Jeremiya
20 Byalo, Pašuri wa gore ke moprista wa gore ke morwayi wa Imere wa gore fote ne a wokamela ntlong ya Jehova, ke mo a theetsele mo Jeremiya a porofeta ditaba tsowa. 2 Ke mokane Pašuri a teya Jeremiya* wa gore ke moporofeta ke mokane a mo tšhela setokising+ sa gore ke mo se le ga Gheyiti ya ka Kgakala ya Bhenjamini, ya gore ke mo yi le ntlong ya Jehova. 3 Mara ka letšatši la go latela mo Pašuri a ntsha Jeremiya hala setokising, Jeremiya o yitseri gage:
“Jehova a ka sa sa re lebitso lago ke wene Pašuri, mara o nyoko re ke wene Wa go Dula a Tšhugiye.+ 4 Ka gore tsowa ke tso di hlayang ke Jehova o re, ‘Ke nyoko maka gore wene mong mo o tilebelela o kwe o tšhoga fote le banghana bago mo ba go lebelela ba tšhoge, fote manaba ya bona ma nyoko ba bolaya ka sabola wene o kene o ba lebelele;+ ke mokane ke nyoko maka gore kgoši ya Bhabhilona yi hlasele batho ka mokana ga bona ba Juda ke mokane yi nyoko ba tseya ya ba yisa bobhantiting ku Bhabhilona, ya ba bolaya ka sabola.+ 5 Fote dilo ka mokana ga tsona tsa majabajaba tsa mutši wowa, le dilo tsa wona ka mokana ga tsona tse dingwana le dilo tsa gore ba di tseyela gedimo ka mokana ga tsona le dilo ka mokana ga tsona tsa gore magoši ya Juda ma di tseyela gedimo, ke nyoko maka gore di tseye ke manaba ya bona.+ Ba nyoko ba tseyela tsona, ba ba yamoga tsona ka tšhinghi ba fetsa ba di yisa Bhabhilona.+ 6 Mara wene Pašuri le batho ka mokana ga bona ba go dula ga ntlo yago, le nyoko ya bobhantiting. Le nyoko ya Bhabhilona la segela le kgwela gona, fote wene le banghana bago ka mokana ga bona ba nyoko le bolokela gana hone, ka taba la gore wene o ba butsiye diporofeto tsa matsaka.’”+
7 O mmakatsiye wene Jehova, wa tšiba ka šala ke makele.
O šupetsiye gore o na le matšhika ya go phala yaka, fote o nawo.+
Fote letšatši le lengwana le le lengwana batho baa ntshega;
Ye mongwana le ye mongwana wa nkwera.+
8 Ka taba la gore ka moka nako mo ke bolabola, di nyaka ke ro yahlamela ke re,
“Bokgohlane le go sinyanya!”
Phela nna lebitso la Jehova le makiye gore ba nrogelelanye ba boye ba nkweranye letšatši ka moka.+
9 Byalo ke yitseri: “Nka sa sa bolabola ka yene,
Fote nka sa sa bolabola ka lebitso lage.”+
Mara ka ku tengteng lentsu lage le ntšhuba nkare ke mollo fote ke kwa nkare go na le mollo ka ku tengteng ga mašapo,
Fote ne ke sa sa kgona le go kgomolela;
Ne ke sa sa kgona le go titshwara.+
10 Ka gore ke kwile mabarebare ya go sa loka;
Ne ke tšhugiye ka matla.+
“Mo sinyeneng lebitso; tla re mo sinyeneng lebitso!”
Motho ye mongwana le ye mongwana wa gore o nnyakela tsa gabutši o yemele gore ke phikege,+ o re:
“Nakwenngwana a ka maka selo sa bophokophoko,
Ke mokane rune ra mo tshwara, ra busetsa.”
11 Mara Jehova ne a na le nna go tshwana le lesole la go ba le matšhika.+
Tsotsone di nyoko maka gore bo ba nhlorisang ba phikege fote ba sa phomelele.+
Ba nyoko tšeba ka matla, ka gore ba ka sa phomelele.
Ba nyoko tšeba go ya go yye fote ba ka sa ro libala.+
12 Mara wene Jehova wa masole, o nyakolla dipelo tsa bo ba go loka;
O kgona go bona so motho a se naganang le so se leng ka ku tengteng ga pelo.+
13 Yepelelaneng Jehova! Thanakaneng Jehova!
Ka taba la gore o phonisiye ye wa go tihlupegela ga bo ba gore ba maka tsa go befa.
14 Ke nyenya letšatši lo ke belegiwweng ka lona!
Nkare mmane nke a sa mpelega!+
15 Nkare motho ye a butsiyeng papa ditaba tsa go bafala a maka gore a jabole ka matla a re:
“Ba go belegele ngwana wa mošomanyana!”
A ka tlela ke senyama.
16 Nkare motho yene a ka tshwana le mitši yo Jehova a yyeng a fetsa ka yona fote a sa tisole gore o fetsiye ka yona.
Nkare ka bošego a ka kwa batho ba go lla ba nyaka go gelepiwa fote nkare motshegare a ka kwa modumo wa ntwa.
17 Ke ntaba a sa mpolaya ke sa le ka mpeng,
Gore mmane waka go thogo ba yene lebitla laka
Le gore a thogo dula a yimme?+
18 Anthe ke ntaba ke tšwile ka mpeng
Gore ke tle ke bone dilo tsa go sasamela le tsa go kwisa go baba,
Le gore fote ke kgwe ke tšebiye?+