Diyema
16 Motho o polana tso a nyoko di bolabolang gore a thogo bolabola,
Mara Jehova ke yene a mo gelepang gore a hlaye tsa gabutši.+
2 Dilo ka mokana ga tsona tso motho a di makang o fo bona di lukiye,+
Mara Jehova ke yene a pombholang gore motho yene o tikemisele ying.+
3 Tisamele ka Jehova ga dilo ka mokana ga tsona tso o di makang,+
Ke mokane dipolane tsago di nyoko phomelela.
4 Jehova o berekisa dilo ka mokana ga tsona gore go makege tso yene a di nyakang,
Fote o nyoko maka gore go fele ka bo ba dipelo tse diphifadu.+
5 Ye mongwana le ye mongwana wa go kakola magetla o silikisa Jehova.+
Di tshepe gore o nyoko wolodiwa.
6 Go nyakanana le go ba le nnete di maka gore motho a tshwarediwe ga tso a kekemisiyeng ga tsona,+
Fote motho o lisetsa dilo tsa go befa ka taba la gore o tšhaba Jehova.+
7 Mo Jehova a jabodisa ke tso motho a di makang,
O maka gore manaba ya motho yene ma kwane naye.+
8 Di kawone gore o be le dilo tse dinyana o kene o maka tsa gabutši+
Go phala go ba le dilo tsa go tlala mara o kene o maka tsa go kekema.+
9 Motho o polana tso a nyakang go di maka lephelong lage,
Mara Jehova ke yene a mo yetetsang.+
10 Di nyaka kgoši yi hlaye sepheto so se segeleleng ke Modimo;+
Yi sa tsoge yi yahludiye ka mokgwa wa gore a yi wona.+
11 Dikala tsa go korola di tšwa ga Jehova
Dikala ka mokana ga tsona tsa gore di ka sekhwameng di makiye ke yene.+
12 Magoši ya gabutši a ma kwane le dilo tsa go sa yi ka tsela,+
Ka gore mmušo wa wona wo nyoko tiyelela mo ma lawola gabutši.+
13 Mo batho ba hlaya dilo tsa gabutši magoši maa jabola.
Ma kwana ka matla le motho wa gore o bolabola nnete.+
14 Motho a ka bolayiwa ka taba la go kwata ga kgoši,+
Mara motho wa go hlalefa o liketsa go sa šuhlašuhli kgoši ya gore yi kwatiye.+
15 Mo kgoši yi ka šupetsa motho gore ya mo yamogela, motho yene o nyoko ba le lephelo la go jabodisa;
Go mo yamogela gage go tshwana le liru la gore le nisa pula ka nako ya gona.+
16 Di kawone ka matla gore o nyake go hlalefa go phala go nyaka gholdi!+
Go nyaka go kwisisa go phala go nyaka silva.+
17 Bo ba go loka a ba make dilo tsa go befa.
Ye a pasopang tso a di makang o phonisa lephelo lage.+
18 Motho wa go ba le magetla o nyoko rapogana go baba,
Le wa go tseya nkare yene ke yene di nyoko mo phika.+
19 Di kawone go tinyanafatsa o na le bo ba go loka+
Go phala go pomelana dilo le bo ba go ba le magetla.
20 Motho wa gore o šupetsa ka tso a di makang gore wa kwisisa o nyoko phomelela,
Fote go jabola ye wa gore o tshepele ga Jehova.
21 Batho ba nyoko hlaya gore motho wa gore o hlalefiye o kgona go kwisisa,+
Le motho wa go tšiba go yatlala ditaba, o ka tikraya o šele o yema naye.+
22 Go hlalefa ga motho ke sediba sa go mo phidisa,
Mara diphokophoko di wolola ke bophokophoko bya tsona.
23 Pelo ya wa go hlalefa yi maka gore a tseye dilo gabutši,+
Fote mo a bolabola o ka tikraya o šele o yema naye.
24 Mantsu ya gabutši ma tshwana le mamapo ya go thotha,
Maa tswetswenya fote ma yalafa mašapo.+
25 Go na le pata ya gore motho o yi tseya yi lukiye,
Mara yi fetsa yi mmolayisiye.+
26 Motho o bereka go baba gore a thogo ba le sa go yisa ganong
O makisa ke tlala.+
27 Motho wa go sa re selo o fo tsama a yepolla dilo tsa go sa loka;+
Tso a di bolabolang di tshwana le mollo wa go tlabolela.+
28 Motho wa go polana dilo tsa go sa loka o baka tshele,+
Fote ye wa go sinya batho mabitso o yahluganya banghana ba thina.+
29 Motho wa go kwana le bokgohlane o woka moyagelane wage
Fote o mo yisa pateng ya gore a yi yona.
30 O tšipa lihlo mo a polana dilo tsage tsa go sa loka.
O moma molomo mo a kene a maka dilo tsa go kwaletsana.