Jeremiya
7 Tsowa ke tso Jehova a di butsiyeng Jeremiya a re: 2 “Yema gheyiting ya ntlo ya Jehova o segele o sabalatse molayetsa wowa, ‘Lune batho ka mokana ga lune ba Juda, theetselaneng lentsu la Jehova, lune ba go kena ga digheyiti tsowa gore le thogo rapela Jehova. 3 Tsowa ke tso Jehova wa masole, Modimo wa Israyele a di hlayang, o re: “Tšhentšhaneng mekgwa ya lune le tso le di makang, ke mokane nna ke nyoko le lisetsa gore le ye mahlong le dula ga poleke yowa.+ 4 Le sa tshepe matsaka la re, ‘Yowa* ke tempele ya Jehova, yowa ke tempele ya Jehova, yowa ke tempele ya Jehova!’+ 5 Ka gore mo o ka sokologa tsa mannete; wa boya wa tshwara motho le moyagelane wage gabutši;+ 6 wa sa gatelele batho ba go tšwa ba sepela, ditšhuwana* le basadi ba go kgwela ke banna;+ wa sa falatse madi ya batho ba gore a ba na molato mowa polekeng; fote wa tisinyetsela ka go rapela medimo ye mengwana;+ 7 byalo nna ke nyoko go lisetsa gore o ye mahlong o dula ga poleke yowa, poleke ya gore ke yi neyye bokokwane bago go ya go yye.”’”
8 “Mara lune le tshepa matsaka+—ya gore ma ka sa le gelepe ka selo. 9 Ayitsano le ka yetswa,+ la bolaya, la maka bonghwahla, la tshepisa matsaka,+ la makela Bhaali dihlabelo+ la boya la rapela medimo ya gore a le yi tšibi, 10 ke mokane la tla la yema mahlong gaka ga ntlo yowa ya gore yi gadimisa lebitso laka la re, ‘Re nyoko phonisiwa,’ ka howa le kene le makiye dilo tsowa ka mokana ga tsona tsa go silikisa? 11 Ayitsano le bona nkare ntlo yo yaka yi tshwana le lekori la gore ditsotsi di wutama ga lona?+ Nna ke di bonne tso le di makang,” go hlaya Jehova.
12 “‘Mara gana byalo ariye ga poleke yaka ku Šilo,+ ya gore ke poleke ya mathomo yo ke yi hlawodiyeng gore lebitso laka le gadimisiwe ga yona,+ o segele o bone tso ke di makiyeng ga mutši wone ka taba la dilo tsa go sa loka tso di makiyeng ke batho baka ba Maisrayele.+ 13 Mara lune le f’lo ya mahlong le maka dilo tsowa ka mokana ga tsona,’ go hlaya Jehova, ‘fote le mo ke bolabodiye le lune gatleletlele, a le ya ntheetsela.+ Ke yye mahlong ke le bitsa mara a le ya fetola.+ 14 Byalo tso ke di makiyeng ku Šilo+ ke nyoko di maka ga ntlo yowa ya gore yi gadimisa lebitso laka,+ ya gore le tshepela ga yona+ le ga poleke yowa ya gore ke yi neyye lune le bokokwane ba lune. 15 Ke nyoko le raka mahlong gaka, go fo tshwana le ka mokgo ke yyeng ka raka bobhuti ba lune ka mokana ga bona ba gore ke ditlogolwane tsa Eforayimi.’+
16 “Mara wene o sa ba rapelele batho bowa. O sa ba llele kela go ba rapelela kela go ba kgopelela ho gaka,+ ka taba la gore nka sa go theetsele.+ 17 Anthe a o di boni tso ba di makang ku mitšing ya Juda le ku dipateng tsa Jerusalema? 18 Barwayi ba kotela mahlare, bopapa ba gotsa mollo ke mokane basadi ba duba folawa gore ba thogo maka dikgwa tsa go maka dihlabelo ba makela Kgoši ya Mosadi ya Legedimong,*+ fote ba maka dihlabelo tsa go nwiwa ba makela medimo ye mengwana gore ba thogo nkwatisa.+ 19 Jehova o re: ‘Ayitsano ba kwisa nna go baba? Bona beng ba tikwisa go baba fote ba nyoko tšeba.’+ 20 Byalo tsowa ke tso Jehova Morena wa Malenghelengheng a di hlayang: ‘Mutši wowa ke nyoko wo kwatela,+ go thomisa ka motho le phoolwane go segela ka mehlare le diyengwa; di nyoko swa fote go ka sa be le motho wa go tima.’+
