Dipalo

35 Jehova a ya mahlong a bolabola le Moše ku polekeng ya kgwaakgwa ya Mowaba ya gore yi thina le Jorodane+ ku Jerikho, a re: 2 “Botsa Maisrayele gore di nyaka ma neye Malifi mitši ya gore ma thogo dula ga yona gore go be lefa la wona,+ fote ma neye Malifi dipoleke tsa go disela ga tsona hone mitšing.+ 3 Ma nyoko dula ga mitši yone, ke mokane gana hone mitšing go nyoko ba le dipoleke tsa gore ma disela diphoolwane tsa wona. 4 Dipoleke tso ma nyoko di neyang Malifi gore ma disele ga tsona mone mitšing, di nyoko ba 1 000 ya dikhyubhiti* ka bogolo go tlugisela mo go thomisang lepharo la go dukulugela mutši. 5 Di nyaka o mete 2 000 ya dikhyubhiti ka bohlabela bya mutši wone, 2 000 ya dikhyubhiti ka borwa, 2 000 ya dikhyubhiti ka bodikela le 2 000 ya dikhyubhiti ka lebowa, mutši wone wo be segare. Tsowa go nyoko ba dipoleke tsa gore ma nyoko disela ga tsona ga mitši yone ya bona.

6 “Le nyoko neya Malifi kobodi ya mitši ya go tšhabela ga yona,+ mitši yone go nyoko ba ya gore mo motho a bolayye motho ye mongwana o nyoko tšhabela ga yona,+ fote le ba neye le mitši ye mengwana 42 ya yona. 7 Le tshwanele le neye Malifi 48 ya mitši, fote le ba neye le dipoleke tsa go disela ga tsona.+ 8 Mitši yo le nyoko ba neyang yona yi nyoko tšwa ga lefa la Maisrayele.+ Ga mogoba wa gore wo tlele di nyaka le ntshe mitši ya go tlala, ke mokane ga mogoba wo monyana le ntshe mitši ye menyana.+ Mogoba wo mongwana le wo mongwana wo nyoko neya Malifi mitši ya wona ye mengwana go ya ka lefa lo ba le krayyeng.”

9 Jehova a ya mahlong a bolabola le Moše, a re: 10 “Bolabola le Maisrayele o ma botse gore, ‘Gana byalo le tshila Nooka ya Jorodane le ya nageng ya Kanana.+ 11 Di nyaka le tikgetele mitši ya gore le ko tšhabela ga yona, ya gore mo motho a ka tšhoga a bolayye motho ye mongwana a sa tikemisela o ko tšhabela ga yona.+ 12 Dipoleke tsowa ke tso le nyoko tšhabelang ga tsona gore ye a nyakang go patedisa+ a sa le kraye, tsotsone di nyoko maka gore ye a sinnyeng a sa kgwe go segela a yema mahlong ga mogoba gore a thogo yahludiwa.+ 13 Mitši yone kobodi ya yona yi nyoko bereka mmereko wone. 14 Le nyoko ba neya kararo ya mitši ya gore yi ka nthoko ga Nooka ya Jorodane+ le kararo ya mitši ya gore yi nageng ya Kanana+ gore motho ye mongwana le ye mongwana a thogo tšhabela gona. 15 Dipoleke tsowa kobodi ya tsona go nyoko ba dipoleke tsa gore Maisrayele le batho ba go tšwa ba sepela ba gore ba dula nabo+ ba tšhabela ga tsona. Motho ye mongwana le ye mongwana wa gore o bolayye motho a sa tikemisela o nyoko tšhabela gona.+

16 “‘Mara mo a ka mo teya ka selo sa tshipi ke mokane a kgwa, motho yene wa bolaya. Motho yenene a mmolayyeng le yene di nyaka a bolayiwe.+ 17 Fote mo a ka mo pshyaya ka letlapa ke mokane a kgwa, motho yene wa bolaya. Motho yenene a mmolayyeng le yene di nyaka a bolayiwe. 18 Fote mo a ka mo teya ka selo sa gore ba se makiye ka kwata ke mokane a kgwa, motho yene wa bolaya. Motho yenene a mmolayyeng le yene di nyaka a bolayiwe.

