Dipalo

27 Barwediya ba Zelofehadi+ morwayi wa Hefere, morwayi wa Ghiliyade, morwayi wa Makhiri, morwayi wa Manase ba gore ke ba leloko la Manase wa gore ke morwayi wa Josefa, ba tla ga Moše. Mabitso ya barwediya bage ke mo go le Maala, Nnowa, Hoghla, Milkha le Tiriza. 2 Ba yema mahlong ga Moše, ga Eliyazara wa gore ke moprista, ga dindhuna+ le mahlong ga setšhaba ka mokana ga sona mo go keniwang gona letenteng la mogahlano, ba re: 3 “Papa wa rune o kgwele ku mašahleng, mara yene ke mo a se gare ga mogoba wa gore wo jikele Jehova, wa gore ke mo wo yema le Kora,+ mara yene o kgwile ka taba la tso yene a di sinnyeng fote ke mo a se na barwayi. 4 Nje leloko la papa wa rune le ka šinya le nyamalala ka taba la gore ne a se na morwayi? Re neye lefa ga bobhuti ba papa.” 5 Byalo, Moše a yisa taba ya bona ga Jehova.+

6 Ke mokane Jehova a re ga Moše: 7 “Barwediya ba Zelofehadi baa resa. Di nyaka o ba neye lefa la bobhuti ba papa wa bona ke mokane o ba neye le lefa la papa wa bona.+ 8 Fote o botse Maisrayele gore, ‘Mo monna a ka kgwa a se na morwayi, ba tshwanele ba tseye lefa lage ba le neye morwediya wage. 9 Mara mo a se na morwediya, lefa lage o le neye bobhuti bage. 10 Mo nkare aa na bobhuti, lefa lone o le neye bobhuti ba papage. 11 Mo nkare papage aa na bobhuti, lefa lone o le neye lešaga lage la thina ke mokane le nyoko tseya ke lona. Wone ke molawo wa gore Maisrayele di nyaka ma wo latelele, ka mokgo Jehova a butsiyeng Moše.’”

12 Ke mokane Jehova a re ga Moše: “Ariye o ye kalama thaba ya Abharimi,+ o lebelele naga ya gore ke nyoko yi neya Maisrayele.+ 13 Mo o fetsa go yi bona, le wene o nyoko bolokiwa le bokokwane bago+ go tshwana le bhuti wago Aroni,+ 14 ka taba la gore nakwela mogoba wo kokola ka nna ku mašahleng ya Zini, wene a wa theetsela tso ke go butsiyeng tsona tsa gore ne di nyoko maka gore ke hlawolege mahlong ga bona nakwela ke ba neya meetši.+ Meetši ya Meribha+ ku Kadeše,+ mašahleng ya Zini.”+

15 Byalo, Moše a re ga Jehova: 16 “Barena Jehova, wene Modimo wa go neya batho ka mokana ga bona lephelo, hlawola monna ka wwoši gore a wokamele mogoba wowa, 17 wa gore o nyoko ba yeta mahlong ga tso ba di makang, gore setšhaba sa Jehova se sa tshwane le dinku tsa gore a di na wa go di disa.” 18 Byalo Jehova a re ga Moše: “Tseya Jošuwa morwayi wa Nuni, monna wa go ba le matšato fote o beye letsogo lago gedimo gage.+ 19 O mo yemise mahlong ga Eliyazara wa gore ke moprista le ga mogoba ka mokana ga wona ke mokane o make gore a ba yete mahlong semmušo.+ 20 Di nyaka o mo neye matšhika yago ya mangwana ya go lawola,+ gore mogoba ka mokana ga wona wa Maisrayele wo thogo mo theetsela.+ 21 Yene o nyoko yema mahlong ga Eliyazara wa gore ke moprista wa gore o nyoko mmutsisela ga Jehova a berekisa Yurimi.+ Batho ka mokana ga bona ba nyoko theetsela tso a ba botsang tsona, yene le barwayi ba Israyele ka mokana ga bona le setšhaba ka mokana ga sona.”

22 Byalo, Moše a maka ka mokgo Jehova a mmutsiyeng ka gona. A tseya Jošuwa a mmeya mahlong ga Eliyazara wa gore ke moprista le mahlong ga mogoba ka mokana ga wona, 23 fote a beya matsogo yage gedimo gage ke mokane a maka gore a yete mahlong,+ go ya ka mokgo Jehova a hlayyeng a berekisa Moše.+