21 “Tsowa ke tso Jehova wa masole, yene Modimo wa Israyele a di hlayang o re: ‘Ga dihlabelo tsa lune tse dingwana yeketsaneng ka dihlabelo tsa go tšhubiwa, ke mokane le je nama ya tsona.+ 22 Ka taba la gore ka letšatši lo ke ntshiyeng bokokwane ba lune nageng ya Egepita, a ke ya ba botsa selo ka dihlabelo tsa go tšhubiwa le dihlabelo tse dingwana.+ 23 Mara nna ke ba butsiye gore: “Theetselaneng lentsu laka, ke mokane nna ke nyoko ba Modimo wa lune, lune la ba batho baka.+ Le tshwanele le theetsele dilo ka mokana ga tsona tso ke le botsang tsona gore dilo di thogo le sepelela gabutši.”’+ 24 Mara a baa ntheetsela kela ba bula ditsebe tsa bona;+ ba makiye tsa go tšiba ke bona, ba tiwomisa dihlogo, ba maka tso ba di nyakang,+ fote ba napa ba keketlela kgole, 25 go tlugisela ka letšatši lo bokokwane ba lune ba tšwileng Egepita go segela lekgono lowa.+ Ke yye mahlong ke romela baporofeta baka ka mokana ga bona, ke ba romela letšatši le lengwana le le lengwana, gatleletlele.+ 26 Mara a baa ntheetsela, fote ba kwadiye ditsebe tsa bona.+ Fote ba womisiye dihlogo, ba maka dilo tsa go phala tso di makiyeng ke bokokwane ba bona!
27 “Wene o nyoko ba botsa dilo tsowa ka mokana ga tsona,+ mara ba ka sa go theetsele; o nyoko ba bitsa, mara ba ka sa go fetole. 28 Fote o nyoko re ga bona, ‘Sowa ke setšhaba sa gore a se ya theetsela Jehova Modimo wa sona, fote se ganne go theetsela mo ba se wolola. A go na le ka wwoši wa gore wa tshepega, fote a ba bolabole le ka tsa go tshepega.’+
29 “Kupaneng moriri wa lune wa gore a wo soko kupiwa ke mokane le wo lahleneng, ke mokane le yepelele koša ya mo le lla ku memmotong, ka taba la gore Jehova o jikele leloko lowa la gore le mo kwatisiye fote o nyoko le lahla. 30 Jehova o re: ‘Batho ba Juda ba makiye dilo tsa go befa mahlong gaka. Ba beyye medimo ya go silikisa ku ga ntlo ya gore go gadimisiwa lebitso laka ga yona gore ba thogo yi thilafatsa.+ 31 Ba yagiye dipoleke tsa kgakala tsa Tofethe ya gore yi Moyeding wa Morwayi wa Hinomo*+ gore ba thogo tšhubelela barwayi ba bona le barwediya ba bona mollong,+ ba maka selo sa gore a ke ya ba botsa gore ba se make sa gore a ke ya nagana ka sona.’+
32 “‘Theetsela! nako ya tla,’ go hlaya Jehova, ‘ya gore naga yone ba ka sa sa re ke Tofethe kela Moyedi wa morwayi wa Hinomo* mara ba nyoko re ke Moyedi wa go Bolayela ga Wona. Ba nyoko boloka batho ku Tofethe go segela go tlala go šala go sa sa na poleke.+ 33 Fote ditopo tsa batho bowa go nyoko ba tsa go ja tsa dinonyane tsa ku magedimong le diphoolwane tsa ho lefaseng, fote go ka sa be le motho wa go di tshosanya.+ 34 Go ka sa sa kwagala motho wa gore wa hlakela kela wa gore o jabodiye le lentsu la monna wa gore wa šadha kela mosadi wa gore le yene wa šadha+ mitšing ya Juda le dipateng tsa Jerusalema, ka taba la gore naga yowa ba ko ba ba yi sinyannye fote go le mawudu.’”+