Samuwele wa Mathomo

1 Byalo, ke mo go na le monna wa go tšwa Ramathayimo-zofimi*+ ya gore yi polekeng ya dithabeng ya Eforayimi,+ wa gore lebitso lage ke mo go le Elikana+ morwayi wa Jerohamo, morwayi wa Elihu, morwayi wa Tohu, morwayi wa Zufe wa Leeforayimi. 2 Ke mo a na le basadi ka babedi, lebitso la ye mongwana ke mo go le Hanna, la ye mongwana go le Penina. Penina ke mo a na le bana mara Hanna a se na bana. 3 Monna yene ke mo a tloga nageng ya gabo mongwaga wo mongwana le wo mongwana a ye rapeleng le go makela Jehova wa masole dihlabelo ku Šilo.+ Barwayi ba Eli ka babedi Hofni le Fineyase+ ne ba bereka go le maprista ya Jehova gana hone.+

4 Tšatši le lengwana mo Elikana a maka sehlabelo, a ngatha setlopo a se neya mosadi wage Penina, a ngathela le barwayi bage ka moka le barwediya bage,+ 5 mara ga Hanna a mo neya setlopo sa go hlawolega ka taba la gore ke mo a kwana le Hanna ka matla; mara Jehova ke mo a sa mo neya bana.* 6 Go tokegela gana hone, mogaditsong wage ke mo a dula a mo šuhlašuhla a nyaka go mo kwatisa ka taba la gore Jehova ke mo a sa mo neya bana. 7 Ke mo a dula a maka tsotsone mongwaga wo mongwana le wo mongwana; nako ye nngwana le ye nngwana mo Hanna a ya ntlong ya Jehova,+ mogaditsong wage ke mo a dula a mo šuhlašuhla la gore Hanna a šinye a lle fote a sa ji. 8 Mara monnage Elikana a re gage: “O llela ying Hanna? Ke ntaba o sa ji fote ke ntaba o kgongwele?* Anthe a ke phale lesome la barwayi?”

9 Ke mokane Hanna a tlogamela mo ba fetsa go ja le go nwa ku Šilo. Ka nako yonone, Eli wa gore ke moprista ke mo a duli mo ba kenang gona ku tempeleng*+ ya Jehova. 10 Hanna ke mo a kgongwele ka matla, a thomisa go rapela ga Jehova+ fote a lla ka matla. 11 Ke mokane a tshepisa a re: “Wene Jehova wa masole, mo o ka fo bona mohlupego wa lelata lago wa n’gopola, wa sa libale lelata lago wa le neya ngwana wa mošomanyana,+ ke nyoko go neya yene Jehova gore a go berekele lephelo lage ka moka, fote a go na legare lo le nyoko tikisang hlogo yage.”+

12 Hanna o fetsiye nako ya go lefa a rapela Jehova, Eli ke mo a kene a lebelele molomo wage. 13 Hanna ke mo a bolabola ka pelo, ke mo go fo thibila molomo wage mara lentsu lage le sa kwagale. Byalo, Eli ke mo a nagana gore wa tlayila. 14 Eli a re gage: “O nyoko tlayila go segela neng? Lisetsa go nwa wayini.” 15 Mo a reyane, Hanna a re: “Awwa morenaka! Ke kgahleletsegiye ka matla; a ke ya nwa wayini kela mokgete mara ke fo ba ke botsa Jehova dilo ka mokana ga tsona tso di nhlupang.+ 16 O sa tseye nkare lelata lago go fo ba motho wa go sa re selo, ka taba la gore nako yowa ka moka ke mo ke rapela ka tso di nkgahleletsang.” 17 Ke mokane Eli a re: “O sepele gabutši, nkare Modimo wa Israyele a ka go neya tso o mo kgopeleng tsona.”+ 18 Mo a reyane, Hanna a re: “Nkare o ka dula o jabodisa ke lelata lago.” Mosadi yene a tloga a ya a ja fote sefahlego sage sa thomisa go gadimela.

19 Ke mokane ba tsoga go sa le ka phu ba rapela Jehova, ka nthago ga hone ba boyela ntlong ya bona ku Rama.+ Elikana a yetsela le mosadi wage Hanna, fote Jehova a gopola Hanna.+ 20 Hanna a yima a belega ngwana wa mošomanyana go soko fela mongwaga, a mo reya+ gore ke Samuwele* ka taba la gore ke mo a re, “Ke mo kgopele ga Jehova.”

21 Mo nako yi kene yi ya, Elikana a ya le ba mutši wage ka mokana ga bona go ye makela Jehova sehlabelo sa mongwaga le mongwaga+ le go yisa sehlabelo sa tso a di tshepisiyeng. 22 Mara Hanna a sa yi+ ka taba la gore o butsiye monnage gore: “Ke nyoko leya mošomanyana yewa mo ke fetsa go mo lomola; ke nyoko mo neya Jehova ka taba la gore o nyoko dula gana hone go ya go yye.”+ 23 Monnage Elikana a re gage: “Maka so o bonang se lukiye. Dula gaye go segela o mo lomola. Nkare Jehova a ka maka gore tso o di hlayyeng di makege. Byalo, mosadi yene a dula gaye fote a yangwisa ngwana yene go segela a mo lomola.

24 Mo a fetsa go lomola mošomanyana yene a mo yisa Šilo, a yisa le kgomu ya phoolo ya go ba le kararo ya mengwaga, a yisa le ifa* ka yyoši ya folawa, a tseya le jeke ye kgolo ya wayini+ a ya ntlong ya Jehova ku Šilo,+ a ya le mošomanyana yene. 25 Ba bolaya phoolo yone, fote ba yisa mošomanyana yela ga Eli. 26 Hanna a re: “Ke masopo morenaka! Ke ya resa, ke nna mosadi yela wa gore ne ke yemme nago ga poleke yowa ke rapela ga Jehova.+ 27 Ke mo ke rapelela mošomanyana yewa, fote Jehova o nneye tso ke mo kgopeleng tsona.+ 28 Gana byalo, ke mo yadima Jehova. Ka taba la gore o nyoko ba wa Jehova lephelo lage ka moka.”

Ke mokane a* thinyela Jehova letolo gana hone.