Magoši wa Mabedi

23 Byalo kgoši ya romela molayetsa wa gore ba bitse banna ba bagolo ka mokana ga bona ba Juda le ba Jerusalema.+ 2 Ka nthago ga mone kgoši ya ya ntlong ya Jehova yi na le banna ba Juda ka mokana ga bona le batho ka mokana ga bona ba Jerusalema, le maprista le baporofeta⁠—batho ka mokana ga bona go tlugisela ka ba banyana go segela ka ba bagolo. Ya ba balela mantsu ka mokana ga wona ya puku+ ya go kwanisanya+ ya gore ba yi krayye ntlong ya Jehova.+ 3 Kgoši ya yema thina le kholomo ke mokane ya maka kwano mahlong ga Jehova gore yi nyaka go theetsela Jehova,+ melawo yage, tso a yi gopotsang tsona le tso a yi botsang tsona ka pelo ya yona ka moka le ka lephelo* la yona ka moka ka go maka tso di hlayang ke mantsu ya ma leng ga puku ya go kwanisanya. Fote batho ka mokana ga bona ba yema le kwano yone.+

4 Byalo kgoši ya botsa Hilikiya+ wa gore ke moprista ye mogolo, maprista ya mangwana le bomatšinghelane ba gheyiting gore ba leye dilo ka mokana ga tsona tso di leng tempeleng ya Jehova tsa gore ba di makele Bhaali, tsa gore ba di makele phate ya go hlawolega*+ fote ba di makele le dinanedi ka mokana ga tsona tsa ku magedimong. Ke mokane a di tšhuba ka tawong ga Jerusalema moyeding wa Kidirone, ke mokane a tseya luta la tsona a le yisa Bhethele.+ 5 Byalo a raka maprista ya medimo ya matsaka ya gore ke mo ma kgetiye ke magoši ya Juda gore ma tupise muši wa dihlabelo ku dipolekeng tsa kgakala mitšing ya Juda le dipolekeng tsa go dukulugela Jerusalema, le bo ba go tupisa muši wa dihlabelo ba makela Bhaali, letšatši, ngwedi, ditšhotšho tsa dinanedi le dinanedi ka mokana ga tsona tsa ku magedimong.+ 6 A tseya phate ya go hlawolega*+ yo ne yi le ntlong ya Jehova a yi yisa ka tawong ga Jerusalema Moyeding wa Kidirone, ke mokane a yi tšhuba+ Moyeding wa Kidirone gwa šala go le lerole ke mokane a tseya lerole lone a le gašanya mabitleng ya batho ba gore go fo ba nje.+ 7 Fote a wisanya dintlo tsa banna ba go rekisa mmele+ tempeleng tsa gore ke mo di le ntlong ya Jehova le ga dipoleke tsa gore basadi ke mo ba logela gona matente ya phate ya go hlawolega.*

