Mebereko ya Mapostola

17 Baa bhukulela ka Amfipolisi le Apoloniya ba kena Thesalonika,+ ga gore ke mo go na le sinagoge sa Majuda. 2 Pawulo a maka ka mokgonola a tlwayeleng,+ a kena sinagogeng, ke mokane a fetsa kararo ya disabatha a bolabodisana nabo ka Mangwalo,+ 3 a ba hlatollela le go ba šupetsa tso a nyakolliyeng ga tsona, gore ke mo di le gabutši gore Kreste a hlorisiwe+ fote a tsusiwe ga bo ba kgwileng,+ a re: “Yewa ke yene Kreste, yene Jeso ye ke bolabolang le lune ka yene.” 4 Ka taba la tsotsone, ba bangwana ba dumela fote ba fetsa nako ya go tlala ba na le Pawulo le Silase+ le Magerika ya go tlala ya gore ke mo ma rapela Modimo le basadi ba go tšibega.

5 Mara Majuda ma ba le mona,+ ma gahlanisa banna ba dipelo tse diphifadu ba gore ke mo ba fokatsa ku mmakete, ba maka mogoba gore wo dhunghanye mone polekeng. Ba hlasela mutši wa Jasone ba nyaka gore Pawulo le Silase ba ntshiwe fote ba ba leye ga bona. 6 Mo ba sa ba kraye, ba goganya Jasone le magagabo ya mangwana, ba ba yisa ga ba go lawola poleke yone, ba yahlamela ba re: “Banna bo ba dhunghanyang* lefase, ba gona le gana ho ga rune,+ 7 fote Jasone o ba yamogele gaye gage. Banna bowa ka mokana ga bona ba lwisana le molawo wa Kesara, ba re go na le kgoši ye nngwana yo ba reng ke Jeso.”+ 8 Mo mogoba le ba go lawola poleke yone ba kwa dilo tsowa, ba tšhoga; 9 ka nthago ga mo Jasone le ba bangwana ba ba neyye tšheleta ya gore ba ba lokolle, ba ba lisetsa ba sepela.

10 Bošego byobyone, magageru ma romela Pawulo le Silase Bheriya. Mo ba segela ba ya sinagogeng sa Majuda. 11 Byalo, bo ne ba le Bheriya ne ba hlalefiye ba sa tshwane le ba ku Thesalonika, ka gore ba yamogele lentsu ba šupetsa gore ba le wonngwe fote ba nyakolla Mangwalo gabutši ka moka matšatši, ba nyaka go bona gore dilo tsowa di bolabodiwang ke nnete. 12 Byalo, ba go tlala ba bona ba dumele, gana mone ke mo go na le banna le basadi ba Magerika ba gore ba tumme gabutši. 13 Mara mo Majuda ya ku Thesalonika ma di kwelela gore Pawulo o sabalatsa lentsu la Modimo ku Bheriya, ba tla ba nyaka go kwatisa mogoba le go wo dhunghanya.+ 14 Byalo, magageru ka nako yonone ma tšhabisa Pawulo ka sekepe,+ mara Silase le Thimothi ba šala gana hone. 15 Bo ne ba felegetsa Pawulo ba mo jikela Athene, byalo ka nthago ga gore Pawulo a ba layelele gore ba botse Silase le Thimothi+ gore ba yakgoswe ba tle gage, ba sepela.

16 Mo Pawulo a sa ba yemele ku Athene o yye a kwa di mo silikisa mo a bona gore poleke yone yi tlele ka medimo ya dithombhe. 17 A thomisa go bolabodisana le Majuda ya ku sinagogeng le batho ba bangwana ba gore ke mo ba rapela Modimo, fote a bolabodisana le batho bo ne a ba kraya mmakete ka moka matšatši. 18 Mara Maephikhuri ya mangwana le Mastoyiki ya gore ma tšhutele dilo tsa gore batho ba f’lo tikhandela ma thomisa go phigisana naye, ba bangwana ke mo ba re: “O re king yenewa?” Ba bangwana ba re: “Di šupa nkare o tšhomayela ka medimo ya gore a re yi tšibi.” Ba hlayye tsotsone ka taba la gore ke mo a tšhomayela ditaba tsa go bafala ka Jeso le ka go tsusiwa ga bo ba kgwileng.+ 19 Ba mo tshwara ba mo yisa Areyopaghase, ba re: “Dilo tsa nyuwane tso o re tšhutisang tsona di ra gore king? 20 Ka gore o re botsa dilo tsa gore a re di kwisisi, byalo re nyaka go tšiba gore di ra gore king.” 21 Gabutšibutši, Maathene ka mokana ga wona le ba go tšwa ba sepela ba gore ke mo ba dula* hone, ke mo ba tseya nako ya bona ba sa make selo mara ba bolabola kela ba theetsela dilo tsa nyuwane. 22 Pawulo a yema Areyopaghase+ a re:

“Lune Maathene, ke di bonne gore le tineyele ka matla fote le hlompa medimo yowa go phala batho ba bangwana.+ 23 Mo ke beyisa, nakwela ke feta ke bona dilo tso le di rapelang, ke krayye aletare ye nngwana le yi ngwadiye gore ‘Aletare yowa ke ya Modimo wa gore a re mo Tšibi.’ Byalo, ke nyoko le botsa gore le tšibe so le se rapelang. 24 Modimo ye a makiyeng lefase le dilo ka moka tso di leng ga lona, yene Morena wa legedimo le lefase,+ aa duli ditempeleng tso di makiyeng ke batho;+ 25 aa hloke go gelepa ke batho ka taba la gore aa gayele selo,+ ka gore ke yene a neyang batho dilo ka moka, a boya a maka gore ba wone fote ba phele.+ 26 A maka gore ga motho ka wwoši+ go tšwe setšhaba se sengwana le se sengwana sa batho bo ba dulang ho lefaseng,+ fote ke yene a beyyeng dinako le gore batho ba dule go segela kaye,+ 27 ka taba la gore Modimo o nyaka gore ba mo tšibe fote ba phopholetse gore ba šinye ba mo kraye.+ Gabutšibutši o thina le ye mongwana le ye mongwana wa rune. 28 Re ya phela, re ya sepela fote re gona ka taba lage, le batho ba lune ba go kwana le tsa go reta ba hlayye gore, ‘Ka gore le rune re bana bage.’

29 “Byalo, ka gore le rune re bana ba Modimo,+ re sa nagane gore Modimo a ka tshwana le dithombhe tsa go makiwa ka gholdi, silva kela letlapa, go tshwana le dilo tsa go maka ke batho.+ 30 Ke nnete gore Modimo o ba lefisele pelo bo ba gore ke mo ba sa tšibi selo,+ mara gana byalo o botsa batho go gongwana le go gongwana gore ba sokologe. 31 Ka taba la gore o beyye letšatši la gore o nyoko yahlula+ batho ka moka ba ho lefaseng ka go loka, a berekisa motho ye a mo hlawodiyeng, fote o šihlele taba yone ga batho ka moka ka go mo tsosa ga bo ba kgwileng.”+

32 Mo ba kwa a bolabola ka go tsusiwa ga batho, ba bangwana ba mo kwera,+ ba bangwana ba re: “Tšatšenngwana o ko re hlayisela tse dingwana ka taba yowa.” 33 Pawulo a tloga a ba šiya, 34 mara ba bangwana ba dumela fote ba sepela naye. Gana hone ke mo go na le Dinisiyase, wa gore ke mo a bereka go yahlula ku khota ya Areyopaghase, le mosadi ye ba reng ke Damarisi le ba bangwana.