmutsisa diputsiso tsa go sa fele, mara Jeso a sa mo fetole.+ 10 Mara dindhuna tsa maprista le bomabhalane ba ya mahlong ba mo hlayela matsaka ba kene ba kwatiye. 11 Ke mokane Heroda le masole yage ba mo nyemula,+ ba mo poyilanya+ ka go mo yapesa kobo ya mayemo ba mo tewula, ba mmusetsa ga Pilato. 12 Heroda le Pilato ke mo go le manaba, mara ba thomisa go ba banghana ka letšatši lolone.

13 Byalo, Pilato a bitsa dindhuna tsa maprista, ba go lawola le batho ba bangwana 14 a re: “Le tlisiye morenewa mo gaka le re o dhunghanya batho. Ke mo fokisiye ho mahlong ga lune mara a ke ya kraya tso le mo tantetsang ka tsona.+ 15 Heroda o mo leyye ho ga rune ka taba la gore aa kraya selo, fote monna yewa aa maka selo sa gore se ka šinya se maka gore a bolayiwe. 16 Nko fo mo wolola+ ke fetse ke mo lokolle.” 17* ⁠—— 18 Mogoba wa yahlamela wa re: “Bolaya monna yene o re ntshele Bharabhase!”+ 19 (Monna yewa ba mo hlahlele jele ka taba la gore o gelepiye batho mo ba lwisana le mmušo fote ke mo a bolaya.) 20 Pilato a bolabola nabo fote, ka taba la gore ke mo a nyaka go lokolla Jeso.+ 21 Ba thomisa go yahlamela fote ba re: “A kokotediwe! A kokotediwe!”*+ 22 A bolabola nabo fote la kararo a re: “Anthe ke ntaba? O sinnye ying? Nna a ke boni selo sa go ka šinya se maka gore a bolayiwe; ke nyoko fo mo wolola ke fetse ke mo lokolle.” 23 Mo ba kwa tsotsone ba napa ba yahlamela, ba gapeletsa gore a bolayiwe,* Pilato a šinya a lahla tewu.+ 24 Pilato a fetsa ka gore go makege tso ba di nyakang. 25 A lokolla monna ye ba mo nyakang, wa gore ke mo ba mo hlahlele jele ka taba la go lwisana le mmušo fote a bolaya batho, a ba neya Jeso go ya ka mokgo ne ba nyaka ka gona.

26 Byalo mo ba kene ba tšwa naye, ba yemisa Simone wa go tšwa Sayirini a tšwa dimitšaneng, ba mo rwesa phate ya Jeso ya mohlupego* gore a mo šale nthago.+ 27 Mogoba ke mo wo ba šele nthago, gana hone ke mo go na le basadi, ba lla fote ba gotla ka taba lage. 28 Jeso a sokologa a re ga basadi bala: “Lune basadi ba go dula Jerusalema, lisetsaneng go llela nna. Llelaneng lune beng le bana ba lune;+ 29 go nyoko segela nako ya gore batho ba re, ‘Go jabola basadi ba gore a ba na bana, le ba gore a baa belega le ba gore a baa yangwisa!’+ 30 Ba nyoko re ga dithaba, ‘Re weleneng!’ fote ba re ga memmoto, ‘Re kogetseneng!’+ 31 Mo nkare ba maka tsotsone mo mohlare go sa le wo mo tala, go nyoko makega ying mo wo šele wo punne?”

