Tsowa di Hlatolla ke Mareka

15 Mo bo sa, dindhuna tsa maprista le banna ba gore ba ba tseya nkare ba butšwiye le bomabhalane, le batho ba Sanhedrini ka mokana ga bona ba kwana, ba tlema Jeso ba mo yisa ga Pilato.+ 2 Pilato a butsisa Jeso, a re: “Ke wene Kgoši ya Majuda?”+ Jeso a mo fetola a re: “Go hlaya wene tsotsone.”+ 3 Mara dindhuna tsa maprista ke mo di mo hlayela matsaka ga dilo tsa go tlala. 4 Byalo Pilato a thomisa go butsisa Jeso fote a re: “A o hlaye selo?+ Nje wa ba kwa gore ba go tantetsa ka dilo tsa go tlala?”+ 5 Mara Jeso a sa mo fetole, sosone sa maka gore Pilato a šale a makele.+

6 Ka letšatši la Paseka, ye wa go lawola ke mo a tlwayele gore o ntsha sekgohlane ka ssoši so se kgetiyeng ke mogoba.+ 7 Ka nako yonone ke mo ba tshwere sekgohlane sa go tuma so ba reng ke Bharabhase, se na le bo ba go lwisana le mmušo, ba gore ba šinnye ba bolaya ka taba la go lwisana nawo. 8 Byalo mogoba wa tla wa kgopela Pilato go ya ka mokgo ne a ba tlwayetsiye ka gona. 9 Pilato a re ga bona: “Le nyaka ke le ntshele Kgoši ya Majuda?”+ 10 Pilato ne a di tšiba gore dindhuna tsa maprista di leyye Jeso hone gage ka taba la gore ne di mo jelasela.+ 11 Mara dindhuna tsa maprista di kutšetsele mogoba gore wo kgopele Bharabhase.+ 12 Pilato a re ga bona fote: “Ke make ying byalo ka ye le reng ke Kgoši ya Majuda?”+ 13 Ka mokana ga bona ba re: “A kokotediwe!”+ 14 Mara Pilato a re: “Ke ntaba? O sinnye ying?” Ba fo ya mahlong ba yahlamela ba re: “A kokotediwe!”+ 15 Mo ba reyane, Pilato a ba ntshela Bharabhase ka taba la gore ke mo a nyaka go jabodisa mogoba,+ a lisetsa Jeso ba mo teya ba šinya ba mo tseya ba ye mo kokoteleng.+

16 Ke mokane masole ma tseya Jeso ma mo yisa mo Pilato a dulang. Pilato a bitsa masole yage ka mokana ga wona.+ 17 Ma yapesa Jeso kobo ye phepholo ma mo makela le fapo ka mutlwa, ma yi beya mo hlogong yage. 18 Ma thomisa go mo kwera ma re: “Tama,* wene Kgoši ya Majuda!”+ 19 Ma mo teya ho hlogong ka lehlakanoka fote ma mo tshwela ka mare, ma boya ma mo thinyela letolo. 20 Mo ma fetsa go mo kwera, ma mo yapola kobo yela ye phepholo ma mo yapesa kobo yage ya ka tawong. Ma mo yisa gore a ye kokotediwa phateng.+ 21 Ma gapeletsa monna ye mongwana wa gore ke mo a tifetela a tšwa dimitšaneng, gore a kakolele Jeso phate ya mohlupego.* Morenene ba re ke Simone wa go tšwa Sayirini fote ke mo go le papa wa Alekzanda le Rufase.+

