Dipalo

18 Ke mokane Jehova a re ga Aroni: “Wene le barwayi bago le ba leloko lago le nyoko ba le molato mo le ka fo thilafatsa poleke ya go hlawolega,+ fote le nyoko ba le molato mo le ka fo tshila molawo wa lune wa boprista.+ 2 Bitsaneng le bobhuti ba lune ba leloko la Llifi, wa gore ke wa leloko la bopapa ba lune, gore ba thogo bereka+ mahlong ga Letente la go Hlawolega la gore le na le Areka ya Segopotso.+ 3 Ba nyoko maka mmereko wo o ba neyang wona le mmereko ka mokana ga wona wa letenteng.+ Mara ba sa šutele thina le dilo tso di berekisiwang polekeng ya go hlawolega le aletareng, gore ba sa kgwe le lune le sa kgwe.+ 4 Ba nyoko tla ba bereka le lune ba boya ba maka mmereko wa bona letenteng la mogahlano le mmereko ka mokana ga wona wa letenteng, fote motho wa gore aa tshwanelege* a sa šutele thina le lune.+ 5 Di nyaka le make mmereko wa lune wa polekeng ya go hlawolega+ le wa aletareng,+ gore nna ke sa kwatele+ batho ba Israyele. 6 Nna ke tsere bobhuti bago ba gore ke Malifi ga Maisrayele ka go neya bona.+ Go nyoko ba ba Jehova, fote ba nyoko bereka letenteng la mogahlano.+ 7 Wene le barwayi bago le nyoko maka mmereko wa maprista wa gore wo sipidisana le aletare le tso di leng ka teng ga legaredheni,+ fote di nyaka le wo make mmereko wone.+ Ke neyye lune mmereko wa boprista, fote mo motho wa gore aa tshwanelege* a ka šutela, di nyaka a bolayiwe.”+

8 Jehova a ya mahlong a bolabola le Aroni a re: “Ke kgeta wene gore o wokamele dilo tso batho ba nneyang tsona.+ Sengatha sa dilo tsa go hlawolega ka mokana ga tsona tso Maisrayele ma neyelang ka tsona ke di neya wene le barwayi bago, fote go be ka mokgonone go ya go yye.+ 9 Ga dihlabelo tsa go hlawolega ka matla tsa go tšhubiwa, tsowa go nyoko ba tsago: sehlabelo se sengwana le se sengwana so ba se makang le dihlabelo tsa tsona tsa mabele,+ dihlabelo tsa mo motho a sinnye+ le dihlabelo tsa mo o kokona ke lekwalo+ tso ba di leyang gaka. Ke selo sa go hlawolega ka matla ho gago le ga barwayi bago. 10 Di nyaka le se je polekeng ya go hlawolega ka matla.+ Monna ye mongwana le ye mongwana a ka se ja. Go nyoko ba selo sa go hlawolega ga lune.+ 11 Le tsowa ke tsa lune: dilo tso ba neyelang ka tsona+ le dihlabelo ka mokana ga tsona tsa gore ba di yisa ku le ku+ tsa Maisrayele. Ke di neya wene le barwayi bago le barwediya bago go ya go yye.+ Ye mongwana le ye mongwana wa ntlong yago wa gore o yediye a ka ja dilo tsowa.+

12 “Makgura ya go di phala ka moka, wayini ya nyuwane ya go di phala ka moka le mabele, tsa gore ke diyengwa tsa bona tsa go butšwa mathomisong+ tsa gore ba di neya Jehova, ke di neya lune.+ 13 Diyengwa tsa go butšwa mathomisong tsa nageng ya bona tsa gore ba nyoko di neya Jehova, go nyoko ba tsa lune.+ Motho ye mongwana le ye mongwana wa gore o yediye ntlong yago a ka di ja.

