Samuwele wa Mathomo

31 Byalo, Mafilisita ke mo ma lwa le Maisrayele.+ Banna ba Maisrayele ba tšhaba, fote ba go tlala ba kgwele thabeng ya Ghilibhowa.+ 2 Mafilisita ma lelekisa Sawulo le barwayi bage, mo ma šutela ga bona, ma bolaya Jonathane,+ Abhinadabo le Malekhi-šuwa ba gore ke barwayi ba Sawulo.+ 3 Sawulo ke mo di šele di mmoyela hala ntweng, bo ba go berekisa mosefo ba mo kraya, ke mokane ba mo kwaletsa ka matla.+ 4 Sawulo a botsa yela wa go rwala dilo tsage tsa go lwa ka tsona gore: “Ntsha sabola yago o mpolaye ka yona, gore banna bo ba gore a baa bollwa+ ba sa tle ba mmaka lešidi ba mpolaya.” Mara yela wa go rwala dilo tsage tsa go lwa ka tsona ke mo a sa nyake, ka taba la gore ke mo a tšhaba. Byalo, Sawulo a tseya sabola a wela gedimo ga yona.+ 5 Mo yela wa go rwala dilo tsage tsa go lwa ka tsona a di bona gore Sawulo o kgwile,+ le yene a wela gedimo ga sabola yage a kgwa naye. 6 Byalo Sawulo, barwayi bage kararo ya bona, yela wa go tshwara dilo tsage tsa go lwa ka tsona le banna bo ne a sepela nabo ka moka, ba kgwile ggoši ka letšatši lolone.+ 7 Mo batho ba Israyele bo ne ba le moyeding le ba gore ne ba le nageng ya gore yi thina le Jorodane ba di bona gore Maisrayele ma tšhabiye le gore Sawulo le barwayi bage ba kgwile, ba thomisa go tloga mone mitšing ba tšhaba;+ Mafilisita ma tla ma dula gana hone.

8 Ka motshwana wa gona, mo Mafilisita ma tl’le tseya dilo tsa batho bo ne ba kgwile, ma krayye Sawulo le barwayi bage kararo ya bona ba kgwile mone Thabeng ya Ghilibhowa.+ 9 Byalo, ba kupa hlogo yage ba tseya le dilo tsage tsa go lwa ka tsona, ba romela molayetsa nageng ya Mafilisita gore ditaba tsowa ba di botse+ bo ne ba le dintlong tsa medimonyana ya bona+ le batho ba bangwana. 10 Ke mokane ba tseya dilo tsage tsa go lwa ka tsona ba di beya ntlong ya medimonyana ya Ašitorethe, setopo sage ba se tlemelela lepharong la Bhethe-šane.+ 11 Mo batho ba go dula Jabheše-ghiliyade+ ba kwelela tso Mafilisita ma di makiyeng Sawulo, 12 masole ka mokana ga wona ma tloga ma sepela bošego ka moka, ma ya ma tseya setopo sa Sawulo le ditopo tsa barwayi bage ku lepharong la Bhethe-šane. Ma boyela Jabheše, ma ya ma di tšhuba gona. 13 Ma tseya mašapo ya bona+ ma ma fatela ka tlase ga mohlare wa thamariski* ku Jabheše,+ ma fetsa kašupa ya matšatši ma tikona tsa go ja.