Mebereko ya Mapostola
8 Sawulo o dumele gore Stefano a bolayiwe.+
Phutego ya Jerusalema ya hlupegisiwa ka matla go thomisa ka letšatši lolone; batho ka mokana ga bona ba palakana ba ya dimitšaneng tsa Judiya le Samariya,+ gwa fo šala mapostola. 2 Mara batho ba gore ba tineyele ga Modimo ba tseya Stefano ba mmoloka, ba thomisa go mo llela ka matla. 3 Sawulo yene a thomisa go hlasela phutego. A kena mutši ka mutši a ntsha banna le basadi ka tšhinghi, a ba hlahlela jele.+
4 Mara bo ne ba palakanne ba ya dimitšaneng tsone, ba tšhomayela lentsu la Modimo.+ 5 Byalo, Filipi a ya polekeng* ya Samariya,+ a thomisa go tšhutisa batho ba gana hone ka Kreste. 6 Mogoba ka mokana ga wona ke mo wo theetsele tso Filipi a di hlayang fote wa bona le mešupetso yo ne a yi maka. 7 Ba go tlala ke mo ba na le madimona, fote madimona yawa ke mo ma yahlamela mo ma tšwa mone ga bona.+ Go tokegela gana hone, bo ne ba golofele ke mo ba yalafiwa. 8 Batho ba poleke yone ba jabola ka matla.
9 Byalo, mone ga poleke yone ke mo go na le morene mongwana ye ba reng ke Simone, wa gore mo dilo tsone di soko makega ke mo a maka tsa masalamose, a makatsa setšhaba sa Samariya, a timaka yene. 10 Ka mokana ga bona ke mo ba mo theetsele, go tlugisela ka ye monyana go segela ka ye mogolo, ba re: “Morene o na le Matšhika ya magolo ya Modimo.” 11 Ne ba mo theetsela ka taba la gore ne a na le senakonyana a kene a ba makatsa ka masalamose yane yage. 12 Mara mo ba thomisa go dumela ga Filipi, yela wa gore ke mo a sabalatsa ditaba tsa go bafala ka Mmušo wa Modimo+ le ka lebitso la Jeso Kreste, banna le basadi ke mo ba kolobetsiwa.+ 13 Simone le yene a thomisa go dumela, a ya mahlong a na le Filipi+ ka nthago ga gore a kolobetsiwe; fote o makatsiye ke go bona mešupetso le mehlolo ya gore Filipi ke mo a yi maka.
14 Mo mapostola ya Jerusalema ma di kwelela gore batho ba Samariya ba yamogele lentsu la Modimo,+ ma roma Petro le Johane ga bona; 15 Ba ya ba ba rapelela gore ba kraye moya wa go hlawolega.+ 16 Ka gore ke mo ba soko ba nawo, mara ba f’lo kolobetsiwa ka lebitso la Morena Jeso.+ 17 Ba ba beya matsogo,+ ke mokane batho bala ba ba le moya wa go hlawolega.
18 Byalo, mo Simone a bona gore batho ba kraya moya wa go hlawolega, ka gore mapostola ma ba beyye matsogo, a nyaka go neya mapostola yane tšheleta, 19 a re: “Le nna nneyeneng matšhika yawa barena, gore batho bo ke ba beyang matsogo ba be le moya wa go hlawolega.” 20 Mara Petro a re gage: “Nkare o ka kgwa le tšheleta yone yago, ka taba la gore ne o tseya nkare o ka reka dilo tso Modimo a re neyyeng tsona mahala.+ 21 Dilo tsowa a di go nyake ka taba la gore pelo yago a ya tlalela ga tso tsa Modimo. 22 Byalo, sokologa ga dilo tsa go befa tso o di makiyeng, o rapele Jehova* di go baba gore mo di kgonega, a go tshwarele ga tsa go befa tso o di naganang; 23 ka gore o tshwana le tšhefu ya go galaka fote o lelata la tsa go sa loka.” 24 Mo Simone a ba fetola a re: “Lune nrapediseneng ga Jehova* di le baba, gore dilo tso le di hlayang di sa mmakegele.”
25 Mo ba šele ba tšhomayele ga poleke yone ka mokana ga yona fote ba bolabodiye le ka lentsu la Jehova,* ba tloga Samariya ba boyela Jerusalema ba kene ba sabalatsa ditaba tsa go bafala ho dimitšaneng.+
26 Mara, lengeloyi+ la Jehova* la bolabola le Filipi, la re: “Tlogamela o ye ka borwa ga pata ya go tloga Jerusalema yi ya Ghaza.” (Pata yone yi teng ga kgwaakgwaa.) 27 Mo a kwa tsotsone a tlogamela a sepela, mo a kene a sepela a gahlana le Leitopiya la gore ke mo go le ndhuna ya go pasopa lebotha la kgoši ya mosadi ya Maitopiya ya gore ba re ke Khandase, ke mo le tšwa go rapeleng ku Jerusalema,+ 28 mo le boya ke mo le kalamme sekotšikara sa lona, le balela seporofeto sa Jesaya gedimo. 29 Moya wa tlela Filipi wa re: “Ariye ku sekotšikareng.” 30 Filipi a taboga ka ho thoko ga sekotšikara, a le kwa le kene le bala seporofeto sela, a re ga lona: “Ayitsano wa di kwisisa tso o di balang?” 31 La re: “Nko di kwisisa byang go se na motho ye a n’gelepang?” Byalo, la re Filipi a kalame a dule nalo. 32 Tso ne le di bala ga Lengwalo lone ke mo di re: “Ba mo leyye go tshwana le nku mo ba ya go yi bolayeng, fote go fo tshwana le senkunyana sa go tikgomolelela mo ba nyoko se hluba, le yene o f’lo tikgomolelela.+ 33 Nakwela ba mo poyilanya, a baa mo yahlula gabutši.+ Ke mang wa gore o nyoko hlatolla ditaba tsa leloko lage? Ka gore ba mmolayye ho lefaseng.”+
34 Ndhuna yela ya re ga Filipi: “Ke ya go kgopela barena, mpotse, seporofeto sowa se bolabola ka mang? Se bolabola ka ye a ngwadiyeng howa kela ka motho ye mongwana?” 35 Filipi a thomisa go bolabola, fote a thomisa ka lengwalo lone, a mmotsa ditaba tsa go bafala ka Jeso. 36 Mo ba kene ba sepela, ba bona meetši ya go tlala ka ho thoko ga pata, ke mokane ndhuna yela ya re: “Meetši ke yawa, ke šitisa king go kolobetsiwa?” 37* —— 38 Mo a sa reyane, ndhuna yela ya kgopela gore ba yemise sekotšikara sone, ke mokane yona le Filipi ba phologa, ba kena ka ku meetšing ke mokane Filipi a yi kolobetsa. 39 Mo ba tšwa ka ku meetšing, moya wa Jehova* wa tseya Filipi, ndhuna yela ya sa sa mmona mara ya sepela yi kene yi jabodiye. 40 Filipi a tikraya a le Ašidodo, a sepela mone polekeng a kene a tšhomayela ditaba tsa go bafala, le ga dimitšane tsa gana hone ka mokana ga tsona go segela Kesareya.+