Ruthi

3 Matsalage ye ba reng ke Nawomi a re gage: “Ngwanaka, ke sa go nyakele monna gore o dule naye+ o ko thogo pasopega* le gore dilo di go sepelele gabutši? 2 Anthe Bhowase a yi lešaga la rune?+ Malata yala ya basadi ya gore ke mo o le nawo ke yage. Ka malobana o nyoko ba a fefera dithoro tsa mabele* hala ba tulelang gona. 3 Byalo, ariye we hlapeng fote o tlole makgura ya go nkgela; o tšhepe ke mokane o ye ku ba tulelang gona mabele. O make gore monna yene a sa go boni go segela a fetsa go ja le go nwa. 4 Mo a yetsela o lebelele gore o yetsela kaye ke mokane o phaye ka mawotong yage o yetsele gana hone. O nyoko go botsa gore o make ying.”

5 Mo a reyane Ruthi a fetola a re: “Ke nyoko maka dilo ka mokana ga tsona tso o mpotsang tsona.” 6 Byalo, a tloga a ya mola ba tulelang gona fote a maka dilo ka mokana ga tsona tso matsalage a mmutsiyeng gore a di make. 7 Ka nako yonone Bhowase ke mo a jile, a nwile fote pelo yage yi jabodiye. Ke mokane a ya a yetsela mo go felelang ndhundhuma ya dithoro tsa mabele. Ka nthago ga mone Ruthi a ya a phaya ka mawotong ya Bhowase mo a fetsa a yetsela. 8 Gare ga bošego Bhowase o thomisiye go hlagasela, a tsosa hlogo a bona go na le mosadi a yetsele ku mawotong yage. 9 Bhowase a re: “Ke wene mang?” Yene a re: “Ke nna Ruthi lelata lago. Yapesa lelata lago kobo yago ka taba la gore ke wene o re phonisang.”+ 10 Mo Ruthi a reyane Bhowase a re: “Nkare Jehova a ka go rufa ngwanaka. Dilo tso o šeleng o di makiye di šupetsiye gore wa nyakanana mara di napa di šupetsa ka matla gana byalo,+ a wa hlwa o šelašele masogana ya gore ma ghannye kela ya gore maa tihlupegela nthago. 11 Byalo o sa tšhoge ngwanaka. Ke nyoko go makela dilo ka mokana ga tsona tso o di nyakang+ ka taba la gore batho ba poleke yowa baa di tšiba gore o mosadi wa gabutši ka matla. 12 Ke nnete gore ke nna wa go phonisa+ mara go na le ye mongwana wa gore wa phonisa wa gore ke lešaga le legolo la lune.+ 13 O sa tloge, mo nkare o nyoko go phonisa ka bošego go lukiye! A make ka mokgonone.+ Mara mo nkare aa nyake go go phonisa, nko go phoniseng. Ke go tshepisa ka lebitso la Jehova Modimo wa go phela. Yetsela howa go segela ka bošego.”

14 Byalo a yetsela mawotong yage go segela ka bošego ke mokane a tsoga go soko khanya la gore batho ba ka mmona. Bhowase a re: “O sa botse motho gore ke mo go na le mosadi mo ba tulelang gona.” 15 Bhowase o hlayye le gore: “Leya kobo yago ya ka tawong yo o yi yapereng, o yi phurulle.” Ruthi a napa a yi phurullwa ke mokane Bhowase a tšhela gana hala ga 25 ya dikhiloghremo tsa dithoro tsa mabele a mo rwesa tsona, ka nthago ga hone Bhowase a boyela mutšing.

16 Ruthi a boyela ga matsalage wa gore o yitseri gage: “Di go sepelele byang ngwanaka?” Ruthi a napa a mmotsa dilo ka mokana ga tsona tso Bhowase a mo makeleng tsona. 17 Ruthi o hlayye le gore: “Bhowase o nneyye gana hala ga 25 ya dikhiloghremo tsa dithoro tsa mabele, a re gaka ‘O sa yi ga matsalago o lekalekisa matsogo.’” 18 Mo Ruthi a reyane Nawomi a re: “Dula fase ngwanaka go segela o tšiba gore go nyoko makega ying, ka taba la gore Bhowase a ka sa khutsi go segela taba yowa yi loka lekgono.”