19 “‘Motho ye a patedisang ke yene wa gore o nyoko mmolaya. Mo a gahlana naye, o nyoko mmolaya. 20 Mo a ka kgwa ka gore o tšhofiye ke motho ye mongwana ka taba la gore o mo hloyye kela mo a ka kgwa ka taba la gore o mmošiye ka selo se sengwana ka gore ne a tikemisele go mmolaya,+ 21 kela a mo teya ka letsogo lage ka taba la gore o mo hloyye ke mokane a kgwa, ye a mo teyyeng le yene di nyaka a bolayiwe. Ke motho wa go bolaya. Motho ye wa go patedisa ke yene wa gore di nyaka a bolaye motho ye wa go bolaya mo a gahlana naye.

22 “‘Mara mo nkare o f’lo tšhoga a mo tšhofiye kela a mmošiye ka se sengwana go se ka taba la gore o mo hloyye kela o tikemisele go mmolaya,+ 23 kela aa mmona fote a maka gore letlapa le mo wele mara go se ka taba la gore ke lenaba lage kela gore o nyaka go mo kwaletsa ke mokane motho yene a kgwa, 24 di nyaka mogoba wo yahlule ye wa gore o mmolayye le ye a nyakang go patedisa, wo berekisa melawo yowa.+ 25 Di nyaka mogoba wo phonise motho ye wa gore o bolayye ga ye wa gore o nyaka go patedisa ke mokane ba mmusetse ga mutši wo ne a tšhabele ga wona, fote di nyaka a dule ga wona go segela go kgwa moprista ye mogolo wa gore ba mo tlotsiye ka makgura ya go hlawolega.+

26 “‘Mara mo ye wa gore o bolayye motho a ka tšwa ga mutši wo a tšhabeleng ga wona 27 ke mokane ye wa go patedisa a mo kraya a tšwile ga mutši wo ne a tšhabele ga wona, mo a ka mmolaya o ko ba a se na molato. 28 Ka taba la gore di nyaka a dule ga mutši wone a tšhabeleng ga wona go segela moprista ye mogolo a kgwa. Mara mo moprista ye mogolo a šele a kgwile, ye wa gore o bolayye motho a ka boyela gaye.+ 29 Dilo tsowa go nyoko ba molawo wo le yahlulang ka wona go ya go yye le ga ditlogolwane tsa lune ga dipoleke tso le dulang ga tsona ka mokana ga tsona.

30 “‘Ye mongwana le ye mongwana ye a bolayang+ motho di nyaka le yene a bolayiwe go kene go na le batho ba bangwana ba gore ba nyoko hlatsela taba yone;+ mara mo nkare go na le hlatse ka yyoši, ba sa mmolayi. 31 A di nyake le tseya se sengwana sa gore se nyoko lepolla ye wa gore o bolayye ka taba la gore di nyaka a bolayiwe.+ 32 Le sa yamogele se sengwana sa go lepolla motho yela wa gore o tšhabele mutšing wo ba tšhabelang ga wona, la mo lisetsa gore a boyele gaye gage go soko kgwa moprista ye mogolo.

33 “‘Le sa thilafatse poleke yo le dulang ga yona ka taba la gore madi ma thilafatsa naga,+ fote naga yone yi ka sa ro yela* ka taba la madi ya ba ma falatsiyeng solanka motho ye a falatsiyeng madi yane a sa phela.+ 34 Le sa thilafatse poleke yo le dulang ga yona ya gore le nna ke dula ga yona, ka taba la gore nna Jehova ke dula gare ga batho ba Israyele.’”+