Dipalo

16 Ke mokane Kora+ morwayi wa Izara,+ morwayi wa Kohathe,+ morwayi wa Llifi+ a gahlana le Dathani le Abhiramo barwayi ba Eliyabho,+ fote ba gahlana le Oni morwayi wa Pelethe wa gore ke ye mongwana wa ditlogolwane tsa Rubeni.+ 2 Ba jikela Moše ba na le 250 ya banna ba Maisrayele, dindhuna tsa maloko le bo ba kgetiwweng phutegong, ba gore ke banna ba go tšibega ka matla. 3 Ba gahlana ke mokane ba ya+ ga Moše le Aroni ba segela ba re ga bona: “Se re kwile ka lune! Mogoba ka mokana ga wona wo hlawolegiye,+ fote Jehova o gare ga wona.+ Ke ntaba lune le timaka nkare le kawone go phala setšhaba ya Jehova?”

4 Mo Moše a kwa tsotsone, a wela fase ka sefahlego. 5 Ke mokane Moše a re ga Kora le bo ba yemang naye: “Ka bošego Jehova o nyoko re šupetsa gore ke bomang ba gore wa ba yamogela,+ gore ke mang wa go hlawolega le gore ke mang wa gore a ka šutela thina gage,+ fote ye a mo kgetang+ ke yene wa gore o nyoko ya gage. 6 Makaneng ka mokgo: Tseyaneng dipane tsa go rwala magala,+ wene Kora le bo ba yemang nago,+ 7 ke mokane ka motshwana le tšheleneng mollo le tsa go nkgela mahlong ga Jehova, motho ye Jehova a mo kgetang+ go ko ba go le yene wa go hlawolega. Lune barwayi ba Llifi,+ le šele le ya ka matla!”

8 Ke mokane Moše a re ga Kora: “Barena, ntheetseleneng lune barwayi ba Llifi. 9 Ayitsano le yi tseya go le taba ye nyana gore Modimo wa Israyele o le hlawodiye ga mogoba wa Maisrayele,+ a le dumelela gore le mo šutelele gore le make mmereko wa Jehova wa tabarenakeleng le go yema mahlong ga mogoba ke mokane le wo berekele,+ 10 fote a maka gore lune le bobhuti ba lune ba gore ke barwayi ba Llifi le thogo šutela thina naye? Byalo ke ntaba le nyaka le go ba maprista?+ 11 Ka taba la tsotsone, wene le bo ba yemang nago ka mokana ga bona le jikele Jehova. Aroni yene o makiye ying tsa gore le šinye le kokola ka yene?”+

12 Ka nthago ga nako, Moše a kgopela Dathani le Abhiramo+ ba gore ke barwayi ba Eliyabho gore ba tle gage, mara bona ba re: “A re nyake! 13 Ayitsano le yi tseya go le taba ye nyana gore le re ntshiye ga naga ya gore yi yela lebese le mamapo la re tlisa ho mašahleng gore re tle re kgwe?+ Le nyaka re lawole ke lune? 14 Le ya di bona le lune gore a le ya re yisa ga naga ya gore yi yela lebese le mamapo+ kela la re neya tšhomo le sebaya sa didhriva gore go be lefa la rune. Ayitsano le nyaka banna bala ba le šale nthago go tshwana le banna ba go popela maahlo? Re ka sa tle!”

15 Byalo Moše a kwata ka matla ke mokane a re ga Jehova: “O sa yamogele dihlabelo tsa bona tsa mabele. A ke ya tseya le mong bhongholo ya bona fote a ke ya kwaletsa motho.”+

16 Ke mokane Moše a re ga Kora: “Wene, bo ba yemang nago ka mokana ga bona le Aroni le tle mahlong ga Jehova ka motshwana. 17 Di nyaka ye mongwana le ye mongwana a tseye pane yage ya go rwala magala a tšhele dilo tsa go nkgela ke mokane o nyoko yi yisa mahlong ga Jehova, banna bo ba yemang nago ba nyoko tshwara 250 ya dipane tsa go rwala magala, wene le Aroni le nyoko tshwara tsa lune.” 18 Ye mongwana le ye mongwana a tseya pane yage ya go rwala magala a tšhela mollo le tsa go nkgela, ba yema mo go keniwang gona letenteng la mogahlano, ba yemme le Moše le Aroni. 19 Mo Kora a kgobaketsiye bo ba yemang naye+ hala go keniwang gona letenteng la mogahlano, go gadima ga Jehova gwa nyarela ga mogoba ka mokana ga wona.+

20 Byalo Jehova a botsa Moše le Aroni gore: 21 “Tloganeng howa ga mogoba wowa gore ke nape ke fetsa ka wona.”+ 22 Mo ba kwa tsotsone, ba wela fase ka difahlego ba re: “Modimo barena, wene Modimo wa go neya batho ka mokana ga bona lephelo,+ ayitsano tso motho ka wwoši a di sinnyeng di ka maka gore o nape o kwatela mogoba ka mokana ga wona?”+

23 Jehova a re ga Moše: 24 “Bolabola le mogoba o wo botse gore, ‘Tloganeng thina le matente ya Kora, Dathani le Abhiramo!’”+

25 Ke mokane Moše a tlogamela a ya ga Dathani le Abhiramo, banna ba bagolo+ ba Israyele ba mo šala nthago. 26 A botsa mogoba gore: “Barena, tloganeng matenteng ya banna bowa ba go sa loka fote le sa tikisi selo sa bona, gore le sa kgwele tso ba di sinnyeng.” 27 Ba napa ba tloga thina le matente ya Kora, Dathani le Abhiramo, ke mokane Dathani le Abhiramo ba tšwa ba yema mo go keniwang gona hala matenteng ya bona ba na le basadi ba bona, barwayi ba bona le bana ba bona ba banyana.

