Dipalo

3 Byalo, lowa ke lešika la Aroni le Moše go ya ka maloko ya bona nakwela Jehova a bolabola le Moše ku Thabeng ya Sinayi.+ 2 Yawa ke mo go le mabitso ya barwayi ba Aroni: wa mathomo ke Nadabhe, go latela Abhihu,+ Eliyazara+ le Ithama.+ 3 Yane ke mo go le mabitso ya barwayi ba Aroni, ba gore ba ba tlotsiye ke mokane ba ba maka gore go be maprista.+ 4 Mara Nadabhe le Abhihu ba kgwile mahlong ga Jehova nakwela ba maka sehlabelo mahlong ga Jehova+ ba sa tshwanela go se maka ku mašahleng ya Sinayi, ka nako yonone ne ba se na barwayi. Mara Eliyazara+ le Ithama+ ba yye mahlong ba bereka le papa wa bona Aroni go le maprista.

5 Ke mokane Jehova a re ga Moše: 6 “Leya ba leloko la Llifi,+ ba yeme mahlong ga Aroni wa gore ke moprista ke mokane ba mmerekele.+ 7 Di nyaka ba make mmereko wo ba tshwaneleng go mo makela wona le wo ba tshwaneleng go wo makela setšhaba ka mokana ga sona mahlong ga letente la mogahlano ka go maka mmereko wo ba tshwaneleng go wo maka wa go yelana le tabarenakele. 8 Ba nyoko pasopa dilo ka mokana ga tsona+ tso di leng ga letente la mogahlano, fote ba maka mmereko wo ba tshwaneleng go wo makela Maisrayele, ba boya ba maka le mmereko wa go yelana le tsa tabarenakele.+ 9 O tseye Malifi o ma yise ga Aroni le barwayi bage. Ba hlawodiwwe ga Maisrayele+ gore ba mo gelepe. 10 O kgete Aroni le barwayi bage, fote di nyaka ba make mmereko wa bona wa boprista,+ motho ye mongwana le ye mongwana wa gore a yi moprista mo a ka šutela thina di nyaka a bolayiwe.”+

11 Jehova a ya mahlong a re ga Moše: 12 “Bona! Nna ke nyoko maka gore sekgaleng sa matšibula ka mokana ga wona ya Israyele go kene Malifi ya gore ke ma hlawodiye ga Maisrayele,+ fote Malifi go nyoko ba batho baka. 13 Letšibula le lengwana le le lengwana ke laka.+ Go tlugisela ka letšatši lo ke bolayyeng letšibula le lengwana le le lengwana nageng ya Egepita,+ ke makiye gore letšibula le lengwana le le lengwana la Israyele, ga batho le diphoolwane, go be laka.+ Ka mokana ga bona ke baka. Ke nna Jehova.”

14 Jehova o yye mahlong a bolabola le Moše ku mašahleng ya Sinayi,+ a re: 15 “Ngwadisa barwayi ba Llifi go ya ka leloko la bopapa ba bona le ka mitši ya bona. Di nyaka o ngwadise motho ye mongwana le ye mongwana wa gore ke monna, go thomisa ka kgwedi ka yyoši go ya gedimo.”+ 16 Byalo Moše a ba ngwadisa go ya ka mokgo Jehova a hlayyeng. 17 Yawa ne go le mabitso ya barwayi ba Llifi: Ghešone, Kohathe le Merari.+

18 Byalo, yawa ke mabitso ya barwayi ba Ghešone go ya ka mitši ya bona: Libhini le Šimeyi.+

19 Barwayi ba Kohathe go ya ka mitši ya bona ke mo go le Amoramo, Izara, Hebhrone le Uziyele.+

20 Barwayi ba Merari go ya ka mitši ya bona ke mo go le Mahili+ le Muši.+

Yowa ke mo go le mitši ya Malifi go ya ka maloko ya bopapa ba bona.

21 Ga Ghešone go tšwile mutši wa Libhini+ le mutši wa Šimeyi. Bowa ne go le ba mutši wa Ghešone. 22 Nombhoro ya banna ka mokana ga bona go tlugisela ka wa kgwedi ka yyoši go ya gedimo ga bo ba ngwadisiwweng ne go le 7 500.+ 23 Ba mitši ya Ghešone ke mo ba kampiye ka nthago ga tabarenakele+ ba libiye bodikela. 24 Ndhuna ya leloko la Ghešone ke mo go le Eliyasafa morwayi wa Layele. 25 Ke mo di nyaka barwayi ba Ghešone+ ba pasope tabarenakele, letente,+ sa go kogela tabarenakele,+ legaredheni+ la mo go keniwang gona la letente la mogahlano, 26 magaredheni+ ya ku lapeng, legaredheni+ la mo o kena lapeng la gore le dukulugele tabarenakele le aletare, dithapo tsa letente le mebereko ka mokana ga yona ya go sipidisana natso.