14 “Selo se sengwana le se sengwana sa gore ba neyele ka sona Israyele go nyoko ba sa lune.+

15 “Letšibula le lengwana le le lengwana la dilo tsa go phela+ tsa gore ba nyoko di neya Jehova, batho kela diphoolwane, di nyaka go be tsa lune. Mara di nyaka le yamogele tšheleta ya go lepolla+ matšibula ya batho le matšibula ya diphoolwane tsa gore a di ya yela.+ 16 Di nyaka le yamogele tšheleta ya go le lepolla mo le na le kgwedi ka yyoši go ya gedimo, tšheleta yone di nyaka go be gana hala ga kapheta ya dišekele tsa silva+ go ya ka šekele yo ba yi berekisang ga poleke ya go hlawolega. Šekele ka yyoši ke 20 ya dighera.* 17 Mara a di nyake le lepolla letšibula la kgomu ya phoolo, letšibula la nku ya phoolo kela letšibula la pudi ya phoolo.+ Ka gore di hlawolegiye ga lune. Di nyaka le fokele madi ya tsona aletareng,+ fote ka makgura ya tsona di nyaka o make sehlabelo sa muši gore go be sehlabelo sa go nkgela sa go jabodisa Jehova.+ 18 Le nama ya tsona di nyaka go be ya lune. Go tshwana le sekguba sa sehlabelo sa gore ba se yisa ku le ku le loto la ka letsogong la go ja, di nyaka go be tsa lune.+ 19 Dilo ka mokana ga tsona tsa go hlawolega tso Maisrayele ma nyoko di neyang Jehova,+ ke di neyye wene, barwayi bago le barwediya bago gore go be tsa lune go ya go yye.+ Ke kwano ya go sa tšhentšhe ya go ya go yye* mahlong ga Jehova, gago le ga ditlogolwane tsago.”

20 Jehova a ya mahlong a re ga Aroni: “O ka sa kraye lefa ga naga ya bona, fote o ka sa kraye sekopa sa naga ya bona.+ Ke nna sengatha sago le lefa lago gare ga Maisrayele.+

21 “Byalo, ke neyye barwayi ba Llifi sa lesome mone+ ga Maisrayele gore go be lefa la bona ka taba la mmereko wo ba wo makang letenteng la mogahlano. 22 Maisrayele ma sa sa šutela letenteng la mogahlano, ka gore mo ba ka maka ka mokgonone ba ko ba ba sinnye fote ba nyoko kgwa. 23 Malifi ke wona ya gore ma nyoko maka mmereko wa letenteng la mogahlano, fote ke wona ya gore ma nyoko patela mo batho ba ka sinya.+ Malifi ma sa kraye lefa ga Maisrayele,+ wone ke molawo wa go ya go yye. 24 Ka taba la gore Malifi ke ma neyye sa lesome gore go be lefa la wona, sa gore Maisrayele ma nyoko neyela ka sona ga Jehova. Nka taba lo ke ma butsiyeng gore, ‘A di nyake ma kraya lefa gare ga Maisrayele.’”+

25 Ke mokane Jehova a re ga Moše: 26 “O botse Malifi gore, ‘Le nyoko kraya sa lesome sa go tšwa ga Maisrayele sa gore le se neyye ke nna gore go be lefa la lune,+ le lune di nyaka le ntshe sa lesome gana hone le neyele ga Jehova.+ 27 Fote Modimo o nyoko tseya gore tsotsone ke moneyelo wa lune, tsa nkare ke mabele ya lune,+ wayini ya lune kela makgura ya lune. 28 Ka mokgonone le lune le ko ba le neyela ga Jehova ga dilo ka mokana ga tsona tsa lesome tso le di krayang ga Maisrayele, ke mokane gana mone di nyaka le ntshe moneyelo wa Jehova le wo neye Aroni wa gore ke moprista. 29 Mohlobo wo mongwana le wo mongwana wa moneyelo wo le wo yisang ga Jehova go nyoko ba wa go phala dilo ka mokana ga tsona tso ba le neyyeng tsona+ gore go be tsa go hlawolega.’

30 “Fote di nyaka o ma botse gore, ‘Mo le neyela ka tsa go di phala ka moka, go nyoko ba nkare ke mabele ya lune, wayini ya lune kela makgura ya lune. 31 Lune le ba mitši ya lune le ka di jela go gongwana le go gongwana, ka taba la gore ke patela ya lune ya mmereko wo le wo makang letenteng la mogahlano.+ 32 Mo le maka tsotsone le ko ba le sa sinyi solanka le neyela ka tsa go di phala ka mokana ga tsona, fote dilo tsa Maisrayele tsa go hlawolega le di berekise gabutši, mo le ka sa make ka mokgonone le nyoko kgwa.’”+