8 Byalo a ntsha maprista ka mokana ga wona ga mitši ya Juda, fote a thilafatsa dipoleke tsa kgakala tsa gore maprista ke mo ma tupisa muši wa dihlabelo ga tsona, go tlugisela Ghebha+ go segela Bhere-šeba.+ A wisa le dipoleke tsa kgakala tsa gore ke mo di le mo go keniwang gona ku digheyiting tsa ndhuna ya mutši yo ba reng ke Jošuwa, ga gore ke mo go le ka letsogong la sepata mo o kena mone gheyiting ya mutši. 9 Maprista ya go bereka ga dipoleke tsa kgakala ne ma sa bereke ga aletare ya Jehova ku Jerusalema,+ mara ma jile sekgwa sa gore a se na dikomelo le bobhuti ba bona. 10 Fote a thilafatsa poleke yo ne ba rapela ga yona yo ba reng ke Tofethe,+ ya gore yi Moyeding wa Barwayi ba Hinomo,*+ gore go sa be le motho ye a fitisang morwayi kela morwediya wage mollong a makela modimo wa Mmoleke.+ 11 Fote a maka gore dipera tso kgoši ya Juda ne yi neyele ka tsona gore ba di berekise mo ba rapela letšatši di sa kene ntlong ya Jehova di bhukulela kamareng ya go jela ya Nathane-meleke wa gore ke wa go bereka ntlong ya kgoši, ya gore ke mo yi le thina le lefranta; ke mokane a tšhuba dikotšikara tso ne ba neyele ka tsona ga letšatši.+ 12 Fote kgoši ya wisa dialetare tsa gore kgoši ya Juda ke mo yi di makiye ka gedimo ga ntlo+ ya Ahazi, le dialetare tsa gore Manase ke mo a di makiye ga malapa ka mabedi ya ntlong ya Jehova.+ A di wisanya a boya a gašanya lerole la tsona ku Moyeding wa Kidirone. 13 Fote kgoši ya thilafatsa dipoleke tsa kgakala tso ne ba rapela ga tsona tsa gore ke mo di le mahlong ga Jerusalema, tsa gore fote ke mo di le ka borwa bya Thaba ya go Sinyanya, ya gore mone ga yona Kgoši Solomoni wa Israyele ke mo a yagele modimo wa go silikisa wa mosadi ye ba reng ke Ašitorethe wa Masidoni; le modimo wa go silikisa wa Mamowaba ye ba reng ke Khemoši; le modimo wa go silikisa wa Maamoni+ ye ba reng ke Milikomo.+ 14 A wisanya dikholomo tsa go hlawolega+ gwa šala go le ditlopotlopo, a boya a kupa le diphate tsa go hlawolega* ke mokane a tlatsa poleke ya bona ka mašapo ya batho. 15 A wisa aletare ya Bhethele, poleke ya kgakala ya gore yi makiye ke Jerobhowamo morwayi wa Nebhathe, ya gore yi makiye gore Maisrayele ma sinye.+ Ka nthago ga go wisa aletare yone le poleke ya kgakala, a tšhuba poleke yone ya kgakala gwa šala go le lerole, ke mokane a tšhuba le phate ya go hlawolega.*+

16 Mo Josiya a jika, a bona mabitla ku thabeng ke mokane a tseya mašapo yane a ma tšhuba aletareng, a thilafatsa poleke yone ya go rapela ga yona go ya ka tso Jehova a di hlayyeng a berekisa lelata la Modimo wa mannete la gore le porofitiye gore dilo tsowa di nyoko makega.+ 17 Ke mokane a re: “Ke la mang lebitla lela hala la gore ke le lebelele?” Mo ba kwa tsotsone, banna ba hone mutšing ba re: “Lebitla lela ke la lelata la Modimo wa mannete la go tšwa Juda+ la gore le porofetiye ka dilo tso o di makiyeng ku aletareng ya Bhethele.” 18 A re ga bona: “Go sa be le motho ye a tikisang mašapo yage. Le fo ma lisetsa ka mokgo ma leng.” Byalo ba šiya mašapo yage ba sa ma tikisa, le mašapo ya moporofeta wa gore ne a tšwa Samariya.+

19 Josiya a tlosa dintlo tsa go rapela ga tsona ku ga dipoleke tsa kgakala tsa gore ke mo di le mitšing ya Samariya,+ tsa gore magoši ya Israyele ke mo ma di yagiye gore ma kwatise Modimo, o makiye ka mokgonone go tshwana le ka mokgo a makiyeng ka gona ku Bhethele.+ 20 Byalo a maka dihlabelo mone dialetareng ka maprista ka mokana ga wona ya dipolekeng tsa kgakala, ke mokane a tšhuba mašapo ya batho hone ga tsona.+ Ka nthago a boyela Jerusalema.

21 Byalo, kgoši ya re ga batho ka mokana ga bona: “Makelaneng Jehova Modimo wa lune Paseka+ go ya ka mokgo go ngwadiwweng ka gona ga puku ya go kwanisanya.”+ 22 A go na Paseka ya go tshwana le yowa ya gore yi yye ya ba gona go tlugisela ka nako yela Israyele go sa na le batho ba go yahlula kela ka dinako tsa magoši ka mokana ga wona ya Israyele le ya Juda.+ 23 Mara ka mongwaga wa bo 18 wa mo go lawola Kgoši Josiya, Paseka yowa ya Jehova ba yi makele Jerusalema.

