Magoši wa Mabedi

25 Ka mongwaga wa nkokwane wa mo go lawola Zedekiya, ka kgwedi ya lesome ka letšatši la lesome, Kgoši Nebhukhadhinezara+ wa Bhabhilona a tla le masole yage ka mokana ga wona a tl’le lwa le Jerusalema.+ A hloma matente a boya a yaga le lepharo la go yi dukulugela,+ 2 fote ba dukulugele mutši wone go segela ka mongwaga wa bo 11 wa mo go lawola Kgoši Zedekiya. 3 Ka letšatši la nkokwane ka kgwedi ya kanne ke mo go na le tlala ye kgolo+ mone mutšing fote batho ke mo ba se na tsa go ja mone nageng.+ 4 Ba wisa lepharo la mutši wone+ ke mokane masole ka mokana ga wona ma tšhaba bošego ma tšwa ka gheyiti ya gore ke mo yi le gare ga mapharo ka mabedi thina le nghadi ya kgoši, mo Makhaladiya ma kene ma dukulugele mutši wone; ke mokane kgoši ya sepela ka tsela ya Arabha.+ 5 Mara masole ya Makhaladiya ma lelekisa kgoši, ma yi tshwara ku polekeng ya kgwaakgwa ya Jerikho fote masole ya yona ka moka ke mo ma tšhabiye ma yi šiyye. 6 Ke mokane ba tshwara kgoši+ ba yi yisa ga kgoši ya Bhabhilona ku Ribhla, ke mokane ba yi ghweba. 7 Ba bolaya barwayi ba Zedekiya a kene a lebelele; ke mokane Nebhukhadhinezara a ntsha Zedekiya maahlo, a mo tlemelela ka diketane tsa koporo ke mokane a mo yisa Bhabhilona.+

8 Ka kgwedi ya kapheta ka letšatši la kašupa la kgwedi yonone, ka mongwaga wa bo 19 wa mo go lawola Kgoši Nebhukhadhinezara wa gore ke kgoši ya Bhabhilona, Nebhuzaradane+ wa gore ke ndhuna ya masole, wa gore ke lelata la kgoši ya Bhabhilona a tla Jerusalema.+ 9 O tšhubiye ntlo ya Jehova,+ ntlo ya kgoši+ le dintlo ka mokana ga tsona tsa Jerusalema;+ a tšhuba le dintlo ka mokana ga tsona tsa banna ba go tšibega mone nageng.+ 10 Fote masole ka mokana ga wona ya Makhaladiya ya gore ke mo ma na le ndhuna ya masole ma wisiye mapharo ya ne ma dukulugele Jerusalema.+ 11 Nebhuzaradane wa gore ke ndhuna ya masole a tseya batho bo ba šeleng mone mutšing a ba yisa bobhantiting, ba gore ba tšhabele ga kgoši ya Bhabhilona le batho ka mokana ga bona.+ 12 Mara ndhuna ya masole ya šiya ba bangwana ba go tihlupegela ka matla mone nageng gore ba bereke mašomong ya didhriva, a maka le gore ba bereke ka tšhinghi.+ 13 Fote Makhaladiya ma pshyayanya dikholomo tsa koporo+ tsa ntlo ya Jehova gwa šala go le ditlopotlopo, dikotšikara+ le Ledhamo la koporo+ tsa gore ne di le ka ntlong ya Jehova, fote ba tseya koporo ba ya nayo Bhabhilona.+ 14 Ba tseya dipikiri, difošolo, tsa go tima malampa, dikomitši le dilo ka moka tsa koporo tsa gore ne ba di berekisa ka tempeleng. 15 Ndhuna ya masole ya tseya dipane tsa go rwala magala ka tsona le ditša tsa motšiti tsa gore ke mo go le tsa gore ba di makiye ka gholdi ya mannete+ le silva ya mannete.+ 16 Ke mo di sa kgonege go kala koporo yo ba yi berekisiyeng go maka dikholomo tsela ka dipedi, Ledhamo le dikotšikara tsa gore Solomoni ke mo a di makele ntlo ya Jehova.+ 17 Kholomo ye nngwana le ye nngwana ke mo go le 18 ya dikhyubhiti* ka go lefa+ fote tsa go kgabisa ga dikholomo tsowa ne di makiwwe ka koporo; ka go lefa ke mo go le kararo ya dikhyubhiti, fote diketane tse dinyana tsa gore ba di logiye go tshwana le thapo le magarenate ya go dukulugela tsa go kgabisa ka mokana ga tsona le tsona ke mo di makiwwe ka koporo.+ Dikholomo tsowa ka dipedi ke mo di makiwwe go tshwana.