27 Ga leloko la Kohathe go tšwile mutši wa Amoramo, mutši wa Izara, mutši wa Hebhrone le mutši wa Uziyele. Yowa ke mo go le mitši ya leloko la Kohathe.+ 28 Nombhoro ya banna ka mokana ga bona go tlugisela ga wa kgwedi ka yyoši go ya gedimo ke mo go le 8 600; mmereko wa bona ne go le go pasopa poleke ya go hlawolega.+ 29 Mitši ya barwayi ba Kohathe yi kampiye ka borwa bya tabarenakele.+ 30 Ndhuna ya leloko la Kohathe ke mo go le Elizafane morwayi wa Uziyele.+ 31 Mmereko wa bona ke mo go le go pasopa Areka,+ tafola,+ sa go hlomela llampa,+ dialetare,+ dilo tso ba di berekisang+ mo ba bereka mone ga poleke ya go hlawolega, legaredheni+ le mebereko ye mengwana ka mokana ga yona ya go sipidisana natso.+

32 Ndhuna ya Malifi ke mo go le Eliyazara+ morwayi wa Aroni wa gore ke moprista, wa gore ke mo a wokamela ba go pasopa poleke ya go hlawolega.

33 Ga leloko la Merari go tšwile mutši wa Mahili le mutši wa Muši. Yowa ke mo go le mitši ya leloko la Merari.+ 34 Nombhoro ya banna ka mokana ga bona go tlugisela ga wa kgwedi ka yyoši go ya gedimo ga bo ba ngwadisiwweng ne go le 6 200.+ 35 Ndhuna ya leloko la Merari ke mo go le Zuriyele morwayi wa Abhiheyili. Ke mo ba kampiye ka lebowa la tabarenakele.+ 36 Barwayi ba Merari ne ba wokamela diforemo+ tsa tabarenakele, mabalelo ya yona,+ dikholomo tsa yona,+ dilo tsa go thega dikholomo le dilo ka mokana ga tsona tsa gore ne di berekisiwa tempeleng+ le mebereko ye mengwana ya go yelana le dilo tsowa+ 37 le dikholomo tsa gore ke mo di dukulugela lapa le tsa go thega dikholomo,+ dipikiri tsa letente le dithapo tsa letente.

38 Ba gore ba kampiye ka bohlabela mahlong ga tabarenakele ya gore yi mahlong ga letente la mogahlano ke mo go le Moše, Aroni le barwayi ba Aroni. Ke mo di nyaka ba pasope poleke ya go hlawolega ya tempele, ke mmereko wo ne di nyaka ba wo makele Maisrayele. Motho wa gore aa tshwanela go šutela thina ke mo di nyaka a bolayiwe+ mo a ka šutela.

39 Banna ka mokana ga bona ba Malifi go tlugisela ka wa kgwedi ka yyoši go ya gedimo, ba gore ba ngwadisiye ke Moše le Aroni go ya ka mitši ya bona ka mokgo Jehova a ba butsiyeng ka gona ke mo go le 22 000.

40 Ke mokane Jehova a botsa Moše gore: “Ngwala mabitso ya matšibula ya banna ba Israyele ka letheto, go thomisa ka wa kgwedi ka yyoši go ya gedimo,+ fote o ba balele. 41 O nhlawolele Malifi sekgaleng sa matšibula ya Maisrayele+—ke nna Jehova, fote o hlawole diphoolwane tsa gaye tsa Malifi sekgaleng sa diphoolwane tsa gaye tsa matšibula tsa Maisrayele.”+ 42 Moše a ngwadisa matšibula ka mokana ga wona ya Maisrayele, go ya ka mokgo Jehova a mmutsiyeng ka gona. 43 Nombhoro ya matšibula ka mokana ga wona ya banna ya gore ne ma ngwadisiwwe ka mabitso go tlugisela ka wa kgwedi ka yyoši go ya gedimo ne go le 22 273.

44 Jehova a ya mahlong a re ga Moše: 45 “Hlawola Malifi sekgaleng sa matšibula ka mokana ga wona ya Maisrayele, fote o hlawole diphoolwane tsa gaye tsa Malifi sekgaleng sa diphoolwane tsa gaye tsa Maisrayele, fote di nyaka Malifi go be batho baka. Ke nna Jehova. 46 Ga tšheleta ya go lepolla+ 273 ya matšibula ya Maisrayele ya gore ma feta ya Malifi ka nombhoro,+ 47 di nyaka o patele kapheta ya dišekele,* o patelele ye mongwana le ye mongwana+ go ya ka šekele yo ba yi berekisang ga poleke ya go hlawolega. Šekele ka yyoši yi lekana le 20 ya dighera.*+ 48 Tšheleta yone o yi neye Aroni le barwayi bage gore o patelele matšibula yala ya mangwana ya Maisrayele.” 49 Byalo Moše a tseya tšheleta yela gore a patelele matšibula yala ya Maisrayele ya go feta ya Malifi. 50 A tseya tšheleta ga matšibula ya Maisrayele, ke mo yi lekana 1 365 ya dišekele, go ya ka šekele yo ba yi berekisang ga poleke ya go hlawolega. 51 Byalo, Moše a tseya tšheleta yone ke mokane a yi neya Aroni le barwayi bage go ya ka lentsu la Jehova, go ya ka mokgo Jehova a butsiyeng Moše.