32 Ke mo ba tshwere banna ba bangwana ka babedi ba dikgohlane, le bona ba ya go ba bolayeng.+ 33 Mo ba segela ga poleke yo ba reng ke Bokakara,+ ba mo kokotela phateng, ka ho mathoko gage ke mo go na le dikgohlane tsela ka dipedi, se sengwana se le ga letsogo lage la go ja, se sengwana se le ga letsogo lage la sepata.+ 34 Mara Jeso ke mo a re: “Papa, ba tshwarele ka taba la gore a ba tšibi so ba se makang.” Fote ke mo ba lahla dikgakgare gore ba thogo pomelana dikobo tsage.+ 35 Batho ba fo yema ba mo lebelela. Mara bo ba go lawola ke mo ba mo tewulanya ba re: “Ba bangwana o ba phonisiye, le yene a tiphonise mo nkare ke mo a resa mo a re ke yene Kreste wa Modimo, wa gore o Hlawodiwwe.”+ 36 Le masole ke mo ma mo kwera, ma mo leyela wayini ya go galaka+ 37 ma re: “Mo nkare ke wene Kgoši ya Majuda, tiphonise.” 38 Fote ka ho kgakala ga hlogo yage ke mo ba ngwadiye gore: “Yowa ke Kgoši ya Majuda.”+

39 Sekgohlane se sengwana so ne se le ka ho thoko gage sa thomisa go mo tewulanya+ le sona sa re: “Ke wene Kreste akere? Tiphonise, le rune o re phonise!” 40 Sekgohlane sela se sengwana sa lakatsa sela sa re: “Ayitsano a o sa tšhaba Modimo, ka taba la gore gana byalo ba go yahludiye go tshwana le monna yewa? 41 Rune di re tshwanele gore ba re yahlule ka mokgo ka taba la tso re di makiyeng; mara monna yewa aa sinya selo.” 42 Ke mokane sa re: “Jeso, o sa nlibale mo o kena Mmušong wago.”+ 43 Jeso a re ga sona: “Ke go tshepisa lekgono lo, o nyoko ba le nna Pharadeyising.”+

44 Ka nako yonone ke mo go le gana hala ga 12 ya motshegare,* mara gwa tlema letshwifi, go segela gana hala ga 3 ya ka sethewo,*+ 45 ka taba la gore ke mo go sa khanye; ke mokane legaredheni la poleke ya go hlawolega+ ya tempeleng la tleroga ka bogare.+ 46 Jeso a yahlamela a re: “Papa, lephelo laka ke le beya matsogong yago.”+ Ka nthago ga hone, a kgwa.*+ 47 Mo ye mogolo wa masole a bona tso di makegiyeng, a thomisa go thanaka Modimo a re: “Ka nnete monna yewa ke mo a lukiye.”+ 48 Mo mogoba wo ne wo tlile go bona Jeso mo ba mo kokotela phateng wo bona tso di makegiyeng, wo boyele gaye wo kene wo tikgihla dikguba. 49 Bo ne ba mo latelela ke mo ba yemele ku kgole. Le basadi ba gore ke mo a tšwa nabo Galeliya ke mo ba le gona gana hone, fote ba di bonne tso di makegiyeng.+

50 Byalo, ke mo go na le monna ye mongwana ye ba reng ke Josefa wa mogoba wa Sanhedrini. Morenene ke mo a lukiye ka matla.+ 51 (Monna yewa aa tšhela letsogo ga tso ke mo ba di maka.) Ke mo a tšwa Arimathiya ya Judiya fote ke mo a yemele Mmušo wa Modimo. 52 Monna yewa a ya ga Pilato, a segela a kgopela setopo sa Jeso. 53 A fegolla+ setopo sa Jeso a se tantetsa ka llapi la linene ya gore ke mong yona, a se boloka ka teng ga lebitla la gore ke mo ba le yepiye letlapeng,+ ke mo go soko bolokiwa motho ga lebitla lone. 54 Byalo, ke mo go le letšatši la go lukiselela+ Sabatha+ fote ke mo yi le thina le go thomisa. 55 Mara basadi ba bangwana ba gore ne ba tšwa naye Galeliya, ba mo šala nthago ke mokane ba lebelela ka ku lebitleng, ba nyaka go bona gore ba mmolokiye byang,+ 56 ke mokane ba boyela nthago gore ba ye ba šile dihlare le go maka makgura ya go nkgela. Mara ba khutsa ka Sabatha+ go ya ka molawo.