Jesaya
51 “Ntheetseleneng lune ba go nyaka go maka tsa go loka,
Lune ba go nyakana le Jehova.
Gopola letlapa lo o tšwang ga lona
Le ga mokoti wo ba go yepiyeng ga wona.
2 Gopola papago Abhrahama
O gopole le Sara+ ye a go belegiyeng.
Ka taba la gore Abhrahama ke mo a le ntoši mo ke mmitsa,+
Fote ke mo rufiye ka boya ka maka gore le bana bage ba tlale.+
3 Ka gore Jehova o nyoko kgomoletsa Siyoni.+
Fote o nyoko maka gore dipoleke tsa yona ka mokana ga tsona tso ba di sinnyeng di boyele sekeng,+
Fote yene o nyoko maka gore mašahla yage ma tshwane le Edeni+
Fote poleke yage ya kgwaakgwa yi tshwane le tšhomo ya Jehova.+
Batho ba hone ba nyoko jabola ba boya ba ro hlakela,
Ba nyoko yepelela dikoša tsa go leboga le tsa go natefa.+
4 Lune batho baka, ntheetseleneng,
Fote le lune setšhaba saka, ntheetseleneng.+
Ka taba la gore ke nyoko le neya molawo,+
Fote ke nyoko maka gore ka mokgo ke yahlulang go tshwane le llampa ga batho baka.+
5 Go loka gaka go thina ka matla.+
Fote dipoleke tsa gore di dukulugele ke meetši di nyoko tshepela gaka,+
Ke mokane bona ba nyoko n’yemela gore ke make se sengwana.
6 Lebelelaneng ku magedimong,
Fote le lebelele ho lefaseng.
Ka gore magedimo ma nyoko nyamalala go tshwana le muši;
Lefase le nyoko hlagala go tshwana le kobo,
Fote batho ba go dula ga lona ba nyoko kgwa go tshwana le dithokwane.
7 Ntheetseleneng lune ba go tšiba tsa go loka,
Lune batho ba gore ka ku tengteng le tšiba molawo waka.+
Le sa tshosanye ke batho mo ba le kwera ba gore baka sa phele go ya go yye,
Fote le sa tšhoge mo ba le poyila.
8 Ka taba la gore ba nyoko ja ke phehli go tshwana le mo yi ja dikobo;
Phehli ya go ja dikobo yi nyoko ba ja go tshwana le mo yi ja wulu.+
Mara nna ke nyoko dula ke lukiye go ya go yye,
Fote ke nyoko phonisa maloko ka mokana ga wona.”+
9 Nkare letsogo la Jehova le ka maka se sengwana,+
Eya, nkare le ka maka se sengwana fote la šupetsa matšhika ya lona.
Nkare le ka yemelela go tshwana le dinako tsa ku botala, go tshwana le ka dinako tsela tsa maloko ya ku botala.
Anthe a yi wene ye a pshyayannyeng Rahaba*+ a ba ditlopotlopo,
Ye a hlabiyeng phoolwane ya go tshosa ya lewatleng?+
10 Anthe a yi wene ye a womisiyeng lewatle la go ba le meetši ya go yisa?+
Anthe a yi wene wa gore o budiye pata lewatleng gore bo ba gore o ba lokolliye ba thogo feta?+
11 Bo ba gore Jehova o ba phonisiye ba nyoko boya.+
Ba nyoko jabola ba boya ba ro hlakela,
Fote ba ka sa sa kgongwela kela go kwa go baba.+
12 “Ke nna ke le kgomoletsang.+
Ke ntaba le tšhaba motho wa gore o nyoko kgwa+
Fote ke ntaba le tšhaba morwayi wa motho wa gore o nyoko puna go tshwana le mabyang ya matala?
13 Ke ntaba o libala Jehova wa gore o go makiye,+
Yene wa go phurulla magedimo+ le go maka fandhiši ya lefase?
Fote letšatši ka mokana ga lona ne o dula o tšhugiye o tšhaba ye wa gore wa go gatelela,
Tsa nkare ne a ka kgona go fetsa ka wene.
Ayitsano ye wa go le kgahleletsa o sa na a fufulele?
14 Ye wa gore ba mo tlemelele ka diketane go se botala ba nyoko mo lokolla;+
A ka sa kgwe fote ba ka sa mo yisi mokoting,
Fote a ka sa gayele sekgwa.
15 Mara ke nna Jehova Modimo wago,
Wa go dunghanya lewatle, wa go maka gore maphoto ya lewatle ma kwate ka matla+
—Lebitso lage ke Jehova wa masole.+
16 Ke nyoko maka gore o bolabole mantsu yaka,
Fote ke nyoko go kogela ka morithi wa letsogo laka,+
Gore ke thogo maka magedimo le go yatlala fandhiši ya lefase+
Le go botsa Siyoni gore, ‘Lune ke lune batho baka.’+
17 Tsoga! Tsoga! phafoga, wene Jerusalema,+
Lune ba gore le nwile ga komitši ya Jehova ya gore yi yemela go kwata gage.
Le nwile ga komitši ya wayini;
Le nwile la yi fetsa la šinya le makatsa batho.+
18 A go na morwayi ka wwoši ga barwayi bage ka mokana ga bona wa gore wa mo yetetsa,
Fote a go na morwayi ka wwoši ga barwayi bage ka mokana ga bona wa gore o mo tshwara ka letsogo.
19 Le nyoko makegela ke dilo tsowa ka dipedi.
Ke mang wa gore o nyoko lla le lune?
Le nyoko tlela ke tsa go baba le tsa go le kgahleletsa, fote le nyoko libana le tlala le sabola.+
Ke mang wa gore o nyoko le kgomoletsa?+
20 Barwayi ba lune ba yidibele.+
Ba yetsele ga dikhona ka mokana ga tsona tsa ho dipateng
Go tshwana le diphoolwane ka teng ga letabane.
Ba di bonne mo Jehova a ba kwatele, mo Modimo wago a ba kgala.”
21 Byalo, theetsela dilo tsowa,
Wene mosadi wa gore o kwile go baba fote wa tlayila le mo o sa nwa wayini.
22 Tsowa ke tso di hlayang ke Morena wago Jehova, Modimo wago wa gore o yemelela batho bage, o re:
“Ke nyoko go yamoga komitši ya gore yi maka gore batho ba makale,+
Komitši ya wayini, yona komitši ya gore yi yemela go kwata gaka;
O ka sa sa nwa ga yona fote.+
23 Ke nyoko yi neya bo ba gore ba go hlorisa,+
Bo ba gore ba yitseri gago, ‘Yinama gore re thogo sepela ho gedimo gago!’
Byalo wene o makiye gore mokolo wago wo be sepsyatla go tshwana le mo fase,
O makiye gore wo tshwane le pata gore ba sepele ga yona.”