28 Ke mokane Moše a re: “Le nyoko di tšiba gore ke romme ke Jehova gore ke make dilo tsowa ka mokana ga tsona, gore a ke fo timakela tsona: 29 Mo batho bo ba ka fo kgwa ka mokgo batho ka mokana ga bona ba kgwang ka gona le mo ba ka yahludiwa ka mokgo batho ka mokana ga bona ba yahludiwang ka gona, tsotsone di ko ba di rela gore a ke ya roma ke Jehova.+ 30 Mara mo Jehova a ka maka mohlolo ke mokane mo fase gwa bulega ba kena le dilo ka mokana ga tsona tso ba nang natso, fote ba kena Lebitleng* ba sa phela, ke gona le ko go di tšiba gore banna bowa a baa hlompa Jehova.”

31 Mo a fetsa go bolabola dilo tsowa, ho fase gwa napa go pharoga.+ 32 Ke mokane lefase la bulega la ba kgwisa, bona le ba mitši ya bona le batho ka mokana ga bona bo ne ba yema le Kora+ le dilo tsa bona ka mokana ga tsona. 33 Byalo, ba kena Lebitleng* ba sa phela, bona le batho ka mokana ga bona bo ne ba yema nabo ke mokane lefase la ba kogetsa ba sa sa ba gona gare ga mogoba.+ 34 Maisrayele ka mokana ga wona ya ne ma le mone ma tšhaba ma yahlamela, ma re: “Re ya tšhaba gore lefase lowa le rune le ka re kgwisa!” 35 Ke mokane mollo wa go tšwa ga Jehova+ wa tšhubanya 250 ya banna bo ne ba maka sehlabelo sa go nkgela.+

36 Byalo, Jehova a re ga Moše: 37 “Botsa Eliyazara morwayi wa Aroni wa gore ke moprista gore a ntshe dipane tsa go rwala magala+ hone mollong, ka taba la gore di hlawolegiye. Fote o mmotse gore a lahle magala yane ku kgole. 38 Le tuluse dipane tsa go rwala magala tsa banna bala ba go sinya ba gore ba kgwile, le kgakgape aletare+ gore go be mošupetso ga Maisrayele ka taba la gore ke mo ba di berekisa mahlong ga Jehova, sosone se makiye gore di hlawolege.”+ 39 Byalo, Eliyazara wa gore ke moprista a tseya dipane tsela tsa koporo tsa gore ke mo di berekisa ke bala ba gore ba gagariye ke mollo ke mokane a di tulusa, a kgakgapa aletare ka tsona, 40 go makegiye tso Jehova a di hlayyeng a berekisa Moše. Ke mo go le selo sa go gopotsa Maisrayele gore a go na motho wa gore a ka tšhuba dilo tsa go nkgela mahlong ga Jehova a sa tshwanela,+ solanka a sa tšwe ga ditlogolwane tsa Aroni, fote go sa be le a tshwanang le Kora le bo ne ba yema naye.+

41 Ka letšatši la go latela, mogoba ka mokana ga wona wa Maisrayele wa thomisa go kokola ga Moše le Aroni,+ wa re: “Lune ka babedi le bolayye batho ba Jehova.” 42 Mo mogoba wo gahlanne wo kokola ga Moše le Aroni, wa jika wa lebelela letente la mogahlano, liru ke mo le le ka gedimo ga letente la mogahlano ke mokane go gadima ga Jehova gwa thomisa go nyarela.+

43 Moše le Aroni ba ya ba yema mahlong ga letente la mogahlano,+ 44 ke mokane Jehova a re ga Moše: 45 “Tloganeng mone gare ga mogoba gore ke thogo napa ke fetsa ka wona.”+ Mo a reyane, ba wela fase ka difahlego.+ 46 Moše a re ga Aroni: “Tseya pane ya go rwala magala o tšhele mollo wa go tšwa aletareng+ le tsa go nkgela ke mokane o yakgoswe o ye ga mogoba o wo kgopelele tshwarelo,+ ka taba la gore Jehova o kwatiye ka matla. Go thomisiye dilo tsa go sasamela!” 47 Aroni o makiye ka mokgo Moše a hlayyeng ka gona, a napa a yi tseya ke mokane a taboga a ya nayo mo Maisrayele ne ma le gona, ye lune! mo a segela dilo tsa go sasamela ke mo di šele di thomme. Byalo a tšhela sa go nkgela gedimo ga pane yela ke mokane a thomisa go kgopelela batho bala tshwarelo. 48 A yema mahlong ga bo ba gore ke mo ba kgwile le bo ba gore ke mo ba sa phela, ke mokane dilo tsa go sasamela dya fela. 49 Bo ba bolayyeng ke dilo tsa go sasamela ke mo go le 14 700, mo re sa bale bo ba kgwileng ka taba la Kora. 50 Mo Aroni a boyela ga Moše hala go keniwang gona letenteng la mogahlano, dilo tsela tsa go sasamela ke mo di šele di fediye.