Magoši wa Mabedi
4 Byalo, mosadi ye mongwana wa barwayi ba baporofeta+ a llela Eliša a re: “Monna waka wa gore ke lelata lago o hlokofele, fote wene wa di tšiba gore lelata lago ke mo le hlompa Jehova ka dinako ka moka.+ Gana byalo go tlile monna wa gore ke mo le mo kolota, o nyoko tseya bana baka ka babedi gore go be dibereki tsage.” 2 Ke mokane Eliša a re gage: “Nna nka go gelepa byang? Mpotse, o na le ying ka mo ntlong yago?” A mo fetola ka gore: “Lelata lago a le na selo ka mo ntlong, go fo ba le lepotlela la makgura.”+ 3 Ke mokane a re: “Sepela o ye kgopela tsa go tšhela ga bayagelane bago, tsa gore a di na selo ka ho teng. Fote o nyake tsa go tlala. 4 Ke mokane o kene ntlong wene le barwayi bago le tikwalele. O tlatse dilo tsowa tsa go tšhela ka makgura, ke mokane o beye tsa gore di tlele ka thoko.” 5 Ke mokane mosadi yela a tloga a mo šiya.
Mo a tikwalela ka mone ntlong le barwayi bage, ba mo neyetsa dilo tsela tsa go tšhela a di tlatsa.+ 6 Mo dilo tsela tsa go tšhela di šele di tlele, mosadi yela a re ga ye mongwana wa barwayi bage: “Tlisa se sengwana.”+ Mara yene a re gage: “A di sa le šiyo.” Ka nako yonone makgura yala ma sa sa tšwa.+ 7 Byalo, a boyela a ye botsa lelata la Modimo wa mannete, lona la re gage: “Sepela o ye rekisa makgura yawa ke mokane o patele dikoloto tsago, fote yo yi šalang wene le barwayi bago le ko tiphidisa ka yona.”
8 Tšatši le lengwana Eliša o yye Šunema ga gore ke mo go na le mosadi wa go tšibega,+ ke mokane a mmotsa gore a tle a je tsa go ja gaye gage.+ Nako ye nngwana le ye nngwana mo a feta, ke mo a feta gona a ja. 9 Ke mokane a re ga monna wage: “Ke ya di tšiba gore monna ye a dulang a tla howa ke lelata la Modimo la go hlawolega. 10 Barena ke kgopela re mo makele sekamarane ka ku gedimo,+ ke mokane re mmeyele mpeto, tafola, setulo le llampa. Gore ka moka nako mo a tla ka howa a thogo yetsela gona.”+
11 Tšatši le lengwana o yye a tla, ke mokane a kena ka ku kamareng ya ka gedimo a segela a yetsela. 12 Ke mokane a re ga Ghehazi+ lelata lage: “Bitsa mosadi yewa wa Lešunema.”+ Ke mokane Ghehazi a ya a mmitsa, a yema mahlong gage. 13 Ke mokane Eliša a re ga Ghehazi: “Ke kgopela o mmutsise gore, ‘Ka gore o tihlupiye ka go re makela dilo tsowa,+ o nyaka ke go makela ying?+ Ayitsano o nyaka ke go bolabolela ga kgoši+ kela ga ndhuna ya masole?’” Mara yene a fetola a re: “Awwa a ke na bothatha, ke dulisanne gabutši le ba mutši waka le bayagelane baka.” 14 Eliša a re ga Ghehazi: “Byalo re ka mo makela ying?” Ghehazi a re gage: “Aa na ngwana+ fote monnage o tsofele.” 15 A napa a re gage: “Mmitse.” A ya a mmitsa ke mokane mosadi yela a yema monyako. 16 Eliša a re: “Ka nako yowa mongwaga wo wo tlang o nyoko ba o na le morwayi.”+ Mara yene a re: “Awwa morenaka, wene lelata la Modimo wa mannete! O sa botse lelata lago matsaka.”
17 Mosadi yene a yima, a belega ngwana wa mošomanya ka nthago ga mongwaga ka mokgo Eliša a mmutsiyeng. 18 Byalo, ngwanene a gola ke mokane ka letšatši le lengwana a tloga a ya ga papage wa gore ke mo a na le batho ba go buna. 19 Ke mo a fo dulela go botsa papage gore: “Yonna yoo! Hlogo yaka ya baba!” Ke mokane papage a botsa sebereki sage gore: “Mo kakole o mo yise ga mmane wage.” 20 Byalo a mo kakola a mo yisa ga mmane wage, ke mokane a segela a mmeya diropeng tsage, a dula gona go segela ka malobana ke mokane a hlokofala.+ 21 Mmane wage a mo tseya a mo yetsedisa mpetong wa lelata la Modimo wa mannete,+ ke mokane a kwala monyako a sepela. 22 Byalo a re ga monnage: “Barena ke kgopela o nneye lelata ka lloši le bhongholo ka yyoši gore ke thogo taboga ke ye ga lelata la Modimo wa mannete ke mokane ke boye.” 23 Mara monnage a re: “Ke ntaba o ya lekgono? Lekgono a yi tšatši la gore go tšwa ngwedi wa nyuwane+ fote a yi sabatha?” Mara yene a re: “O sa hlupege, dilo ka moka di lukiye.” 24 Ke mokane a lukisa bhongholo, a botsa lelata lage gore: “Sepela, yakgoswa, mo ke sa ro go botsa gore o yeme, o sa yeme.”