22 Byalo ma mo yisa ga poleke yo ba reng ke Gholghotha, ya gore mo yi hlatolliwa yi rela, “Poleke ya Bokakara.”+ 23 Gana hone ma liketsa go mo neya wayini ya gore ba yi gahlanisiye le mira,+ mara a gana go yi nwa. 24 Ma mo kokotela ku phateng, ke mokane ma lahla dikgakgare gore ma thogo pomelana dikobo tsage tsa ka tawong.+ 25 Mo go šele go teya 9 ya ka bošego,* ma mo kokotela phateng. 26 Ka mo kgakala ga hlogo yage ne ba ngwadiye gore: “Yewa ke Kgoši ya Majuda.”+ 27 Fote ka ho mathoko gage ne go na le dikgohlane ka dipedi, se sengwana se le ga letsogo lage la go ja, se sengwana se le ga letsogo lage la sepata.+ 28* ⁠—— 29 Bo ne ba feta ka pata, ne ba mo poyila ba kene ba šikinya dihlogo+ ba re: “Yaa! Wene wa gore o ka di kgona go wisanya tempele o boya o yi yaga ka kararo ya matšatši,+ 30 tiphonise, phologa mone phateng ya mohlupego.”* 31 Dindhuna tsa maprista le bomabhalane ba thomisa go mo kwera, ba re: “Tsa go phonisa ba bangwana o di tšiba ka matla; mara o šita ke go tiphonisa!+ 32 Akere ke yene Kreste Kgoši ya Israyele; a phologe mone phateng ya mohlupego* re ko mo tshepeng.”+ Le bo ne ba kokotediwwe ka mathoko gage ke mo ba mo poyila.+

33 Gana hala ga 12 ya motshegare* gwa tlema letshwifi ga poleke yone ka mokana ga yona go segela gana hala ga 3 ya ka sethewo.*+ 34 Ke mokane gana hala ga 3 ya ka sethewo, Jeso a yahlamela ka matla a re: “E′li, E′li, la′ma sa·bach·tha′ni?” ya gore yi rela gore, “Modimo waka, Modimo waka, ke ntaba o ntisetsiye?”+ 35 Mo batho ba bangwana ga bo ne ba yemme mone ba mo kwa, ba re: “Kwanneng! Morene o bitsa Eliya.” 36 Ye mongwana ye ke mo a yemme hone thina a taboga a tseya spontši ke mokane a se yenela ka teng ga wayini ya go galaka, fote a se tlemelela ga lehlakanoka, a mo neya gore a nwe,+ ba bangwana ba re: “Mo lisetse! Re bone gore Eliya o ko tla a mo phonisa.” 37 Mara Jeso a yahlamela ka matla, ke mokane a kgwa.*+ 38 Legaredheni la poleke ya go hlawolega ya tempeleng+ la tleroga ka bogare, go tlugisela gedimo go segela fase.+ 39 Byalo mo ye mogolo wa masole wa gore ke mo a yemme a libanne naye a bona gore o kgwile,* a re: “Ka nnete monna yewa ke mo go le Morwayi wa Modimo.”+

40 Ke mo go na le basadi ba bangwana ba lebelele ba le ku kgole, mo gare ga bona ke mo go na le Mariya Magdalina le Mariya mmane wa Jakobo ye Monyana* wa gore fote ne go le mmane wa Josese, le Salomo,+ 41 ba gore ne ba fela ba sepela naye fote ba mmerekela+ nakwela a le Galeliya, le basadi ba bangwana ba go tlala ba gore ba yye naye Jerusalema.

42 Byalo ke mo go šele go le ka sethewo ka letšatši la go Lukiselela, la gore ka motshwana wa gona ke Sabatha, 43 gwa tla Josefa wa Arimathiya, wa gore ke mo a tšibega ga mogoba wa Sanhedrini, wa gore le yene ke mo a yemele Mmušo wa Modimo. Monna yewa a šišimala a ya ga Pilato, a segela a kgopela setopo sa Jeso.+ 44 Mara Pilato ke mo a tiputsisa gore ayitsano Jeso o šele a kgwile, a bitsa ye mogolo wa masole a mmutsisa gore Jeso o šele a kgwile kela awwa. 45 Mo a šele a tšiba gore o kgwile, a neya Josefa setopo sone. 46 Josefa a tla a tshwere llapi la linene ya gore ke mong yona, a mo fegolla hala phateng, a mo tantetsa ka lona, a mmoloka ka teng ga lebitla+ la gore ba le yepiye letlapeng; mo a fetsa a kgokolosa letlapa le legolo a kwala lebitla lone.+ 47 Mara Mariya Magdalina le Mariya mmane wa Josese ba fo ya mahlong ba lebelele mo ne ba mmolokele gona.+