Tsa go ya ga Maroma

14 Le yamogeleneng motho wa gore tumelo yage a ya tiya,+ fote le sa yahlule bo ba gore a ba nagane go tshwana le lune.* 2 Motho wa gore o na le tumelo o ja tsa go ja tsa mehlobohlobo mara wa tumelo ya gore ya tekateka o fo ja merogo fela. 3 Ye a jang tsa go ja tsa mehlobohlobo a sa mo tseyele fase ga ye wa gore aa di ji, le yene ye wa gore aa ji tsa go ja+ tsa mehlobohlobo a sa yahlule ye wa gore wa di ja ka taba la gore Modimo o mo yamogele. 4 O ying wene mo o šinya o yahlula lelata la motho ye mongwana?+ Ke mong wage ye a nyoko kgetang gore o maka tsona kela aa make tsona,+ o nyoko phomelela mo a gelepa ke Jehova.*

5 Batho ba bangwana ba re go na le letšatši la gore le phala ya mangwana,+ ba bangwana ba dumela gore ka mokana ga wona maa tshwana,+ ye mongwana le ye mongwana a tshepe gore so a se dumelang ke sona. 6 Ye wa gore go na le letšatši la go phala ya mangwana o maka ka mokgonone gore a thogo hlompa Jehova,* ye a jang tsa go ja tsowa ka mokana ga tsona o hlompa Jehova* ka taba la gore o mo leboga+ gore o mo neyye tsa go ja tsone, le ye wa gore aa ji o hlompa Jehova* fote wa mo leboga.+ 7 Aa šiyo wa gore o fo tiphilela yene beng+ fote aa šiyo wa gore o fo tikgwela. 8 Mo re phela, re phelela Jehova,*+ le mo re kgwa, re kgwela Jehova,* byalo mo re phela le mo re kgwa re ba Jehova.*+ 9 Ke tsona di makiyeng gore Kreste a kgwe a boye a tsoge gore go be Morena wa bo ba phelang le bo ba gore ba kgwile.+

10 Ke ntaba o yahlula wa genu?+ Fote ke ntaba o mo tseyela fase? Ka gore ka mokana ga rune re nyoko yema mahlong ga setulo sa Modimo sa go yahlula.+ 11 Ka taba la gore go ngwadiwwe gore: “‘Solanka ke sa phela,’+ go bolabola Jehova,* motho ye mongwana le ye mongwana o nyoko n’kgotamela fote ye mongwana le ye mongwana o nyoko di tšiba gore ke nna Modimo.”+ 12 Byalo, ye mongwana le ye mongwana o tshwanele a tifetolele ga Modimo.+

13 Byalo, tla re sa sa yahlulana,+ mara re bone gore a re make selo sa gore se ka šepisa tumelo ya mogageru kela sa mo phiriketsa.+ 14 Ke ya dumela ga Morena Jeso gore a go na selo sa gore se thilafele+ mara mo motho a nagana gore selo se thilafele di nyoko ba di se gabutši mo a ka se ja. 15 Mo o fo ja tsa go ja tsa gore wa di tšiba gore di kwatisa mogageru di ra gore a wo mo nyake,+ Kreste o mo kgwele, byalo o sa make gore tumelo yage yi kgwe ka taba la tsa go ja tso o di jang.+ 16 O sa make tso o naganang gore di lukiye mara di kene di maka gore ba bangwana ba sa bolabole gabutši ka wene. 17 Gore motho a kene Mmušong wa Modimo di ka sa yi ka gore o ja ying kela o nwa ying,+ mara o tshwanele a loke, a bebe fote a jabolele gore moya wa go hlawolega wa mo gelepa. 18 Ka gore ye a berekelang Kreste ka mokgonone, Modimo wa mo yamogela fote le batho baa mo yamogela.

19 Byalo di nyaka re liketse go maka dilo tsa gore re dule re kwana+ le gore re tiyisane.+ 20 Le sa sinyi mmereko wa Modimo ka taba la tsa go ja,+ ke nnete gore re ja tsa go ja ka mokana ga tsona mara a di gabutši go ja selo sa gore ye mongwana a se mo tshware gabutši.+ 21 Di kawone gore o sa ji nama kela wa nwa mokgete kela wa maka selo sa gore se ka phiriketsa mogagenu.+ 22 Tso o di dumelang ke tsago le Modimo. O nyoko jabola mo lekwalo lago le sa go kokone ka taba la gore o dumela gore so o se makang ke sona. 23 Mara mo motho a kamaka ka so a se jang o nyoko ba le molato mo a ka fo se ja, ka gore tso a di makang a di šupetse gore o na le tumelo. Re ko ba re sinya mo re maka selo se sengwana le se sengwana re se na tumelo.