25 Byalo a ya ga lelata la Modimo wa mannete ku Thabeng ya Kharamele. Mo lelata la Modimo wa mannete le mmona a sa tla ku kgole, la re ga Ghehazi lelata la lona: “Bona! Mosadi wa Lešunema ke yela. 26 Barena taboga o mo gahlanetse o segele o mmutsise gore, ‘Ayitsano o tsugiye gabutši? Monnago yene o tsugiye? Ngwanago yene gee?’” Mo a reyane mosadi yela a re: “Dilo ka moka di sepela gabutši.” 27 Mo a segela ga lelata la Modimo wa mannete ku thabeng, a napa a ngangarela mawoto yage.+ Ke mokane Ghehazi a šutela thina naye gore a thogo mo tšhofa, mara lelata la Modimo wa mannete la re: “Mo lisetse ka taba la gore o kwa go baba, mara a ke tšibi gore ke ntaba ka taba la gore Jehova aa mpotsa selo.” 28 Ke mokane a re: “Anthe wene morenaka ke ro go kgopela ka re ke nyaka ngwana wa mošomanyana? Anthe a ke ya go botsa gore, ‘O sa ntshepisi dilo tsa gore a di šiyo’?”+
29 Eliša a napa a botsa Ghehazi gore: “Tantetsa dikobo tsago ho masekeng,+ ke mokane o tseye thoka yaka o sepele nayo. Mo o gahlana le motho mo tseleng, o sa mo tamisi; fote mo yene a go tamisa, wene o sa dumele. Ariye o segele o beye thoka yaka gedimo ga sefahlego sa mošomanyana yela.” 30 Ke mokane mmane wa mošomanyana yela a re: “Solanka Jehova a sa phela le wene o sa phela, nka sa go šiyi.”+ Eliša a tlogamela a sepela naye. 31 Ghehazi a ba yeta mahlong a segela a beya thoka yela gedimo ga sefahlego sa mošomanyana yela, mara ne a sa thogathoge.+ Ke mokane Ghehazi a boyela ga Eliša a segela a mmotsa gore: “Mošomanyana yela aa tsoga.”
32 Mo Eliša a segela mone ntlong, mošomanyana yela ne a le mpetong wa Eliša a kgwile.+ 33 Eliša a kena ka ku kamareng a tikwalela le mošomanyana yela ke mokane a thomisa go rapela Jehova.+ 34 Eliša a ya hala mpetong a segela a yinamela mošomanyana yela, a tikisa molomo wa mošomanyana yela ka wage, maahlo yage ma tikisa ya mošomanyana yela, fote a tshwara matsogo ya mošomanyana yela a mo yinamele, ke mokane mmele wa mošomanyana yela wa thomisa go belabela.+ 35 Eliša a sepela sepela mone ntlong, ka nthago a boyela hala mpetong a segela a yinamela mošomanyana yela fote. Mošomanyana yela a yethimula gašupa, ka nthago ga hone a bula maahlo.+ 36 Byalo Eliša a bitsa Ghehazi a re gage: “Mpitsele mosadi wa Lešunema.” Ke mokane Ghehazi a mmitsa a tla. Eliša a re gage: “Tseya morwayi wago ke yewa.”+ 37 Mosadi yela a kena a segela a kgotama mawotong ya Eliša, mo a fetsa a kakola morwayi wage a tšwa naye.
38 Mo Eliša a boyela Ghilighala, ke mo go na le tlala mone nageng.+ Byalo barwayi ba baporofeta+ ke mo ba duli mahlong gage, ke mokane a botsa lelata lage gore:+ “Tokega poto ye kgolo ke mokane o yapegele barwayi ba baporofeta sope.” 39 Byalo ye mongwana wa bona a tloga a ya ku tšhomong a segela a kga mokopu fote a kraya go na le thoke ke mokane a kga mekopu ga yona, a tlatsa kobo yage. Ke mokane a segela a di kopelela ka ku potong, a sa di tšibi gore ke dilo tsa mošaga mang. 40 Ke mokane ka nthago ba neya banna bala gore ba je, mara mo ba thomisa go ja ba yahlamela ba re: “Wene lelata la Modimo wa mannete, go na le tšhefu* ka mo potong.” Tsotsone di makiye gore ba sa kgone go ja. 41 Ke mokane a re: “Nneyetse folawa.” A yi tseya a yi tšhela ka ku potong a re: “Tsholela batho bowa.” Ka ku potong gwa sa sa ba le tšhefu.+
42 Go tlile monna a tšwa Bhaali-šališa,+ o leyele lelata la Modimo wa mannete 20 ya malofo ya dikgwa tsa go makiwa ka dithoro tsa mabele*+ tsa gore o di makiye ka diyengwa tsa mathomo, a mo leyela le lesaka la mabele ya mathomo.+ Ke mokane Eliša a re: “Di neye batho bowa gore ba thogo ja.” 43 Mara lelata lage la re: “Tsa go ja tsowa ke tse dinyana di ka sa lekane 100 ya batho.”+ Mo a reyane, Eliša a re: “Neya batho bowa ba je, ka taba la gore tsowa ke tso Jehova a di hlayang, ‘Ba nyoko ja dya boya dya šala.’”+ 44 Ke mokane lelata lela la ba neya tsa go ja ba ja dya boya dya šala,+ go ya ka mokgo Jehova a hlayyeng.