Jeremiya
10 Lune ba ntlo ya Israyele, theetselaneng tso Jehova a le pasopisiyeng ka tsona. 2 Tsowa ke tso Jehova a di hlayang:
“Le sa tšhuti mekgwa ya ditšhaba tse dingwana,+
Fote le sa hlagasedisi ke mešupetso yo le yi bonang magedimong
Ka taba la gore ditšhaba tse dingwana dya hlagasela.+
3 Ka gore dilo tso di makang ke batho bowa go fo ba nnoto.
Motho wa go bereka ka mapolanka o kupa mohlare ku mašahleng ke mokane a maka modimo wa sethombhe ka wona,
Ke mokane a segela a berekisa dithulusi tsage mo a maka modimonyana yene.+
5 Phela tsa go bolabola a ba di kgone, ba fo titshwanela le semothwane sa go tshosetsa hala mašomong ya dikgabatlela;+
Ba tshwanele ba yi kakole ka taba la gore a yi kgone go tisepelela.+
Le sa yi tšhabe ka taba la gore yi ka sa le kwaletsi,
Fote a yi di kgone go maka dilo tsa gabutši.”+
6 Wene Jehova,+ a go na wa go tshwana nago.
O ye mogolo, fote lebitso lago ke le legolo le šupetsa gore o na le matšhika.
7 Ke mang mara wa gore aa tshwanela go go hlompa wene Kgoši ya ditšhaba,+ phela wene o tshwanela ke go hlompiwa;
Ka taba la gore gare ga batho ka mokana ga bona ba go hlalefa ba ditšhaba le gare ga memmušo ya bona ka mokana ga yona,
Ka nnete a go na motho wa go tshwana nago.+
8 Ka mokana ga bona ba tshwata go nagana fote ke diphokophoko.+
Go theetsela mohlare go fo ba mong nnoto.+
9 Silva ya bona ya gore ba yi tudiye ka hamola gore go be sepsyatla yi tšwa Tharašiši+ ke mokane gholdi ya bona yi tšwa Ufazi,
Tsa gore motho wa go bereka ka lepolanka le ka tshipi wa di tseya ke mokane a kgakgapa modimo yene ka tsona.
Batho ba di yapesa dikobo tsa go ba le gare ye tala sebakabaka le wulu ye phepholo.
Dilo tsowa ka mokana ga tsona di maka ke digele.
10 Mara Jehova ke yene Modimo wa mannete.
Ke Modimo wa go phela+ fote ke Kgoši ya go ya go yye.+
Mara ka taba la gore o kwatiye lefase le nyoko tekateka,+
Fote a go na ditšhaba tsa gore di nyoko loka mo a kwatiye.
11* Tsowa ke tso o tshwaneleng go ba botsa tsona o re:
“Medimo ya gore a ya maka magedimo le lefase
Go nyoko fela ka yona mo lefaseng le ka tlase ga magedimo.”+
12 Ke yene a Makiyeng lefase ka matšhika yage,
Yene wa gore o makiye lefase a berekisa go hlalefa gage+
Fote o phurulliye magedimo ka go kwisisa gage.+
13 Lentsu lage le maka gore
Meetši ya hala magedimong ma dhunghegane,+
Fote o maka gore maru ma yinuge ma tšwa mo lefase le felelang gona.+
O maka gore go be le legadima mo go na pula,
Fote o maka gore go be le moya wa go tšwa ga dipoleke tso a wo beyyeng ga tsona.+
14 Ye mongwana le ye mongwana o maka tsa go tšiba ke yene fote a ba kwisisi.
Ye mongwana le ye mongwana ye a berekang ka tshipi wa gore o maka modimo wa sethombhe o nyoko tšeba;+
Ka taba la gore modimo yene wage wa tshipi ke modimo wa matsaka,
Fote aa phele.+
15 Go fo ba dilo tsa go sa re selo, ke medimo ya gore yi makiye ke batho.+
Mo go segela nako ya gore Modimo a fetse ka tsona, go nyoko fela ka tsona.
16 Mara Modimo wa Jakobo yene aa tshwane le medimo yone,
Ke yene a makiyeng dilo ka mokana ga tsona,
Lefa lage la gore o le tseyela gedimo ke Israyele.+
Lebitso lage ke Jehova wa masole.+
17 Wene mosadi wa go dula ga poleke ya gore yi wutamme,
Hlekeletsa dilo tsago o tloge.
18 Tsowa ke tso Jehova a di hlayang:
“Gana byalo ke raka batho bowa ga naga yowa ka tšhinghi,+
Fote ke nyoko maka gore ba tlele ke dilo tsa go sasamela.”
19 Ke na le senyama ka taba la gore ke wile!+
Mo ke kwaleleng gona a go yalafege.
Fote ke yitseri: “Ka nnete byowa ke bolwele byaka, ke tshwanele go fo tiyisela.
20 Letente laka le wile, dithapo tsa lona ka mokana ga tsona di thasogiye.+
Barwayi baka ba yye fote ba ka sa sa boya.+
A go na ye a šeleng wa gore a ka yemisa letente laka a fetsa a le phurulla.
Nka taba lo ba makiyeng dilo tsa go šupetsa gore a baa hlalefa,
Fote merape ya bona ka moka yi yye ya palakana.”+
22 Theetselaneng! Tsowa ke ditaba tso re di kwileng!
Go tsugiye mmudubudu ka ku ga naga ya ka lebowa,+
Masole ya gona ma ye tla gore ma tl’le maka gore Juda go sa be le batho le gore go šale go dula dijakalase mo mutšing.+
23 Ke di tšiba gabutši barena Jehova, tsa gore motho a yi yene ye a lawolang pata yo a sepelang ga yona.
Mo motho a kene a sepela le yene mong aa di kgone go lawola mo loto lage le gatang gona.+
24 N’wolole wene Jehova go ya ka mokgo o bonang go lukiye,
Mara o sa n’wolole o kwatiye,+ ka taba la gore tsotsone di nyoko maka gore go fele ka nna.+
25 Šupetsa ditšhaba tsa gore a di yi kene yago gore o fufulele+
Le mitši ya gore a yi bitsi lebitso lago.