18 Ndhuna ya masole ya tseya Seraya+ wa gore ke ndhuna ya maprista, Zefaniya+ wa gore ke moprista wa mabedi le kararo ya bomatšinghelane.+ 19 Fote mone mutšing a tseya ka wwoši wa go berekela mutši wa kgoši wa gore ne go le ndhuna ya masole, kapheta ya banna ba gore ke mo ba kwana le kgoši ka matla ba gana hone mutšing, le mabhalane wa ndhuna ya masole, le ye ne a hlekeletsa masole ya mone mutšing, le 60 ya banna ba gore ba tšwa mutšing wone. 20 Nebhuzaradane+ wa gore ke ndhuna ya masole o ba tsere a ya nabo ga kgoši ya Bhabhilona ku Ribhla.+ 21 Byalo kgoši ya Bhabhilona ya ba bolaya ku Ribhla ga naga ya Hamathe.+ Batho ba Juda ba tloga nageng ya bona ba ya bobhantiting.+

22 Kgoši Nebhukhadhinezara wa Bhabhilona o hlawodiye Ghedalaya+ morwayi wa Ahikamo+ wa gore ke morwayi wa Šafane+ gore a lawole batho ba gore ba šele ku nageng ya Juda.+ 23 Mo dindhuna ka mokana ga tsona tsa masole le masole ya tsona ba di kwelela gore kgoši ya Bhabhilona yi kgetiye Ghedalaya, ba napiye ba ya ga Ghedalaya ku Mizipa. Go yye Išimayele morwayi wa Nethanaya, Johanani morwayi wa Kareya, Seraya morwayi wa Thanihumethe wa gore ke Lenetofa le Jazanaya morwayi wa Lemayakha le banna bo ne ba le nabo.+ 24 Ghedalaya o makiye kano nabo le banna ba bona gore: “Le sa tšhabe go ba malata ya Makhaladiya. Dulaneng mone nageng fote le berekele kgoši ya Bhabhilona, ke mokane dilo di nyoko le sepelela gabutši.”+

25 Ka kgwedi ya kašupa, Išimayele+ morwayi wa Nethanaya wa gore ke morwayi wa Elišama wa gore o tšwa bogošing, o tlile le lesome la banna ke mokane ba bolaya Ghedalaya a na le Majuda le Makhaladiya ba gore ne ba le naye ku Mizipa.+ 26 Ka taba la tsotsone, batho ka mokana ga bona, ba banyana le ba bagolo, le dindhuna tsa masole ba tšhabela Egepita+ ka gore ke mo ba tšhaba Makhaladiya.+

27 Ka mongwaga wa bo 37 wa mo Kgoši Jehoyakhini+ wa Juda a le bobhantiting, ka kgwedi ya bo 12 ka letšatši la bo 27 la kgwedi yone, Kgoši Evili-merodakha wa Bhabhilona o ntshiye Kgoši Jehoyakhini wa Juda jele ka mongwaga wo a yyeng a ba kgoši ka wona.+ 28 A mo tshwara gabutši fote a maka gore setulo sage sa go lawola se phale sa magoši ka mokana ga wona ya ne ma le naye ku Bhabhilona. 29 Byalo Jehoyakhini a yapola dikobo tsage tsa jele, fote o jele tafoleng ya kgoši lephelo lage ka mokana ga lona. 30 Ne a kraya tsa go ja tsa go tšwa ga kgoši letšatši le lengwana le le lengwana, fote o di krayye lephelo lage ka mokana ga lona.