24 Fote Josiya a tlosa ba masalamose, ba go bona tsa ku mahlong,+ medimo ya dithombhe,*+ medimo ya dithombhe ya go silikisa* le dilo ka mokana ga tsona tsa go silikisa tsa gore ne di le Juda le ku Jerusalema, gore go thogo makega tso di hlayyeng ke Molawo+ wa gore wo ngwadiwwe ga puku ya gore Hilikiya wa moprista o yi krayye ntlong ya Jehova.+ 25 A go na kgoši ya go tshwana naye ga tsa ku nthago ya gore yi boyele ga Jehova ka pelo ya yona ka moka, ka lephelo*+ la yona ka moka le ka matšhika ya yona ka moka, go ya ka mokgo Molawo wa Moše wo hlayyeng ka gona; fote a gwa ba le motho wa go tshwana naye ka nthago gage.

26 Mara Jehova aa lisetsa go kwatela Juda ka taba la dilo ka mokana ga tsona tso Manase a di makiyeng gore a mo kwatise.+ 27 Jehova o yitseri: “Ke nyoko tlosa Juda mahlong gaka+ go fo tshwana le mo ke tlusiye Israyele;+ ke nyoko jikela mutši wa Jerusalema wo ke wo hlawodiyeng, ka boya ka jikela le ntlo ya gore ke yitseri ka yona, ‘Lebitso laka le nyoko ba gana hone.’”+

28 Byalo dilo ka mokana ga tsona tso di makegeleng Josiya le dilo ka mokana ga tsona tso a di makiyeng, ayitsano a dya ngwadiwa ga puku ya tso di makegiyeng ka dinako tsa magoši ya Juda? 29 Ka dinako tsage, Faro Nekho wa gore ke kgoši ya Egepita o yye a ye gahlana le kgoši ya Asiriya ku Nookeng ya Eforate, fote Kgoši Josiya a ya a ye lwa naye; mara mo Nekho a mmona a mmolayela ku Meghido.+ 30 Byalo, malata yage ma rwala setopo sage ka sekotšikara ku Meghido, ma ya naso Jerusalema ma segela ma mmoloka lebitleng lage. Ke mokane batho ba naga yone ba tseya morwayi wa Josiya ye ba reng ke Jehowahazi ba mo tlotsa ke mokane ba maka gore a be kgoši sekgaleng sa papage.+

31 Jehowahazi+ ke mo a na le 23 ya mengwaga mo a ba kgoši, o fetsiye kararo ya dikgwedi a lawola Jerusalema. Lebitso la mmane wage ne go le Hamutale+ morwediya wa Jeremiya wa go tšwa Libhna. 32 A thomisa go maka dilo tsa go befa mahlong ga Jehova, a maka dilo ka mokana ga tsona tso bokokwane bage ba di makiyeng.+ 33 Faro Nekho+ a mo hlahlela jele ku Ribhla+ nageng ya Hamathe, o makiye tsotsone gore a sa lawole Jerusalema ke mokane a patedisa mutši 100 ya ditalente* tsa silva le talente ka yyoši ya gholdi.+ 34 Go tokegela gana hone, Faro Nekho o makiye gore Eliyakimi morwayi wa Josiya go be kgoši sekgaleng sa papage, ke mokane a tšhentšha lebitso lage gore go be Jehoyakimi; mara a tseya Jehowahazi a mo yisa Egepita+ ga gore o kgwele gona.+ 35 Jehoyakimi a tseya silva le gholdi a di neya Faro ke mokane a re batho ba mone nageng ba ntshe mothelo gore a thogo neya Faro wa gore ke mo a wo nyaka. A tseya silva le gholdi ga motho ye mongwana le ye mongwana go ya ka mokgo ba kwanneng gore a thogo yi neya Faro Nekho.

36 Jehoyakimi+ ke mo a na le 25 ya mengwaga mo a ba kgoši, o fetsiye 11 ya mengwaga a lawola Jerusalema.+ Lebitso la mmane wage ke mo go le Zebhida morwediya wa Pedaya wa go tšwa Ruma. 37 O f’lo ya mahlong a maka dilo tsa go befa mahlong ga Jehova,+ a maka dilo ka mokana ga tsona tso bokokwane bage ba di makiyeng.+