Makorente wa Mathomo

7 Go ya ka dilo tso le nngwaleleng tsona, ke bona di le gabutši gore monna a sa tshwaratshware* mosadi. 2 Ka taba la gore bongwhahla* bo tlele, mo nkare monna di ya mo thathafela gore a titshware di gabutši gore a tseye mosadi,+ le mo nkare mosadi di ya mo thathafela gore a titshware di gabutši gore a tseyiwe.+ 3 Monna a fe mosadi wage tso di mo tshwaneleng, le mosadi a make ka mokgonone ga monnage.+ 4 Mosadi aa lawole mmele wage mara monnage ke yene a wo lawolang, le monna aa lawole mmele wage mara mosadi wage ke yene a wo lawolang. 5 Le sa konane tsa ka mapaying, mara monna le mosadi ba ka tipeyela nako ya gore ba sa yetsele ggoši* gore ba thogo rapela, ke mokane ka nthago ba ka boyela ba ba ggoši,* gore Sathane a sa ba phiriketse ka taba la gore ba šitega go titshwara. 6 Mara a ke le beyele molawo, ke fo ba ke le botsa tso le ka di makang. 7 Ke nabela nkare batho ka mokana ga bona ba ka tshwana le nna ba sa šadhe. Mara Modimo aa re maka go tshwana.+ O dumelele ba bangwana gore ba sa šadhe ke mokane a dumelela ba bangwana gore ba šadhe.

8 Byalo nna ke re ga bo ba gore a ba soko šadha le bo ba gore ba hlokofalele ke banna, ke re di gabutši mo ba ka dula ba sa šadha go tshwana le nna.+ 9 Mara mo nkare ba šitega go titshwara ba šadhe, gore ba sa be ba kene ba nabela go yetsela le monna kela mosadi, di kawone gore ba šadhe.+

10 Molawo wo ke wo neyang bo ba gore ba šadhiye wa gore mosadi a sa yahlugane le monnage, a wo tšwe gaka mara wo tšwa ga Morena.+ 11 Mo nkare o yahlugana le monnage, a dule a sa šadha kela a boyelane le monnage fote le monna aa tshwanela go šiya mosadi wage.+

12 Tso ke di botsang ba bangwana a di tšwe ga Morena+ mara di tšwa gaka ke re: Mo nkare go na le mogageru wa gore o na le mosadi wa gore aa dumele ga Morena wa rune fote mosadi yene a dumela go dula naye, mogageru yene a sa mo lisetsi, 13 fote le mo mogageru wa mosadi a na le monna wa gore aa dumele ga Morena wa rune mara monna yene a dumela go dula naye, mogageru yene wa mosadi a sa lisetsi monnage. 14 Monna wa gore aa dumele o hlawolegiye ka taba la mosadi wage, le mosadi wa gore aa dumele o hlawolegiye ka taba la monnage, le bana ba bona nke ba sa yela mara gana byalo ba hlawolegiye. 15 Mara mo nkare ye wa gore aa dumele o kgeta go sepela, a sepele, mogageru aa tleme ke selo mo go le ka mokgonone mara Modimo o nyoko maka gore lune le bebe.+ 16 Lune basadi go tšiba mang, nakwenngwana le ka phonisa banna ba lune.+ Le lune banna go tšiba mang, nakwenngwana le ka phonisa basadi ba lune.

17 Ye mongwana le ye mongwana a ye mahlong a phela ka mokgo ne a kene a phela ka gona, ka mokgo Jehova* a mo dumeleleng gore a be ka gona+ fote dilo tsowa ke di botsa diphutego ka mokana ga tsona. 18 Mo nkare go na le ye a hlawodiwweng a šele a bollwiye,+ a dule ka mokgonone, ye a hlawodiwweng a sa bollwa le yene a dule a sa bollwa.+ 19 Tsa gore motho o bollwiye kela aa bollwa a di re selo,+ se segolo ke mo a theetsela molawo wa Modimo.+ 20 Ye mongwana le ye mongwana a dule ka mokgo ne a le ka gona mo a soko bitsiwa.+ 21 Mo nkare ba go hlawodiye o le lebhantiti di sa go hlupe tsone+ mara mo go thulega lešuba la gore o lokologe o le berekise. 22 Wa gore ba mmitsiye go le lebhantiti o šele a lokologiye+ mo ga Morena mara ye ba mmitsang a lokologiye go nyoko ba lebhantiti la Kreste. 23 Le turiye ka matla,+ lisetsaneng go ba mabhantiti ya batho. 24 Magageru, ye mongwana le ye mongwana a dule ka mokgo ne a le ka gona mo a soko bitsiwa, a sa lisetsi go nghanelana le Modimo.

25 Byalo, bo ba gore a ba soko šadha* a ke na so nka ba botsang sona sa go tšwa ga Morena mara nna wa gore ke ya tshepega ka gore Morena o nkwele go baba, ke nyoko fo hlaya so ke se naganang.+ 26 Ke nagana gore di gabutši ka matla gore ye mongwana le ye mongwana a fo ya mahlong ka mokgo a leng ka gona, ka taba la gore go bifiye. 27 Mo nkare o na le mosadi o sa nyake go yahlugana naye+ le mo nkare a wo naye o sa tsame o mo nyakela. 28 Mo o šadha a o sinyi selo, le ye wa gore aa soko yetsela le motho ye mongwana, aa sinyi selo mo a šadha mara bo ba šadhang ba nyoko gahlana le dintshitshiri, ke fo ba ke hlupega ka lune.

29 Go tokegela gana hone ke re ga lune magageru, nako yo yi šeleng ke ye nyana.+ Byalo go tlugisela gana byalo, bo ba gore ba na le basadi ba make nkare a ba nabo, 30 le bo ba gore baa lla ba make nkare a ba lle, bo ba gore ba jabodiye ba make nkare a baa jabola, ba gore ba reka dilo ba make nkare a ba natso 31 le bo ba berekisang dilo tsa lefase lowa ka matla ba tshwane le bo ba gore a ba di berekisi ka matla, ka taba la gore dilo tsa lefase lowa di ya tšhentšha. 32 Gabutšibutši ke fo ba ke nyaka gore le sa šekele, ka gore motho wa gore aa šadha o hlupega ka matla ka tsa Morena ka gore o nyaka go jabodisa yene. 33 Mara monna wa gore o šadhiye o hlupega ka dilo tsa lefase lowa,+ ka taba la gore o nyaka go jabodisa mosadi wage. 34 Fote o ka ho le ka ho. Go tokegela gana hone, mosadi wa gore aa šadha, le mosadi wa gore go sa le kgareba ba hlupega ka matla ka dilo tsa Morena+ gore mmele wa bona le monagano wa bona di hlawolege mara mosadi wa gore o šadhiye o hlupega ka dilo tsa lefase lowa ka taba la gore o nyaka go jabodisa monnage. 35 Tso ke di bolabolang ke tsa go gelepa lune, a ke le rakele go maka selo, ke fo ba ke nabela gore le make dilo gabutši le gore le karakare ka matla ga tso tsa Morena le sa šitisi ke selo.

36 Mo ye mongwana a kwa gore di ya mo šita go fo dula a sa šadha fote a gudiye tsa gore a ka šadha, a make ka mokgo: A make so a se nyakang, go kawone gore a šadhe, o ko ba a sa sinyi.+ 37 Mo motho a fetsiye le pelo yage gore o nyoko fo dula a sa šadha fote a bolabola a tiyisiye ga taba yone ka taba la gore wa tikwa gore a ka kgona go dula a sa šadha, a kgona le go titshwara, o maka gabutši.+ 38 Fote ye a šadhang o maka gabutši mara ye a dulang a sa šadha o ko ba a maka gabutši ka matla.+

39 Di nyaka gore mosadi a dule le monnage mo a sa phela+ mara mo monnage a ka hlokofala, a ka šadha le ye mongwana le ye mongwana ye a mo nyakang wa gore ke lelata la Morena.+ 40 Mara ke bona nkare o nyoko jabola ka matla mo a ka fo dula a sa šadha fote a ke kamake gore le nna ke na le moya wa go hlawolega.